استفسار هام وعاجل الى الخبراء

[romany_ac]

Rpm بيعلى ويوطى فجأة وسحب العربية اصبح سئ جدا جدا وصوت الماتور اصبح عالى وحاسس ان العربية فيها حاجة مكلبشة فيها منضف الكربراتير ومغير البوجيهات من اسبوع العربية فليشيا موديل 97.وشكرا.

[sakr_skoda]

هههههههههههه طبعا يرومنى انتا محتار مغير البوجيهات من اسبوع وفورا ظهرت المشكلة افتكرت انك غير بوجيهات فعى ولا مسامير 10 هههههههههه اسف جدا للسخرية دى بس والله والواحد واتخنق فعلا اكتر من المضروب فى السوق المصرى ياريت تركب البوجيهات القديمة وتشوف لنى انا عارضتنى نفس المشكلة وفكيت البوجيهات الجديدة بعد اسبوع وركبت القديم لما ربنا يصلح حال البلد والضماير يتوجد ليها علاج مما اصابها....*

[(hesham(H]

هههههههههههههه انا مغير بوجيهات مرتين في اسبوع واحد فعلا كلو مضروب في مضروب دلوقتي لا واللي يستفز اكتر تسأل وانت بتشتري اصلي؟ يقولك ياباشا اصلي دي لسه جايه من المانيا وهي جايه من تحت بير السلم

[sakr_skoda]

هههههههههههههه انا مغير بوجيهات مرتين في اسبوع واحد فعلا كلو مضروب في مضروب دلوقتي لا واللي يستفز اكتر تسأل وانت بتشتري اصلي؟ يقولك ياباشا اصلي دي لسه جايه من المانيا وهي جايه من تحت بير السلم

بص انا حاقولك على حاجة انزل الحرفيين او عزبة شلبى عند الناس اللى بتبيع مواتير استيراد واطلب تشترى البوجيهات اللى جاية فى المواتير الاستيراد باى ثمن حتى لو اغلى من الجديد بس يكون فعلا اللى جاية فى المواتير....* انا باقولك كدا ليه لأن فى واحد صاحبى اشترى موتور استيراد وبعد شهر غير البوجيهات وركب المضروب ولقيته حاتت البوجيهات اللى كانت جاية فى الموتور فى علب الجديد وقالى تاخدهم ولا ارميهم ترميهم دا انا اخدتهم بالحضان وفورا فورة البوجيهات الالمانى اللى شاريها من مصر وركبت البوجيهات الاستعمال بصراحة حست بحجات كتير اتغيرت فى العربية والحمد الله مش ناوى اهوب نحيتهم الا لما الموتور يحلف براس الخواجة اللى صنعة مهو داير ههههههههههه....

[romany_ac]

واضح يا جماعة ان كلكم اجمعتوا على البوجيهات وانا مش هكسرلكوا كلمة وهنزل اركب القديم حالا وهبلغكم بالنتيجة وشكرا على مشاركتكم القيمة

[المنسي]

واضح يا جماعة ان كلكم اجمعتوا على البوجيهات وانا مش هكسرلكوا كلمة وهنزل اركب القديم حالا وهبلغكم بالنتيجة وشكرا على مشاركتكم القيمة

جرب وقوللنا علشان عندى الار بى ام مهيس جامد

[romany_ac]

العربية افضل شوية بعد ما ركبت البوجيهات القديمة وغيرت فلتر البنزين بس فى حاجة مهمة عايز رأيكوا فيها وهى ان العربية التسارع بتعها بقى بطئ جدا يعنى لازم ادوس بنزين واحدة واحدة علشان العربية تسحب ومتبقاش مكتومة وصوت الماتور ميبقاش عالى فدة سببة الاسطوانة ولا سير الكاتينة ولا اية؟؟؟؟؟

[EngAhmedSayed]

فلتر الهواء
اخباره ايه
و الاسبرتير اخباره اية لانى بتقول الار بى ام بيعلى و بيوطى لوحده
على ما اعتقد الاسبرتير هو سبب المشكلة
و البنزين خلى بالك بقى مضروب علية مياه
لو المشكلة دى ظهرت بعد ما خمونت بنزين يبقى ده شىء طبيعى من البنزين المغشوش
ربك المستعان

[romany_ac]

احتمال الاسبراتير وارد بس مش عارف اتاكد ازاى وخصوصا انى اتخنقت من الصنيعية فازاى اعرف ان فى مشكلة فى الاسبراتير او المشط..

[sakr_skoda]

رومنى شوفت الدرس الرابع عشر من سلسلة علم نفسك دا اللى حيساعدك فى التخلص من مشاكل الكهربا وحتتعلم تعملها بنفسك شوف الدرس........

http://www.nilemotors.net/Nile/339710-a.html

[aw2100]

العربية افضل شوية بعد ما ركبت البوجيهات القديمة وغيرت فلتر البنزين بس فى حاجة مهمة عايز رأيكوا فيها وهى ان العربية التسارع بتعها بقى بطئ جدا يعنى لازم ادوس بنزين واحدة واحدة علشان العربية تسحب ومتبقاش مكتومة وصوت الماتور ميبقاش عالى فدة سببة الاسطوانة ولا سير الكاتينة ولا اية؟؟؟؟؟

الطبيعى انك لما تكبس بنزين وانت حاطط بنزين 90 او 92 العربية تنط معاك على الثالث من 30 الى 60 فى ثوانى وتحس العجل كل فى الأسفلت عندك بتحس ازاى ؟
-صوت الموتور على الثالث لما بتكبس بنزين يعلى اوى وسرعة العربية مابتزيدش ده يبقى عيب فى
الدبرياج
-العربية بتسحب على الثالث من 30 الى 60 براحة فى دقيقة او اكتر او الموتور بيتكتم والعربية تنتش معاك او بتقطع ده يبقى فية مشكلة فى الأتى :
ضبط التكيات مهم جدا
البوجيهات مرطبة او وحشة ممكن تفكها وتنظفها وتحطها على نار البوتجاز شوية
شاكوش التوزيع او غطاء الأسبراتير بيهرب كهرباء !!
سلك البوجيهات قديم او بيهرب كهرباء رش ميه على اسلاك البوجيهات وغطاء الاسبراتير بالليل ولو شوفت شرار كهرباء يبقى عندك فية شرخ فى الغطاء او الأسلاك
مشط الأسبراتير وحش غيرة بواحد استعمال افضل
ممكن يكون الكاربراتير عندك مكتوم اقلب البوجيه 2 مكان 3 ودور واعملك كام مدفع تسلكه
الأحتمال الأخير الجكمان مسدود وده بيكتم موتور العربية !!

[romany_ac]

الف الف شكر يا عم صبحى وربنا يخليك لينا بس مش فاهم يعنى اية سلك البوجيهات قديم او بيهرب كهرباء رش ميه على اسلاك البوجيهات وغطاء الاسبراتير بالليل ولو شوفت شرار كهرباء يبقى عندك فية شرخ فى الغطاء او الأسلاك

[aw2100]

الف الف شكر يا عم صبحى وربنا يخليك لينا بس مش فاهم يعنى اية سلك البوجيهات قديم او بيهرب كهرباء رش ميه على اسلاك البوجيهات وغطاء الاسبراتير بالليل ولو شوفت شرار كهرباء يبقى عندك فية شرخ فى الغطاء او الأسلاك

عم صبحى عمنا كلنا سلك البوجيهات لما بيقدم بياخر الكهربا عن الموتور وبيضعف الشرارة وسعات بيهرب كهرباء يعنى لو تمسك سلك البوجيهات يكهربك فيحتاج يتغير كل 60000 ك وبرضه نفس الوضع مع غطاء الأسبراتير ساعات بيبقى فية شرخ بسيط يلخبط الموتور تحياتى اخوك وليد !!