تعديل اتجاه بوابه الهواء في الفليشيا

[aw2100]

انا بقى لاغى الوصلة المعدن اللى جاية من فرن الشكمان وواصلة للعمة فمش محتاج تعديل بس برده هعمل علشان اشوف هل فى فرق هيحصل ولا لا

انا كنت لاغى خرطوم السخن بس لما فتحت البارد من العمة وقفلت السخن اللى من حوض الموتور حتحس بالموتور بقى حاجة تانية وخصوصا وانت ماشى فى الزحمة لغاية 80 ك اما فى السرعات العالية ماحستش بفرق كبير !!

[I.ABUBAKR]

انا بقى لاغى الوصلة المعدن اللى جاية من فرن الشكمان وواصلة للعمة فمش محتاج تعديل بس برده هعمل علشان اشوف هل فى فرق هيحصل ولا لا

يا استاذ منسي انت كده برده بتدخل للموتور هواء من حوض الموتور
وبرده ده درجه حرارته اعلي من الهواء الجوي بشويه حلوين

عامه جرب مش هتخسر حاجه ولو ملقتش تحسن يبقي ارجع للوضع القديم
ويايت لو عدلت تبقي تقولنا ايه الاخبار

[I.ABUBAKR]

انا كنت لاغى خرطوم السخن بس لما فتحت البارد من العمة وقفلت السخن اللى من حوض الموتور حتحس بالموتور بقى حاجة تانية وخصوصا وانت ماشى فى الزحمة لغاية 80 ك اما فى السرعات العالية ماحستش بفرق كبير !!

طبعا في السرعات القليله فرق السحب واضح

وفي السرعات العاليه برده في فرق كويس والتجميع بقي اسرع

كنت مسافر من يومين ووصلت لـ 140كم بسرعه ومكنتش واخد بالي
وكمان الدواسه كان لسه فيها كتير بس الطريق الزراعي مساعدش اني ازود اكتر من كده

[المنسي]

انا كنت لاغى خرطوم السخن بس لما فتحت البارد من العمة وقفلت السخن اللى من حوض الموتور حتحس بالموتور بقى حاجة تانية وخصوصا وانت ماشى فى الزحمة لغاية 80 ك اما فى السرعات العالية ماحستش بفرق كبير !!

ماهو انا يعتبر لاغى السخن اللى جاى من فرن الشكمان وعلى العموم اول ما افضى هافتح البارد واجرب وابقى اقول التجربة وصلت معايا لايه

يا استاذ منسي انت كده برده بتدخل للموتور هواء من حوض الموتور
وبرده ده درجه حرارته اعلي من الهواء الجوي بشويه حلوين

عامه جرب مش هتخسر حاجه ولو ملقتش تحسن يبقي ارجع للوضع القديم
ويايت لو عدلت تبقي تقولنا ايه الاخبار

ان شاء الله افضى واجرب وربنا يسهل واقول لكم عملت ايه

[EngAhmedSayed]

الموضوع بسم الله ماشاء الله
يعتبر حاجة الناس مش وخداها بالها منها الصراحة بعد ما قريت الموضوع و فتحة الهواء البارد الصراحة العربية فرقة فى التجميع
و له ان شاء الله اشوف الفرق مع عمل السرفيس الكامل للموتور بس انا مش شايف فى فرق على السرعات العالية
هو بس بتفرق فى الطالعة و مفيش تنتيش و الموتور بالبلدى كده مش بيفرهد
مشكووووووووور
على تقديمك للموضوع
ربك المستعان

[I.ABUBAKR]

ياريت كل من يقوم بهذا التعديل

يضع رايه في الاستطلاع

http://www.nilemotors.net/Nile/359047-a.html

[aw2100]

باعيد رفع الموضوع ده لاهميته بالنسبة للاعضاء الجدد اللى ماشافوش الموضوع ده ومعملوش التعديل ده فى عربياتهم والفرق الكبير فى اداء موتور الفليشيا بعد فتح الهواء البارد للموتور واحنا داخلين على الصيف !!!!

[sakr_skoda]

الله ينور عليك استاذ وليد فعلا عاوزين كل فترة نرفع الموضوعات الهامة ***

[المنسي]

فكرة كويسة ان اعضاء سكودا يعيدو فتح المواضيع المهمة للاعضاء الجداد والشكر موصول للاستاذ وليد

[adiaa222]

كلام مضبوط الله ينور عليك

[amzeldien]

السلام عليكم ورحمه الله

الموضوع ده خاص لاصحاب الفليشيا الكربراتير

موضوع اتجاه بوابه دخول الهواء في الفليشيا اكتشفته بالصدفه لما كنت بنضف فلتر الهواء والعمه اخر مره

طبعا كلنا عارفين ان للكربراتير مدخلين هواء
المدخل القادم من فتحه اسفل الفانوس اليمين (هواء بارد) الخرطوم الكاوتش
والمدخل القادم من صاجه فرن الشكمان (هواء ساخن ) الوصله المعدنيه المرنه
والمدخلين بيتقبلو في العلبه البلاستيك المتصله بالعمه

العلبه البلاستك دي لو بصينا جواها هنلاقي بوابه والبوابه دي بتتحرك حول محور وضعها اللي شوفته في 3 عربيات فليشيا ( واكيد كل الفليشيا كده )انها موجه لتغلق اتجاه الهواء البارد ليكون الهواء الداخل للكربراتير هو من خلف المحرك بهد ان يمر علي صاجه الشكمان يعني هواء ساخن
ووضع البوابه ثابت علي هذا الاتجاه اه البوابه بتتحرك بس مفيش اداه لتثبيتها علي وضع معين غير السوسته اللي علي محورها ومثبتاها في اتجاه الهواء الساخن

يعني اتجاه الهواء البارد (بنفس درجه حراره الجو) ملهوش اي لازمه ومفيش هواء بيجي منه للكربراتير
وكنت قريت اكتر من مره ان افضل درجه حراره للهواء الداخل للمحرك يكون في حدود 15 درجه

واللي فكرت فيه ان غالبا البوابه معموله علي الوضع ده لان البلد المصنعه للعربيه (التشيك) الجو فيها بارد جدا ودرجه الحراره تحت الصفر وبالتالي هو بيستخدم الهواء بعد ما يسخنه شويه بانه يمرره علي ماسوره الشكمان علشان يعطي افضل كفاءه للمحرك ومفيش داعي ابدا يستخدم الهواء الجوي مباشر
بعكس الجو عندنا ان الجو في الصيف مثلا درجه الحراره العاديه 35 في المتوسط وفي الشتاء في رنج ال15

وبكده اكيد عربيتنا لا تعمل بالكفاءه المطلوبه لان درجه حراره الهواء الداخل للكربراتير علي الوضع ده هتكون تقديري مثلا في الشتاء 30 درجه وفي الصيف 50 مثلا مما يتسبب في خنقه للسياره و خشونه وارتفاع صوت المحرك

فقمت بتعديل اتجاه البوابه لتغلق اتجاه الهواء الساخن وتفتح اتجاه الهواء الجوي بدون تسخين
والحقيقه كانت النتائج جيده وهي

فوقان السياره وزياده السحب بنسبه صغيره ولكن محسوسه
انخفاض صوت المحرك قليلا واصبحت السياره انعم
انخفاض صوت المحرك بشكل افضل مما كان عليه عند الحرق والسير علي عدد لفات اكبر من 3500
انخفاض استهلاك البنزين بقيمه صغيره , فرق حوالي 0.2 كم لكل لتر

(تغيير اتجاه البوابه عملتو في 3 عربيات لاصدقاء وحسوا بنفس النتائج )

ملحوظه : فيه بجانب البوابه سينسور عباره عن اسطوانه نحاس غير موصل بها اي اسلاك كهربيه
وحاولت اعرف وظيفته موصلتش لحاجه الاغير تخمين ا ن ده عباره عن سينسور للاحساس بدرجه الحراره للهواء وتعديل اتجاه البوابه بناء علي حراره الهواء الداخل الا اني لم اجد اي ربط بينه وبين البوابه وحاولت احركه واشوف ايه تاثيره ولم اجد له تاثير

علي فكره اللي ناوي يغيير اتجاه البوابه هيحتاج قطعه معدن 1*10 سم صاج او ما شابه مثلا علشان يثبت البوابه علي الوضع المطلوب
الموضوع سهل جدا وميخدش اكتر من 10 دقائق
وياريت لو حد من الاعضاء الافاضل عمله يقول تجربته ونتائجها حتي تعم الافاده
ولو فيه اي استفسار او تعديل علي الموضوع

والسلام عليكم ورحمه الله

ياريت يا باشا صور بعد أزنك عشانافهم اكتر من كدا

افادك الله

[amzeldien]

الصور ربنا يكرمك يا استاذ صبحي

[aw2100]

الصور موجودة في سلسلة علم نفسك في المواضيع المثبتة وشغل تاني كتير بفضل الحاج صبحي ربنا يكرمه

[aw2100]

باعيد رفع الموضوع لأهميته للاعضاء