بطاريتي باظت

[yasser dyboo]

بسم الله الرحمن الرحيم

البطاريه شكلها باظت لان العربيه مش بتدور دلوقتي غير بالزق فاعتقد انها البطاريه لان كمان والعربيه واقفه الانتظار مبيشتغلش ولا الكاسيت ولا حتي السنتر احيانا لكن وانا ماشي بعد الزق كله شغال سؤالي باه؟
ايه احسن نوع للفليشيا 99 ممكن اشتريه ؟ وكام امبير؟ وايه اللي اراعيه عند شراءها؟ والسعر في حدود كام؟ وارخص مكان ممكن اشتري منه ويا ريت لو فالحرفيين لاني ساكن فالعبور؟
في اي حاجه ممكن اكشف عليها قبل ما اغير البطاريه ولا اغير بس؟ يعني في حاجه ممكن تكون بتاثر في عمرها او بتسرب يعني اي كشف ممكن اعمله ؟
ولكم جزيل الشكر والاحترااام

[translatoramr]

الديليكو حلوه وال55 بس استنى باقى الاعضا اكيد هتستفاد

[mohamed878]

acdelco
الحمد لله شغاله معايا حلو

[aw2100]

فية بطارية هانكوك كورى ممتازة وعموما الجافة افضل وياريت تشترها 70 امبير بلاش ال55 علشان تتحمل وقبل ماتشتريها اشحن البطارية القديمة الأول على التونجر عند كهربائى علشان دينامو العربية مابيلحقش يكمل شحن للبطارية وخصوصا لو مشاويرك صغيرة والبطارية القديمة نوعها اية وسايلة ولاجافة ؟؟

[ahmed salah90]

اول حاجه اكشف على الدينامو و شوف في حاجه مممكن تكون بتعمل تسريب ازاي معرفش الصراحه
و بعدين هات بطارية 70 امبير كوري مثلا جافة
انا جبت قريب بتاع 62 امبير تقريبا اسمها تيجر جافه كوري كويسه كده كده جافه او سائله هتعقد حوالي 4 سنين فمتتعبش نفسك و تجيب سائله و كل شويه تبوص على المايه انا حتى صيانه البطارية مبروحهاش طالما المارش مبيعتيلش

[المنسي]

بسم الله الرحمن الرحيم

البطاريه شكلها باظت لان العربيه مش بتدور دلوقتي غير بالزق فاعتقد انها البطاريه لان كمان والعربيه واقفه الانتظار مبيشتغلش ولا الكاسيت ولا حتي السنتر احيانا لكن وانا ماشي بعد الزق كله شغال سؤالي باه؟
ايه احسن نوع للفليشيا 99 :b4_095:ممكن اشتريه ؟ وكام امبير؟ وايه اللي اراعيه عند شراءها؟ والسعر في حدود كام؟ وارخص مكان ممكن اشتري منه ويا ريت لو فالحرفيين لاني ساكن فالعبور؟
في اي حاجه ممكن اكشف عليها قبل ما اغير البطاريه ولا اغير بس؟ يعني في حاجه ممكن تكون بتاثر في عمرها او بتسرب يعني اي كشف ممكن اعمله ؟
ولكم جزيل الشكر والاحترااام

انا تقريبا زيك البطارية بتشاور عقلها بقالها معايا سنتين ونص المهم لو هاتجيب هات 70 امبير قدرت تجيبها جافة يبقى تمام مكانش هاتها سائلة اللى معايا سائلة 65 وكنت لسه سائل على السائلة 70 امبير لقيتها ب 350 مع القديمة والجافة 450 مع القديمة

[mohamed878]

انا تقريبا زيك البطارية بتشاور عقلها بقالها معايا سنتين ونص المهم لو هاتجيب هات 70 امبير قدرت تجيبها جافة يبقى تمام مكانش هاتها سائلة اللى معايا سائلة 65 وكنت لسه سائل على السائلة 70 امبير لقيتها ب 350 مع القديمة والجافة 450 مع القديمة

عندنا في المنطقه واحد كاتب بطاريه ب 180 جنيه بالضمان تفتكروا دا ايه

[benmatar]

خليك في البطاريات 70 امبير عشان الحر والمروحة هتشتغل كتير وهتسحب من البطارية وبالأخص لو عندك تكييف كمان، وبالنسبة للنوع الشرق آسيوي كويس (اندونيسي- ماليزي) ولو لقيت سعودي هيكون احسن والمصري كويس بس السايلة. وبلاش تركي أو أي حاجة تايهة

[yasser dyboo]

مفيش اي اختبار ممكن اعمله بنفسي قبل ما اروح لبتاع البطاريات لحسن متكونش بطاريه واغيرها علي الفاضي
تكون قفله هنا ...قفله هنا بس العربيه لما تكون ماشيه كله بيشتغل كويس لكن اول ما اقف كل حاجه متشتغلش نهائي

[yasser dyboo]

انا سالت انهارده علي الانواع ولقيت الاتي :- البطاريه جافه 70 امبير
1-سوبريم كوري السعر 425 جنيه بالقديمه
2- هيلدا او هيلدن تركي 400 جنيه بالقديمه
3- كلوريد انجليزي 410 بالقديمه
4- بلاتين تركي 450 بالقديمه
5- بريدج ستون تركي 500 بالقديمه
ايه باه اخبار البطاريات ديه حد استعمل منها حاجه وكانت كويسه معاه
كلهم ضمان سنه
ملقتش فارتا او ديلكو بس بيقولو سعرهم 650 بالقديمه وده طبعا غالي جداااا
انا بفكر اجرب كلوريد لان المكان محترم شويه لو فيه حد جربها يا ريت يقولي رايه؟ وشكراااااااااااااااااااااا

[طارق _عبد السلام]

الديلكو لى تجربه معاها مش ولا بد
الفارتا كانت تمام
انا ملاحظ ان البطاريات الجافه بتضيع فى الحر عكس السائله بتضيع فى البرد
حاول تعمل كفر للبطاريه بعازل حرارى بيحافظ عليها وعمرها بيطول معاك

[adiaa222]

مفيش اي اختبار ممكن اعمله بنفسي قبل ما اروح لبتاع البطاريات لحسن متكونش بطاريه واغيرها علي الفاضي
تكون قفله هنا ...قفله هنا بس العربيه لما تكون ماشيه كله بيشتغل كويس لكن اول ما اقف كل حاجه متشتغلش نهائي

اختبار بسيط هتجيب سلك كهربة 20سم وتوصلة بطرفى البطارية لو عملت شرارة تبقى شغالة وروح افضل لكهربائى يكشفلك عليها
انا باستعمل اسيدلكوا 70 امبير كانت 420 بالقديمة لكن 650 جنية غالية حاول تشتريها من التوكيل افضل يمكن يبقى ارخص من كدة وبالتوفيق

[أحمد جودة]

مفيش اي اختبار ممكن اعمله بنفسي قبل ما اروح لبتاع البطاريات لحسن متكونش بطاريه واغيرها علي الفاضي
تكون قفله هنا ...قفله هنا بس العربيه لما تكون ماشيه كله بيشتغل كويس لكن اول ما اقف كل حاجه متشتغلش نهائي

بص يا استاذ ياسر أنا كانت عندي نفس الاعراض بتاعتك والحمد لله مطلعتش البطارية فانا بقولك اتأكد انها البطارية دة أول شيئ واتاكد ان مفيش تسريب او سلك مهرب او حاجة شغالة وانتا مش واخد باللك منها لان والله اعلم لو البطارية جايبة اخرها العربية مش هدور زق كمان لان طقم الكهرباء الاسبراتير والبوبينة والمشط والبوجيهات بياخددو الكهربة من البطارية

[yasser dyboo]

اختبار بسيط هتجيب سلك كهربة 20سم وتوصلة بطرفى البطارية لو عملت شرارة تبقى شغالة وروح افضل لكهربائى يكشفلك عليها
انا باستعمل اسيدلكوا 70 امبير كانت 420 بالقديمة لكن 650 جنية غالية حاول تشتريها من التوكيل افضل يمكن يبقى ارخص من كدة وبالتوفيق

طيب متعرفش التوكيل بتاعه فين ؟ او حتي رقم تليفون؟

[adiaa222]

طيب متعرفش التوكيل بتاعه فين ؟ او حتي رقم تليفون؟

على صبرة فى شارع احمد سعيد