إعـــــــلان

Collapse

.

,
See more
See less

تغيير كونتاكت لفيليشيا 98

Collapse
X
 
  • Filter
  • الوقت
  • Show
Clear All
new posts

  • تغيير كونتاكت لفيليشيا 98

    القصه ابتدت لما جيت ادور فى مره الكونتاكت يفتح الكدربا عادى بس تكة المارش فى حاجه منعاها جوه الكونتاكت ميكانيكا.

    كنت مشغول فصرفت نفسى يومين كده باننى كونت بفتح الكهربا من الكونتاكت وادور من جوه الموتور باننى اوصل سلك المارش الرفيع بالكهربا العمومى اللى واصله للمارش

    وبعد شويه لما فضيت, فكيت القطمه كلها وطلعتها بره علشان اعرف اشتغل.

    مكنتش عارف ان الفبره بتتفك من مسمارين رفيعين فى جسم الكونتاكت لان المسمارين مغطينهم ببويه يخلوك متشوفهومش الا لو عارف مكانهم.

    المهم حاولت افك الفبره من تحت اتفرفطت 60 حته بالرغم من انها الأصليه ومكانش فيها مشكله , قدر الله وما شاء فعل.

    نيجى بقى للجزء الميكانيكى كان قافش قفشه سودا, المهم روحت مفور المسمار اللى ماسكه من تحت بالشنيور طلع كله زى الباشا.
    ملحوظه,,كل مسامير الكونتاكت معموله بنظام ان يبقى ليها زور رفيع بعد ما تنربط يتقرص عليها فتقوم مقطومه.

    حاولت افتحه , قرفنى علشان نظام المسامير دى , المهم فتحته ولقيت جواه حتة الامونيا صغيره مكسوره وراشقه وهى اللى مانعه الدوران., شيلتها وظبطه بس كان مبوش شويه و اتبهدل من محاولة فتحه.

    المهم انى بعد ما خت غرضى منه واستمتعت بتفشيخه , ابتديت ادور حعمل ايه.

    بتوع الاستيراد,,,,الفبره 200ج والميكانيكا ب 200ج ومع بعض ب350ج وهو مفتاح واحد.

    بتوع الجديد,,,,,,فبره صينى 50ج, فبره اصلى 190ج ,كونتاكت كامل بالفبره فيكا مكتوب عليه تركى بمفتاحين ب170ج.

    جبت كونتاكت جديد وركبته ومارضتش اقطم المسمار علشان لو احتجت افكه بعدين.

    ودى شوية صور للمساعده والتوضيح لو حد اتحط فى القصه دى.












    وعلى فكره انا عملت اللى عليه ورحت لاحسن صنايعيه ولقيت معظمهم حيجرب زيى فقلت انا اولى .
    وكل عام وانتم بخير
    د/احمد عواد
    [SIGPIC][/SIGPIC]

  • #2
    الله ينور عليك بجد عمل اكثر من ممتاز *

    بس بكدا خلى المفتاح القديم علشان الابواب والشنطة وتانك البنزين بدل ما تلعب فيهم.... وبلاش ترمى القديم خليه عندك حاول تصلحة لما تفضى وخليه جرب التركى لو خل ينحل....*
    [rmade]http://im60.gulfup.com/1KWugz.jpg[/rmade]

    Comment


    • #3
      المشاركة الأصلية كتبت بواسطة awaad8760 مشاهدة المشاركة
      القصه ابتدت لما جيت ادور فى مره الكونتاكت يفتح الكدربا عادى بس تكة المارش فى حاجه منعاها جوه الكونتاكت ميكانيكا.

      كنت مشغول فصرفت نفسى يومين كده باننى كونت بفتح الكهربا من الكونتاكت وادور من جوه الموتور باننى اوصل سلك المارش الرفيع بالكهربا العمومى اللى واصله للمارش

      وبعد شويه لما فضيت, فكيت القطمه كلها وطلعتها بره علشان اعرف اشتغل.

      مكنتش عارف ان الفبره بتتفك من مسمارين رفيعين فى جسم الكونتاكت لان المسمارين مغطينهم ببويه يخلوك متشوفهومش الا لو عارف مكانهم.

      المهم حاولت افك الفبره من تحت اتفرفطت 60 حته بالرغم من انها الأصليه ومكانش فيها مشكله , قدر الله وما شاء فعل.

      نيجى بقى للجزء الميكانيكى كان قافش قفشه سودا, المهم روحت مفور المسمار اللى ماسكه من تحت بالشنيور طلع كله زى الباشا.
      ملحوظه,,كل مسامير الكونتاكت معموله بنظام ان يبقى ليها زور رفيع بعد ما تنربط يتقرص عليها فتقوم مقطومه.

      حاولت افتحه , قرفنى علشان نظام المسامير دى , المهم فتحته ولقيت جواه حتة الامونيا صغيره مكسوره وراشقه وهى اللى مانعه الدوران., شيلتها وظبطه بس كان مبوش شويه و اتبهدل من محاولة فتحه.

      المهم انى بعد ما خت غرضى منه واستمتعت بتفشيخه , ابتديت ادور حعمل ايه.

      بتوع الاستيراد,,,,الفبره 200ج والميكانيكا ب 200ج ومع بعض ب350ج وهو مفتاح واحد.

      بتوع الجديد,,,,,,فبره صينى 50ج, فبره اصلى 190ج ,كونتاكت كامل بالفبره فيكا مكتوب عليه تركى بمفتاحين ب170ج.

      جبت كونتاكت جديد وركبته ومارضتش اقطم المسمار علشان لو احتجت افكه بعدين.

      ودى شوية صور للمساعده والتوضيح لو حد اتحط فى القصه دى.












      وعلى فكره انا عملت اللى عليه ورحت لاحسن صنايعيه ولقيت معظمهم حيجرب زيى فقلت انا اولى .
      وكل عام وانتم بخير
      د/احمد عواد



      الله ينور عليك يا دكتور احمد موضوع ممتاز

      بصراحة أول مرة اعرف ان الكونتكت اسعارة كدة ...... كنت فاكر انه حاجة كدة زي كالون باب الشقة هههههههه
      مكنتش اعرف كمان انه فى جزء ميكانيكي


      مجهود وشرح ممتاز تسلم ايدك
      [COLOR=Blue][SIZE=5][COLOR=Navy]مع تحياتي / أحمد أبو ميزو
      [img2]http://www5.0zz0.com/2014/05/05/06/544429690.jpg[/img2]

      [/COLOR][/SIZE][/COLOR]

      Comment


      • #4
        كان ممكن حضرتك تغير القلب فقط الى فى اخر الصورة عشان متضطرش تغير المفتاح الاصلى بتاع العربية
        بس صراحة شغل ممتاز الله ينور عليك
        [SIGPIC]http://img546.imageshack.us/img546/6030/sh36.jpg[/SIGPIC]

        Comment


        • #5
          الله ينور عليك وشكرا ليك طبعا على التقرير
          [img2]http://nileup.com/up/uploads/nilemotors_13649876441.jpg[/img2]

          Comment


          • #6
            المشاركة الأصلية كتبت بواسطة yhyakotb مشاهدة المشاركة
            كان ممكن حضرتك تغير القلب فقط الى فى اخر الصورة عشان متضطرش تغير المفتاح الاصلى بتاع العربية
            بس صراحة شغل ممتاز الله ينور عليك
            فكرت فى كده علشان مغيرش المفتاح الاصلى بس قلبى ماطوعنيش انى افتح الكونتاكت الجديد. وكمان السن غير السن فوارد ماينفعش.

            وشكرا على تفاعلكم

            أحمد عواد
            [SIGPIC][/SIGPIC]

            Comment


            • #7
              المشاركة الأصلية كتبت بواسطة awaad8760 مشاهدة المشاركة
              فكرت فى كده علشان مغيرش المفتاح الاصلى بس قلبى ماطوعنيش انى افتح الكونتاكت الجديد. وكمان السن غير السن فوارد ماينفعش.

              وشكرا على تفاعلكم

              أحمد عواد
              ايوة بس فى قلب بيتباع لوحدة وانا عملتها قبل كدة وغيرت القلب
              طالما غيرت يبقى خلاص والجديد جديد بس ابقى خلى القديم مترميهاش عشان المفتاح
              [SIGPIC]http://img546.imageshack.us/img546/6030/sh36.jpg[/SIGPIC]

              Comment


              • #8
                اية الحلاوة دى وله احسن صنيعى
                الله ينور ياعم الاسطى

                موضوع ممتاز

                بس اهم شىء خلى بالك من اللوك و اتاكد منه كويس علشان متسوجرش منك و انتا ماشى راجع عليه و اتاكد

                ربك المستعان
                [SIGPIC][/SIGPIC]

                Comment


                • #9
                  اية الحلاوة دى وله احسن صنيعى
                  الله ينور ياعم الاسطى

                  موضوع ممتاز

                  بس اهم شىء خلى بالك من اللوك و اتاكد منه كويس علشان متسوجرش منك و انتا ماشى راجع عليه و اتاكد

                  ربك المستعان
                  [SIGPIC][/SIGPIC]

                  Comment


                  • #10
                    السلام عليكم


                    بعد ما استعملت الكونتاكت الكامل الجديد شهرين حسيت انه اقل مستوى من الاصلى بس قلت أمرى لله ..اللى لاحظته عليه انه ضعيف وساعات اللوك بتاع الدريكسيون ما بيقفلش بس قلت ما يهمش.


                    المهم اتهبلت فى دماغى واديت العربية لواحد معرفه عشان يعمل مشوار,,الباشا اول ما حط المفتاح فى الكونتاكت قعد يعافر معاه عشان يفك الدريكسيون من غير مايحرك الدريكسيون فراح المفتاح مقطوم...وكمان راح من ورايا لبتاع كوالين,, الصنايعى الغشيم فك قطمة الدريكسيون وجه يفك الكونتاكت كسر الفبره الكهربا وغيروها بواحده صينى جديدة معفنه ولما حب يطلع الجزء المقطوم فشخ الجزء الميكانيكى شويه لدرجة ان المفتاح ممكن يطلع بعد ما أدور العربية.وفى الاخر عمل مفتاح جديد.


                    إستلمت العربيه منه واديته من المنقى خيار ..وقلت خلاص استحمل,,,بس ما قدرتش استحمل بقى لما الماساه كملت والفبره الكهربا الجديدة الصينى قطعت بعد اسبوعين واتذليت يومين من قصة تدوير العربية من المارش.


                    دى صورة الكونتاكت الصينى







                    المره دى قررت انى اجيب كونتاكت كامل استيراد بمفتاح خريطه حديث ..والحمد لله ربنا وفقنى لكونتاكت موديل 2001 وجبته ب250ج...وفكيت القديم وركبته بنفسى بس فرق السما من الارض ما بين الاصلى والتقليد.

                    خلاصة الموضوع فبرة الكونتاكت الصينى زباله والكونتاكت الصينى او التركى نص نص..الاصلى احسن كتير جدا. وكمان اوعى تدى عربيتك لحد.

                    دى صورة الكوتاكت الاستيراد حتى كمان جاى فيه شريحة الانجكشن بس طبعا ملهاش فايده عندى






                    وشكرا ليكم ويارب اكون عرفت انقل التجربة

                    د/ أحمد عواد
                    [SIGPIC][/SIGPIC]

                    Comment


                    • #11
                      بجد مليون شكر لا تكفى جزاك الله كل الخير على نقل التجربة ربنا يجعل هذا النصح فى ميزان حسناتك ........
                      [rmade]http://im60.gulfup.com/1KWugz.jpg[/rmade]

                      Comment


                      • #12
                        بجد هو دة الكلام فعلا
                        مجهود رائع منك و احلى مافى الموضوع شرحك المدعم بالصور
                        فعلا موضوع جميل و الكل يغفل عنه
                        بالتوفيق ان شاء الله
                        [SIGPIC][/SIGPIC]

                        Comment


                        • #13
                          شكرا ليك على نقل التجربة ومحدش بيتعلم ببلاش
                          [img2]http://nileup.com/up/uploads/nilemotors_13649876441.jpg[/img2]

                          Comment

                          Working...
                          X