ظبط التاكيهات

[wael abbas]

بعد السلام عليكم جميعا
انا من شهر كده تقريبا او شهر ونص الميكانيكى ظبطلى تاكيهات العربية (فليشيا 96) ومن ساعتها وصوت الموتور بقا عالى وحسيت ان العربية بقت خشنة فى السواقة على فكرة هو ظبط التاكيهات بايده من غير فيلر فيا ريت لو حد يعرف بنزينة متخصصة او ميكانيكى متخصص فى ظبط التكيهات يقولى عليه وفى حاجة كمان لما بسخن العربية لازم افضل حاطط رجلى على البنزين ولو رفعتها العربية تبطل منى وشكرا لكل من يهتم بالموضوع
على فكرة انا ساكن فى شارع قصر العينى وشغلى فى المهندسين

[المنسي]

عليك وعلى الشيخ عادل فى شارع المرور فى بين السرايات هتسيبله العربية 3 ساعات او اكتر لغاية ماتبرد يا اما تروح الصبح تركنها هناك ولما تخلص شغلك تروح له يظبطلك التاكيهات وبخصوص الاتشوك لو عرف يشغلهولك هيعمله

[mohamed878]

عليك وعلى الشيخ عادل فى شارع المرور فى بين السرايات هتسيبله العربية 3 ساعات او اكتر لغاية ماتبرد يا اما تروح الصبح تركنها هناك ولما تخلص شغلك تروح له يظبطلك التاكيهات وبخصوص الاتشوك لو عرف يشغلهولك هيعمله

هوا شرط انها تبرد عشان تظبط تاكيهات انا اصلان ظبطها و هيا مولعه

[المنسي]

من شروط ظبط تاكيهات الفليشيا ان الموتور يكون بارد

[mohamed878]

من شروط ظبط تاكيهات الفليشيا ان الموتور يكون بارد

اشطه جدا يعني كده هوا مظبطش تاكيهات انا ملاحظ انها بقت بتاكل بنزين ربنا يسامحك يا اصلان

[ابو لؤى]

فين بالظبط الشيخ ده ياجماعه وياترى بيظبط تاكيهات 128 (اطباق ) ولا لا ؟

[ابو لؤى]

ولو له رقم يبقى تمام اوى

[المنسي]

الشيخ عادل هابعت بياناته ورقم تليفونه فى رقم على الخاص للى حابب يروحله او يتصل بيه يساله على حاجة

[ابو لؤى]

تسلم ايدك فى انتظار بيانات الشيخ

[المنسي]

اشطه جدا يعني كده هوا مظبطش تاكيهات انا ملاحظ انها بقت بتاكل بنزين ربنا يسامحك يا اصلان

مش شرط التاكيهات تكون السبب فى زيادة استهلاك البنزين ممكن يكون مشكلة فى الكربراتير وفيه عوامل تانيه برده بتساهم فى زيادة استهلاك البنزين زى ضغط الاطارات مثلا

[المنسي]

تسلم ايدك فى انتظار بيانات الشيخ

بعتلك عنوانه ورقم تليفونه فى رسالة

[EngAhmedSayed]

شرط اساسى لضبط التاكيهات
تكون العربيه برده علشان عامل التمدد و الانكماش و يكون بفيلر مش بايده كده
علشان ضبط الخلوص الصبابات مع التكيه
و موضوع اصلان ده انا مش عارف ياجماعه ياريت يبقى فى تحذير علشان الموضوع زاد قووووووووووووى
ربك المستعان