يعنى اية العربية متلته

[aali6632]

السلام على احسن أعضاء منتدى سوالى
# اول كنت طالع بالعربية وبدور ففى واحد جه قالى العربية متلته قولتلو يعنى قالى يعنى عندك 3 بوجيه بس شغلين والرابع بايظ هل ده صح هى العربية بتترج شوية وصوتها بيقى ريح جاى لحد متسخن
# ثانىحاجة عايز اعرف اية نوع العازل الحرارى الى فى الكبوت من جو
معليش استحملونى اصلى لسة جديد فى موضوع العربيات ولسة بستهج العربي فليشيا 95
# المرش عندى كل شوية وانا بدور خصوص الصبح اسمع صوت تك جامدة وبعدها المرش ميشتغلش ولزم افك المرش وبسمع صوت سوسته بترود ذى تك صغير وبعدها بيشتغل عادى اي الى ممكن يتصلح فيه
انا أسف طولت عليكم بس انا عندى شيلت مشاكل فى العربية كرهتنى فيها وهى بقالها سنة معية
# اخر حاجة انا عايز اجيب بطارية 70 امبير الى فيها 40 امبير هلى فى اي مشكلة بالنسبة لكهربة العربية او شحن المرش
وانا بشكر الى يرد عليا ولى مبيردش

[EngAhmedSayed]

السلام على احسن أعضاء منتدى سوالى
# اول كنت طالع بالعربية وبدور ففى واحد جه قالى العربية متلته قولتلو يعنى قالى يعنى عندك 3 بوجيه بس شغلين والرابع بايظ هل ده صح هى العربية بتترج شوية وصوتها بيقى ريح جاى لحد متسخن

صح الكلام يعنى متلته يعنى بوجيه قاطع يعنى مش شغال و يجب تغيير البوجيهات على فتره ثابته للتفادى المشكله انقطاع البوجيه عاوز تعرف البوجيه قاطع و له لا حضرتك تشيل كبل التوصيل الموتور صوته اتغير يبقى شغال مغيش اى تاثير على الموتور يبقى قاطع و يجب التغيير لانى فى الحاله دى تخسر ربع قوة المحرك يعنى حصان ماشى بثلاث رجول مش اربع رحول

# ثانىحاجة عايز اعرف اية نوع العازل الحرارى الى فى الكبوت من جو
معليش استحملونى اصلى لسة جديد فى موضوع العربيات ولسة بستهج العربي فليشيا 95

انتا قصدك على الكفر قلى تحت الكبوت ده بيبقى اسمه عزل حرارى فووم

# المرش عندى كل شوية وانا بدور خصوص الصبح اسمع صوت تك جامدة وبعدها المرش ميشتغلش ولزم افك المرش وبسمع صوت سوسته بترود ذى تك صغير وبعدها بيشتغل عادى اي الى ممكن يتصلح فيه

الموضوع ده هيكون ترس البيندكس و بالمرة ابقى غير جلب و دى بتتعمل عند خراط 10 او 15 جنيه و ترس البيندكس هيكون فى رينج 50 او 60 جنيه و مصنعيه 30 جنيه بسيطه ده بالنسبه للمارش

انا أسف طولت عليكم بس انا عندى شيلت مشاكل فى العربية كرهتنى فيها وهى بقالها سنة معية
# اخر حاجة انا عايز اجيب بطارية 70 امبير الى فيها 40 امبير هلى فى اي مشكلة بالنسبة لكهربة العربية او شحن المرش ا

البطاريه الموجوده 40 امبير قليله قووووى على العربيه و 70 امبير هيكون فى حمل على الدينمو مش المرش حضرتك ده للتوضيح سؤال لو مكيفه مفيش مانع 70 امبير اما لو مش مكيفه ابقى حط بطاريه 60 امبير كويسه على الدينمو

وانا بشكر الى يرد عليا ولى مبيردش

الشكر لله الموضوع بسيط و استفسارتك بسيطه و كل دى حاجات سهله جدااااا متخلكش تزهق من عربيتك
ربك المستعان
لو فى اى استفسار ياريت تطرحها فى القسم
و ياريت تقولنا عملت ايه بعد الكلام ده

[zomzom11]

اولا ما تقلقش كلنا مررنا يكل هذا فلا داعى للحرج فى اى سؤال
ثانيا ماعتقدش ان العربيه تزهقك اذا كانت قعدت معاك سنه ولا شفت منا مشكله فى البوجيهات او المارش او البطاريه الا بعد سنه ده انت على كده محظوظ وعربيتك اصيله
زى ما سبق وقالك الاستاذ المهندس احمد بالظبط وما تقلقش انضم لمنتدى الاسكودا وهاتلاقى اصدقاء ليك بيعملو كل حاجه فى الفيليشيا وصدقنى احنا هنا كلنا فى المنتدى اسره واحده مع بعضينا

[طارق _عبد السلام]

موضوع التتليت ده ممكن صيانه عند واحد فاهم الموضوع ينتهى
ممكن يكون بوجيه عليه زيت وممكن ايضا البوجيهات محتاجه تغيير او مرطبه
ثانيا
موضوع المارش
ده اكيد من ترس البيندكس وبردوا صيانه محترمه عند كهربائى وظبط المارش
كل حاجه هتبقى تمام التمام ان شاء الله

[المنسي]

العربية متلتة ممكن برده يكون كابل البوجيهات فيه مشكله ومش موصل للبوجيه ابدا اولا بتغيير طقم البوجيهات كنوع من الصيانة وانت بتفك البوجيهات القديمة شوف لو فيه بوجيه معرق زيت ولاحاجة؟؟؟؟؟؟؟

[aali6632]

اشكركم جميعآ على الردود بس هو انا لسة منشهرين مغير كابل البوجيهات والبوجيهات وبعدين عملت جوان وش السلندار من اسبوعين ولو البوجيهات الى ركبة المكانيكى بعد تغير الجوان مستعمله وبيظه وهل ده سببه تلف طقم الشنبر ولقد قدر الله سنبر تكلفتة كام ومصنعة

[zomzom11]

يا عزيزى توقع اى شئ فى العربيه تكون مغيره وتانى يوم تلاقيه باظ وجايز جداالبوجيهات واخده رطوبه او السلك بتاعها مش موصل خصوصا ان كان لسه فى صنايعى شغال فى العربيه

[المنسي]

اشكركم جميعآ على الردود بس هو انا لسة منشهرين مغير كابل البوجيهات والبوجيهات وبعدين عملت جوان وش السلندار من اسبوعين ولو البوجيهات الى ركبة المكانيكى بعد تغير الجوان مستعمله وبيظه وهل ده سببه تلف طقم الشنبر ولقد قدر الله سنبر تكلفتة كام ومصنعة

مدام بتقول لسه عامل جوان من اسبوعين هل المشكلة دى ظهرت بعد تغيير الجوان ولا بعد تغيير الكابلات والبوجيهات راجع على مقياس الزيت وبص على سن البوجيه لو معرق زيت