الحرارة بتعدي 105

[islamagdi]

سلام عليكم
وانا راجع يوم الخميس من الشغل بليل حوالي الساعة 12 العربية بطلت مني قبل بيتي بحوالى 10 كيلو
المهم تدور لما ادوس بنزين عند اي مطب تبطل
نضفت الكبل بتاع الاسبراتير وقلبت الكبل التاني والتالت بتاع البوجيهات
المهم روحت البيت والحرارة حوالي 70
روحت الشغل الجمعة والسبت وقبل ما اسافر النهارده قلت اروح للميكانيكي اظبط الكهربا والبنزين والهوا واروح بيها الشغل . لقيت البوجيه التالت معرق زيت لعبت ف الكهرباء لحد ما اشتغلت روحت للميكانيكي
الساعة 12 الضهر وظبطلي الكهربا والهوا والبنزين وقالى هتمشي كويس بس ابقى هتهالى تاني ف يوم من بدري اظبطلك تكيهات
المهم مشيت بيها حوالي الساعة 1 ظهرا
درجة الحرارة وصلت ل 100 وبتزيد طالعة على 110 ده في حوالي 15 كيلو
وقفت لحد ما نزلت 90 وهو الموتور داير ي حوالي 10 دقايق ومشيت بيها برده درجة الحرارة بتزيد الى قرب ال 110
وقفت وركنتها ورحت الشغل
يوم التلات ان شاء الله هوديها للميكيانيكي
مع العلم ان الزيت عندي شل اصفر ومشي حوالي 3600 كيلو ونقص وزودته زيت وطنية حوالي كيلو

ايه الخطوات اللي المفروض الواحد يعملها عشان ما الفش حولين نفسي

و جزاكم الله خيرا

[sakr_skoda]

طيب يعنى قبل الموضوع اللى عملهولك الميكانيكى زى ما بتقول ظبطلك .................. كانت العربية بتسخن؟؟؟؟؟؟؟؟؟؟؟؟؟

[islamagdi]

قبل ما تبطل وانا راجع من الشغل كنت بمشي ف التوقيت ده طبيعي الحرارة على 90 على المحور الطريق مطلع بتوصل 92 بالكتير اوي 95 بس بتنزل علطول يعني بتبقى تريبا طول الوقت 90
وانا راجع بليل من 80الى 70 وقليل لما توصل 90
لما لعبت ف الاسبرتير جيت اجربها لقيتها بتزيد عن 100 روحت للميكانيكي ظبطلي الدنيا النهارده بس برده بتزيد

[أحمد جودة]

طيب كدة معناة ان فيه مشكله

لو الكهربا عالية زيادة عن اللزوم العربية تسخن بس معتقدتش توصل لـــ 110

هام راجع على مستوي الزيت والمياة اللى فى القربة

جايز فيه تسريب من منظومة التبريد أو الزيت ناقص كتير

ربنا معاك وابقي طمنا وانتظر الاستاذ صبحي هوة ان شاء الله هيحاول يحل المشكلة

تحياتي

[islamagdi]

جزاكم الله خيرا استاذ صبحي .. جزاكم الله خيرا استاذ احمد
الميه اللي في القربة بين max - mini
الزيت معدله طبيعي بس مفهمش اوي هل هو محروق ولا اللزوجة مش كويسة
انا اول ما اروح غالبا قبل الميكانيكي هروح انضف الردياتير واشوفه مسدود ولا ايه
ايه رايكم؟؟

[adiaa222]

اضبط التاكيهات
او غير طقم سلوك البوجيهات

[sakr_skoda]

بكدا يبقى الكهرباء عندك عالية ولسلانسية عالى كمان راجع موضوع تظبيط الكهرباء والسلانسية فى الدرس الرابع عشر من سلسلة علم نفسك بعدين يارجل دى حجات هايفة ياريت تتعلم تعملها بنفسك روح كدا بص على مكتبة الفيديو لسلسة علم نفسك وعلم نفسك ....

[المنسي]

سلام عليكم
وانا راجع يوم الخميس من الشغل بليل حوالي الساعة 12 العربية بطلت مني قبل بيتي بحوالى 10 كيلو
المهم تدور لما ادوس بنزين عند اي مطب تبطل
نضفت الكبل بتاع الاسبراتير وقلبت الكبل التاني والتالت بتاع البوجيهات
المهم روحت البيت والحرارة حوالي 70
روحت الشغل الجمعة والسبت وقبل ما اسافر النهارده قلت اروح للميكانيكي اظبط الكهربا والبنزين والهوا واروح بيها الشغل . لقيت البوجيه التالت معرق زيت لعبت ف الكهرباء لحد ما اشتغلت روحت للميكانيكي
الساعة 12 الضهر وظبطلي الكهربا والهوا والبنزين وقالى هتمشي كويس بس ابقى هتهالى تاني ف يوم من بدري اظبطلك تكيهات
المهم مشيت بيها حوالي الساعة 1 ظهرا
درجة الحرارة وصلت ل 100 وبتزيد طالعة على 110 ده في حوالي 15 كيلو
وقفت لحد ما نزلت 90 وهو الموتور داير ي حوالي 10 دقايق ومشيت بيها برده درجة الحرارة بتزيد الى قرب ال 110
وقفت وركنتها ورحت الشغل
يوم التلات ان شاء الله هوديها للميكيانيكي
مع العلم ان الزيت عندي شل اصفر ومشي حوالي 3600 كيلو ونقص وزودته زيت وطنية حوالي كيلو

ايه الخطوات اللي المفروض الواحد يعملها عشان ما الفش حولين نفسي

و جزاكم الله خيرا

الراجل بيقول ان فى بوجيه كان معرق زيت والعربية بطلت منه ... ربنا يستر ليكون الموتور محتاج طقم شمبر الى جانب احتمال العربية تكون سخنت منه وجايبة جوان

[islamagdi]

سلام عليكم
بعد الذهاب للميكانيكي قام بعمل الاتي:
ضبط التكيهات
ضبط الكهرباء والسلانسيه والهوا

النتايج بعد مشوارين واحد حوالي 10 كيلو
التاني حوالي 40 كيلو الساعة 1 الظهر كده
الحمد لله الحرارة مازدتش عن 90 اقصاها في الزحمة مع الشمس 92

بالنسبة لتعريقت الزيت الميكانيكي بيقول حفيف وبرده واحد صاحبي قالي مدام العربية نقصت كيلو زيت في 4000 كيلو يبقى موتور خفيف

المشكلة اللي ظهرت في نهاية المشوارين العربية طول الوقت حلوة في الاخر يدوب قبل ما اوصل ب 2 كيلو تفضل تبطل عند اي مطب ورحت للميكانيكي قلي البنزين مش كويس هو اللي عامل كده
وانا فكيت طرمبة البنزين لقيت في هوا كده وضغطها حاسس انه مش كويس يعني افضل ضاغط على الخرطوم وسده بايدي كده على ما ضغط البنزين يزيد
الله المستعان

[أحمد جودة]

احتمال طلمبة البنزين ضعيفة شوية او فلتر البنزين محتاج يتغير

او ممكن السلانسية وطي شوية بعد المشوار دة

اعتقد لو مشكلة بنزين مش نضيف العربية تنتش منك قبل ماتبطل

عموما متابع معاك

[islamagdi]

سلام عليكم
النهارده يا جماعة وانا رايح الشغل
المدة من 12:30 الى 2:30 ظهرا
المسافة حوالي 100 كيلو من منيا القمح (الشرقية ) الى مدينة 6 اكتوبر
درجة الحرارة من اول السفر الى قليوب حوالي 88 - 90
زحمة بعد قليوب الى الدائري 95 - 100 وقفت بردت العربية 10 دقايق
مشيت ف الزحمة وطلعت الدائري الحرارة من 92 الى 90
دخلت محور درجة الحرارة تقريبا ثابتة على 92 وزرادن الى 95 من قبل هايبر ماركت وتقريبا طده ثابتة على 95
لفيت من عند ميدان جهينة ابتدت تقل الى 90
هل ده طبيعي ؟؟
ده مع العلم ان الزيت شل اصفر عامل حوالي 3900 كيلو هغيره لما اروح ان شاء الله