فسفسه الفليشيا

[yasser dyboo]

السلام عليكم ورحمه الله
اولا : انا بسمع صوت بعد ما انزل من مطب حتي لو براحه كأن عجله بتفسي ناحيه العجله الشمال من قدام ( يعني مثلا فس فس ) بس العجله سليمه يعني الصوت مش منها يا تري ده ممكن يكون ايه؟
ثانيا :عداد RBM بينطر كل شويه ويرجع لوحده حتي لو واقف بس مشغل العربيه بيعمل كده هل ده ليه اي معني ؟ والمفروض اعمل ايه؟

عندي الكصدام الامامي مشروخ في كذا مكان ولمبات الفوج مش موجوده يا تري اظبطه ولا اشتري واحد جديد ةالجديد بكام ( صورته فالتوقيع) ومين فالحرفيين بيعمل الشغل ده وعنده اكصدامات؟

رابعا : الف شكر ليكم و للقسم الرائع ده بجد الواحد قلبه مطمن بيكو

[طارق _عبد السلام]

الصوت ده من المساعد
ومن ناحيه الاكصدام غيره افضل
اعذرنى معلوماتى قليله عن الفيليشيا بس حبيت ارحب بيك على مايجيى اساتذه الفيليشيا فى القسم

[sakr_skoda]

السلام عليكم ورحمه الله
اولا : انا بسمع صوت بعد ما انزل من مطب حتي لو براحه كأن عجله بتفسي ناحيه العجله الشمال من قدام ( يعني مثلا فس فس ) بس العجله سليمه يعني الصوت مش منها يا تري ده ممكن يكون ايه؟
ثانيا :عداد rbm بينطر كل شويه ويرجع لوحده حتي لو واقف بس مشغل العربيه بيعمل كده هل ده ليه اي معني ؟ والمفروض اعمل ايه؟

عندي الكصدام الامامي مشروخ في كذا مكان ولمبات الفوج مش موجوده يا تري اظبطه ولا اشتري واحد جديد ةالجديد بكام ( صورته فالتوقيع) ومين فالحرفيين بيعمل الشغل ده وعنده اكصدامات؟

رابعا : الف شكر ليكم و للقسم الرائع ده بجد الواحد قلبه مطمن بيكو:018a1d~146:

استاذ ياسر احنا هنا فى الخدمة لوجهة الله تعالى::

موضوف الفسسسسسسسسسسسسسسسس دا من المساعد زى الاخ طارق ما قالك كدا وعادى ممكن تمشى بيها ممنوش مشكلة....يعنى هو فى حالات مرضة الاولى لما يجيب آخرة ابقى غيرة....*

الاكصدام لو ممكن يتخيط بسلك وياخد معجون من نفس لونى يبقى خلاص ما فيش مشكلة وكشافات الشبورة ممكن تشتريها وتركبها عادى دى مش بتيجى فى الاكصدام ....*

[أحمد جودة]

لو الاكصدام حالته كويسة يتلحم فى حدود 80 أو 90 جنية بيتحط سلك شبك داخلي فى الاكصدام ويتلحم بمكوة لحام خاصة

أما لو الحالة مش تمام الجديد سألت عليه قاللي 220 ومش حلو
ممكن تفكر فى ا لاستيراد
بالنسبة لفوانيس الشبورة بـــ 70 أو 80 للفانوس كامل

[المنسي]

بالنسبة للار بى ام دى مشكلة موجود عندى وشاكك فى الكربراتير

[YHYAKOTB]

والله المساعد كان لسة جديد وبيفسفس اعتقد عادى ؟؟
والار بى ام بردو نفس المشكلة

[aw2100]

بالنسبة لفسفسة المساعد ده عادى لو المساعد زيت وده صوت البلوف جوة وحركة الزيت فى المساعد بالنسبة للكصدام استعمال انا كنت شارية السنة اللى فاتت من غير فوجات ب 500 جنية وبالفوجات كان ب650 بحالة الفبريكة الجديد عامل زى البسكوت بيتكسر من الشمس منظر وبس !!

[yasser dyboo]

شكرا لردودكم جميعا............
ان شاء الله هشوف اكصدام استيراد وهبفي اقولكم عامل كام بس يا رب الاقي حاجه نضيفه
بالنسبه لل rbm انا برضه شاكك فالكاربراتير او الاسبراتير بس مش عايز افتح علي نفسي فتحه هنضف الكربراتير وخلاص
شكرااا ليكم مره تانيه

[أحمد جودة]

شكرا لردودكم جميعا............
ان شاء الله هشوف اكصدام استيراد وهبفي اقولكم عامل كام بس يا رب الاقي حاجه نضيفه
بالنسبه لل rbm انا برضه شاكك فالكاربراتير او الاسبراتير بس مش عايز افتح علي نفسي فتحه هنضف الكربراتير وخلاص
شكرااا ليكم مره تانيه

بالنسبة لعداد الار بي ام
كان عندي من فترة نفس المشكلة واكتشفت أن فيه سلكة من الموبينة يتتهز ثبتها كويس
راجع على وصلات الموبينة ودة بردو مع تنظيف الكاربيراتير

[benmatar]

الصوت ده من المساعد
ومن ناحيه الاكصدام غيره افضل
اعذرنى معلوماتى قليله عن الفيليشيا بس حبيت ارحب بيك على مايجيى اساتذه الفيليشيا فى القسم

تمام ومعلومات زي الفل،
المساعد بيعمل كده،وده دليل إن حالته كويسة، وبتسمع المساعد ده بالذات عشان هو اللي أقرب ليك
وتغيير الإكصدامات أفضل بس أنصح بالإستيراد عشان بيكون محمل عن الجديد.

[zico2009]

لو كل حاجة تمام وفي رعشة جامدة ولعب في الار بي ام ده يبقي اسبراتير ويستحسن تغيرو عشان بوظانو بيعطل العربية تماما

[EngAhmedSayed]

الفسفسة دة من المساعد و الصوت ده بيدل على انى المساعد كويس
الار بى ام بيعلى و بيوطى دة بيرجع من الاسبرتير كدة فى مشكلة و او عاوز ضبط
الاكصدام ريح دماغك و اشترى واحد استيراد احسن
ربك المستعان

[A_Baidak]

بالنسبة للار بى ام دى مشكلة موجود عندى وشاكك فى الكربراتير

لا يا حماده ده مشكلة كهرباء انا كان عندى واكتشفت انى الابلاتين هوه اللى عامل المشكله
وغيرته واتحلت المشكله يا معلم ولو مش كده والعربيه مش بتقطع معاك خالص يبق اكيد اى حاجه الموبينه او اى حاجه فى الكهرباء يتفتش عليها كويس بس

[المنسي]

لا يا حماده ده مشكلة كهرباء انا كان عندى واكتشفت انى الابلاتين هوه اللى عامل المشكله
وغيرته واتحلت المشكله يا معلم ولو مش كده والعربيه مش بتقطع معاك خالص يبق اكيد اى حاجه الموبينه او اى حاجه فى الكهرباء يتفتش عليها كويس بس

الاراء كتير فى موضوع الار بى ام حد قال اسبراتير وحد قال موبينة وانت بتقول ابلاتين وانا شاكك بنسبة كبيرة فى الاسبراتير