سامحونى

[ابوابراهيم323]

معلش سامحونى يا أخوة
حاجة تحير
بالامس كنت عازم على فليشيا اليوم متردد بسبب موضوع التكيف والباور
شفت فى المنتدى فابيا وشكركم فيها لقيت نفسى مرتاح ليها لانها هاتش باك برده
شفت اعلان فليشيا 98 من غير تكيف ولا باور ب 35 الف
وشفت اعلان فابيا 2003 تكيف وباور وكل حاجة ب 41 الف وده فرق بسيط
معلش محتاج مقارنة منكم بين النوعين والامكانيات
ولكم جزيل الشكر

[ahmedalaahosny]

الفيليشيا شكلها قديم شوية عن الفابيا وحرام ادفع 35 ف شوية حديد طب ماهو ليه حضرتك حصرت الاختيار ع الاسكودا بس طب ما في الاكسيل والابيزا واسبرانزا a113 واكسنت والبولو والبوينتر مع احترامي لملاك الفيليشيا وكمان حوار السخونة اللي بيخليها تجيب وش سلندر فتقريبا انا لو مكان حضرتك كنت اخترت الفابيا ده الفرق 6 الاف بس لو عرفت تخلص فيها عن 41 يبقي خير وبركة اتمني اكون افدت حضرتك

[المنسي]

اعتقد السعر المطلوب فى الفابيا قليل علشان لو حالتها نظيفة هتعمل اكتر من السعر ده وانا عموما برشح ليك الفابيا بس طبعا لازم تعمل كشف على العربية فى التوكيل

[hamaka]

لابد من الكشف فى التوكيل منعاً للخوازيق المحتملة فى الأوروبى اللى سعره نازل نسبياً...

[aldesha989]

الفبيا طبعآ انا كان نفسى اجيب العربيه دى بس كان فرقها معايا 10 الاف جنيه وتقريبآ كان بنفس السعر اللى انتا كاتبه ده

[طارق _عبد السلام]

لو بالمنطق ده الفابيا طبعا فرق موديل وتكييف وشكل
بس هى 1.2 ولا 1.4
لانى اعرف ان 1.2 مش محبوبه

[benmatar]

حسب معلوماتي البسيطة فإن الفابيا طبعا عربية محترمة وكويسة لو مشتريها 1400 4سلندر، العربية ثبات على الطريق ومعدلات كفاءة جيدة، تكييفها كويس وصالونها حجمه معقول، بس قطع الغيار قليلة بالنسبة للفيليشيا المتميزة بالرخص الشديد لقطع الغيار مقارنة بالفابيا وبانتشارها وسهولة صيانتها وده اللي رافع سعر الفيليشيا نسبيا وبتتباع بالثلاثينات.

[أحمد جودة]

الفابيا طبعا بس زي ماللك الاستاذ منسي كدة سعرها قليل جايز فيها حاجة

المهم تكشف عليها فى التوكيل وربنا يوفقك

[Amr_Azab]

الفابيا طبعا أختيار موفق جدا
المميزات :
تكنولوجيا عالية وبالتالي أعطال قليلة ( ميزة وعيب في نفس الوقت )
ثبات وأتزان فوق الممتاز خصوصا علي السرعات العالية
شكل جمالي خارجيا وداخليا ( دي بتبقي وجهات نظر )
تكييف ممتاز
موفرة جدا في أستهلاك البنزين وخصوصا الـ 1000 سي سي ( بتشم البنزين تقريبا )
قطع الغيار متوفرة أستعمال وجديد وعن تجربة سنين (لا تستمع الي التجار والسوق) لانها متشابهة جدا مع الآوكتافيا a4
صالون معقول جدا مش ضيق ومش واسع ( يشيل أسرة 5 أفراد مرتاح )

العيوب :
غلو قطع الغيار أذا ما قارنتها بالكوري ولكنها معمرة جدا جدا فلا أعتبره عيب ( رأي شخصي )
تكنولوجيا عالية وبالتالي صيانتها مش عند أي حد ( يفضل مراكز متخصصة سكودا )

أفضل الآختيارات :
1400 سي سي
أفضل أختيار فابيا هاتش باك 1400 سي سي 2 كامة (تكييف +باور + سنتر + 2 زجاج كهرباء)
ثاني أفضل أختيار فابيا هاتش باك 1400 سي سي 1 كامة ( تكييف + باور + سنتر + 2 زجاج كهرباء )

1000 سي سي
أفضل أختيار فابيا هاتش باك 1000 سي سي ( غالبا بتبقي فاضبة ) هاف باور + سنتر فقط
ملحوظة : في فابيا 1000 سي سي بها تكييف لكن غير مفضلة نظرا لقلة سعة الموتور

أهم نقطة بقي لازم تكون العربية حالتها ممتازة ولا تتنازل عن الحالة تحت أي ظرف فحضرتك أكشف عليها كويس حتي لو حتدفع مئات الجنيهات في الكشف لآنك لو جبت فابيا حالتها وحشة حتكره اليوم اللي جبتها فيه والعكس صحيح لو جبتها ممتازة حتعشق ركوبتها
ربنا يوفقك

[Amr_Azab]

وفعلا زي مقال الآعضاء السعر ده غير منطقي تماما فأكيد العربية حالتها مش كويسة
1000 سي سي فاضية حالة ممتازة في حدود 38000 جنيه موديل 2002
1400 سي سي حالة ممتازة في حدود 45000 جنيه موديل 2001-2002
أكشف عليها كويس
موتور - عفشة (أرفعها في بنزينة)- الصالون الداخلي والتابلوه والعدادت تبقي شغالة كلها - الدواخل
أسفل العربية بيبقي في تسليح فيبر بكامل الآرضية تحت بيحمي العفشة من أي احتكاك مباشر بالآرض والمياه

[sakr_skoda]

معلش سامحونى يا أخوة
حاجة تحير
بالامس كنت عازم على فليشيا اليوم متردد بسبب موضوع التكيف والباور
شفت فى المنتدى فابيا وشكركم فيها لقيت نفسى مرتاح ليها لانها هاتش باك برده
شفت اعلان فليشيا 98 من غير تكيف ولا باور ب 35 الف
وشفت اعلان فابيا 2003 تكيف وباور وكل حاجة ب 41 الف وده فرق بسيط
معلش محتاج مقارنة منكم بين النوعين والامكانيات
ولكم جزيل الشكر

ههههههههههههههه مهى الفيبيا اخت الفليشيا مع الفرق فى الكماليات يعنى ماروحتش بعيد يعنى اشاء الله تكون فارس من فرسان اسكودا وديما تنورنا وتشرفنا فى القسم....

بالنسبة للسعر مناسب جدا توكل على اللع ةاكشف على الموتور فى مركز خدمة معتمد....

[ابوابراهيم323]

والله كل الشكر لكم على الافادة والنصائح
على فكرة انا جالى صداع من التفكير والحيرة
انا ممكن المبلغ يوصل الى 50 الف والاصدقاء بيرشحوا لى لانسر
المشكلة انا مبحبش شكل اللانسر
برتاح جدااا لاى عربية هاتش باك
المشكلة انا بفكر ارجع للعربية 127 بسبب الموضوع وامامى واحده حالته حلوة ب 18 الف
بس طبعا حرام 18 فى 127
والله الصداع مش قادر اقرر
انا حاليا مرتاح جدااااا للفابيا اللى تكلمتم عنها بس فين هى موجودة ولو امكن خبير يعرف يقيم لى الموضوع صعب عليه

[المنسي]

والله كل الشكر لكم على الافادة والنصائح
على فكرة انا جالى صداع من التفكير والحيرة
انا ممكن المبلغ يوصل الى 50 الف والاصدقاء بيرشحوا لى لانسر
المشكلة انا مبحبش شكل اللانسر
برتاح جدااا لاى عربية هاتش باك
المشكلة انا بفكر ارجع للعربية 127 بسبب الموضوع وامامى واحده حالته حلوة ب 18 الف
بس طبعا حرام 18 فى 127
والله الصداع مش قادر اقرر
انا حاليا مرتاح جدااااا للفابيا اللى تكلمتم عنها بس فين هى موجودة ولو امكن خبير يعرف يقيم لى الموضوع صعب عليه

ممكن بالمبلغ ده تصبر شوية لغاية ماتقع على فابيا هتكون حالتها نظيفة جدا واصبر ماتستعجلش لحسن السوق دلوقتى مليان حاجات تعبانة ... ربنا يكرمك بحاجة تكون حالتها كويسة

[ahmedalaahosny]

طب ما ال 50 دول تشتري دايو جوليت كويسة وع الاقل سوقها حلو وبياعة وقطع غيارها لانوس

[ابوابراهيم323]

طب ما ال 50 دول تشتري دايو جوليت كويسة وع الاقل سوقها حلو وبياعة وقطع غيارها لانوس

أهو الكلام ده بقى اللى يحير ويخلى الواحد يفكر تانى ويتعب من التفكير
انا فعلا كنت ناوى على جوليت فى البداية
شفت الفليشيا فى الاسماعيلية كتير وكانت حالتها جميلة
ونقلت القرار عليها
دخلت المنتدى عجبتنى الفابيا
والله انا شكلى كده حجيب 127 (: