فليشيا

[Cater]

السلام عليكم
ارجو المساعدة من السادة الكرام اصحاب الفليشيا
انا كان عندي عربية لادا 2105 وكانت اول عربية ليا واتعلمت عليها السواقة وكدة واقدر اقولكم اني كرهت نفسي بسببها والحمد لله قدرت اني ابيعها بعد خسارة محترمة
المهم فكرت اني اجيب فليشيا بس سمعت انها زي الادا من حيث الخشونة وكدة
فهل مثلا الفليشيا صوت ماتورها عالي زي الادا ؟
هل الدريكسيون بتاعها تقيل زي الادا ؟
هل مثلا الابواب علشان تتقفل لازم تترزع كده زي الادا ؟
هل هي فيها بيض مقصات وبيملص زي الادا اللي بتعتبر من اكبر عيوب الادا ؟
هل عفشتها ناعمة ولا زي الادا تحس انك راكب مأتورة ؟
هل سحبها كويس و بتجيب سرعات عاليه ولا اخرها زي الادا 100 او 110 ؟
هل الكهربا بتاعتها رذلة زي الادا ؟
هل الفتيس بتاعها ناعم وسلس ؟
والسؤال الاخير هي الفليشيا حالة محترمة تعمل رينج كام بعد الفصال وكدة ؟

[sakr_skoda]

وعليكم السلام ورحمة الله وبركاته

عاوز اقولك من الأخر كل السلبيات اللى حضرتك سردتها فى موضوعك انساها تماما مع الفليشيا ....*للفليشيا مذاق آخر لا يقارن بلادة ولا مثيلتها....*

الفليشا المحترمة تعمل فى حدود 35 الف وعلى حساب خالة الموتور والسيارة عموما........

[المنسي]

السلام عليكم
ارجو المساعدة من السادة الكرام اصحاب الفليشيا
انا كان عندي عربية لادا 2105 وكانت اول عربية ليا واتعلمت عليها السواقة وكدة واقدر اقولكم اني كرهت نفسي بسببها والحمد لله قدرت اني ابيعها بعد خسارة محترمة
المهم فكرت اني اجيب فليشيا بس سمعت انها زي الادا من حيث الخشونة وكدة
فهل مثلا الفليشيا صوت ماتورها عالي زي الادا ؟
هل الدريكسيون بتاعها تقيل زي الادا ؟
هل مثلا الابواب علشان تتقفل لازم تترزع كده زي الادا ؟
هل هي فيها بيض مقصات وبيملص زي الادا اللي بتعتبر من اكبر عيوب الادا ؟
هل عفشتها ناعمة ولا زي الادا تحس انك راكب مأتورة ؟
هل سحبها كويس و بتجيب سرعات عاليه ولا اخرها زي الادا 100 او 110 ؟
هل الكهربا بتاعتها رذلة زي الادا ؟
هل الفتيس بتاعها ناعم وسلس ؟
والسؤال الاخير هي الفليشيا حالة محترمة تعمل رينج كام بعد الفصال وكدة ؟

اولا متزعلش على اللادا والخسارة اللى خسرتها فيها وبعدين مش كل حاجة تسمعها تبقى صح وانت عملت الصح لما جيت تسال على العربية من ملاكها وبدون تحيز هاقولك واجاوبك واحدة واحدة
من حيث الخشونة فمش هاقدر اقولك زى اللادا ولا اقل بس اكيد هتبقى اقل لانها بتكنولوجيا المانى وبعدين متقارنش المانى بروسى تقفيل مصرى
بالنسبة لصوت الفليشيا عالى فى حالة واحدة لو سير الكاتينة بقاله 15 سنة متغيرش انما لو سير الكاتينة جديد وخد بالك انا قلت بقاله 15 سنة لان الفليشيا السير بتاعها جنزير يعنى حديد وتانى حاجة لو الكهرباء بتاعتها مظبوطة وتاكيهاتها مظبوطة مش هتسمع صوت الموتور فى السلانسيه
الدريكسيون بتاعها مش تقيل بالمعنى المفهوم هو ممكن تقول انها نص باور
الابواب بتتقفل من غير ترزيع ولا حاجة
الفليشيا فيها بيض مقصات لو جبته نوع كويس هيعيش معاك وسعره كمان مش غالى
بالنسبة للعفشة بتاعها هيه خشنة شوية بس بتتحل بتغير مقاس الكاوتش 13/65/175 بحيث انها ترفع العربية شوية
بالنسبة للكهربا والفتيس من النوع السلس الغير معقد
كل الكلام اللى فات انا رديت عليك فيه بس حابب اوجه نصيحة اخوية يوم ماتنزل تشترى فليشيا تاخد معاك ميكانيكى وسمكرى شاطرين وتبص على اساسيات العربية من موتور وعفشة لان العربية دى لو جبتها حالتها كويسة هتنبسط بيها ولو لاقدر الله وقعت على عربية حالتها تعبانة هتكره اليوم اللى اشتريتها فيه وبالنسبة للاسعار بتبدا من 30 لغاية 35 وممكن كمان لغاية 38 الموديلات اللى من اول 1998 اللى هيه وش الاوكتافيا وربنا يوفقك

[Cater]

وعليكم السلام ورحمة الله وبركاته

عاوز اقولك من الأخر كل السلبيات اللى حضرتك سردتها فى موضوعك انساها تماما مع الفليشيا ....*للفليشيا مذاق آخر لا يقارن بلادة ولا مثيلتها....*

الفليشا المحترمة تعمل فى حدود 35 الف وعلى حساب خالة الموتور والسيارة عموما........

اولا متزعلش على اللادا والخسارة اللى خسرتها فيها وبعدين مش كل حاجة تسمعها تبقى صح وانت عملت الصح لما جيت تسال على العربية من ملاكها وبدون تحيز هاقولك واجاوبك واحدة واحدة
من حيث الخشونة فمش هاقدر اقولك زى اللادا ولا اقل بس اكيد هتبقى اقل لانها بتكنولوجيا المانى وبعدين متقارنش المانى بروسى تقفيل مصرى
بالنسبة لصوت الفليشيا عالى فى حالة واحدة لو سير الكاتينة بقاله 15 سنة متغيرش انما لو سير الكاتينة جديد وخد بالك انا قلت بقاله 15 سنة لان الفليشيا السير بتاعها جنزير يعنى حديد وتانى حاجة لو الكهرباء بتاعتها مظبوطة وتاكيهاتها مظبوطة مش هتسمع صوت الموتور فى السلانسيه
الدريكسيون بتاعها مش تقيل بالمعنى المفهوم هو ممكن تقول انها نص باور
الابواب بتتقفل من غير ترزيع ولا حاجة
الفليشيا فيها بيض مقصات لو جبته نوع كويس هيعيش معاك وسعره كمان مش غالى
بالنسبة للعفشة بتاعها هيه خشنة شوية بس بتتحل بتغير مقاس الكاوتش 13/65/175 بحيث انها ترفع العربية شوية
بالنسبة للكهربا والفتيس من النوع السلس الغير معقد
كل الكلام اللى فات انا رديت عليك فيه بس حابب اوجه نصيحة اخوية يوم ماتنزل تشترى فليشيا تاخد معاك ميكانيكى وسمكرى شاطرين وتبص على اساسيات العربية من موتور وعفشة لان العربية دى لو جبتها حالتها كويسة هتنبسط بيها ولو لاقدر الله وقعت على عربية حالتها تعبانة هتكره اليوم اللى اشتريتها فيه وبالنسبة للاسعار بتبدا من 30 لغاية 35 وممكن كمان لغاية 38 الموديلات اللى من اول 1998 اللى هيه وش الاوكتافيا وربنا يوفقك

بصراحة مش لاقي كلام اشكركم بيه كتر الف خيركم وكل سنه وحضراتكم طيبيين

[aw2100]

السلام عليكم
ارجو المساعدة من السادة الكرام اصحاب الفليشيا
انا كان عندي عربية لادا 2105 وكانت اول عربية ليا واتعلمت عليها السواقة وكدة واقدر اقولكم اني كرهت نفسي بسببها والحمد لله قدرت اني ابيعها بعد خسارة محترمة
المهم فكرت اني اجيب فليشيا بس سمعت انها زي الادا من حيث الخشونة وكدة
فهل مثلا الفليشيا صوت ماتورها عالي زي الادا ؟
هل الدريكسيون بتاعها تقيل زي الادا ؟
هل مثلا الابواب علشان تتقفل لازم تترزع كده زي الادا ؟
هل هي فيها بيض مقصات وبيملص زي الادا اللي بتعتبر من اكبر عيوب الادا ؟
هل عفشتها ناعمة ولا زي الادا تحس انك راكب مأتورة ؟
هل سحبها كويس و بتجيب سرعات عاليه ولا اخرها زي الادا 100 او 110 ؟
هل الكهربا بتاعتها رذلة زي الادا ؟
هل الفتيس بتاعها ناعم وسلس ؟
والسؤال الاخير هي الفليشيا حالة محترمة تعمل رينج كام بعد الفصال وكدة ؟

الفليشيا تعتبر احدث القديم واقدم الحديث فى التكنولوجيا بمعنى انها جيل وسط بين العربيات الكاربراتير العادية زيى اللادا وبين العربيات الحديثة زيي الأوكتافيا مثلا !
موتورها 1300 cc ووزنها حوالى 1500 ك فالسحب بتاعها يعتبر متوسط لكبر وزن العربية بالنسبة لقوة الموتور
دريكسيون خفيف علشان كده اغلب مالكى الفليشيا وهى زيرو سيدات ومنهم عربيتى كانت ملك واحدة ست قبل ماشتريها وطبعا الستات مايركبوش عربية دركسيونها تقيل
عزل الفليشيا خطير بمعنى لما تقفل ابوبها ماتسمعش صوت فى الشارع وماتحسش ببروده الجو او تسمع صوت الهواء وانت ماشى ولا حتى صوت الموتور
وطبعا ثبات مالوش حل بامشى باقصى سرعة لعربيتى 130 ك فى الشتاء وملفات ورياح وماتحسش باى حاجة جوة العربية نهائى
طبعا فيها بيضات مقصات بس اساسا عفشة مدرعة لعربية 1/2 نقل فانسى انها تملص والكلام ده بس طبعا عفشتها ناشفة شوية مقارنة باليابانى بس انعم من الادا كتير
الفليشيا اسبراتير الكترونى يعنى مافيش ابلاتين ولاكوندنسر فبيبقى عمر البوجيهات طويل قوى
اهم حاجة لما تجيبها تكون حالتها كويسة وتشوف ميكانيكى متخصص فى الأسكودا يعملك صيانة ليها
ومبروك مقدما على العربية الجديدة !!

[Cater]

والله يا جماعة انتو علقتوني بالعربية اوي وانا اصلا معجب بيها جدا بس يا خسارة شكلها مش مكتوبالي لاني كل اللي معايا 26 الف وانتو بتقولو انها في رينج 30 الف - مع اني شوفت على مواقع بيع السيارات اسعار في حدود 27 و 28 بس حاسس انهم حالات تعبانه وانا مش عايز اعيد ذكريات الادا تاني - والله بجد مخنوق اوي كان نفسي في الفليشيا وعارف انكم هتقولولي استنى وكمل عليهم بس للاسف علشان اعمل كده ولا ست شهور بسبب مصاريف البيت والاولاد علشان كده بفكر في الاونو بس مش عجباني زي الفليشيا - معلش طولت عليكم وعاملكم ازعاج

[المنسي]

والله يا جماعة انتو علقتوني بالعربية اوي وانا اصلا معجب بيها جدا بس يا خسارة شكلها مش مكتوبالي لاني كل اللي معايا 26 الف وانتو بتقولو انها في رينج 30 الف - مع اني شوفت على مواقع بيع السيارات اسعار في حدود 27 و 28 بس حاسس انهم حالات تعبانه وانا مش عايز اعيد ذكريات الادا تاني - والله بجد مخنوق اوي كان نفسي في الفليشيا وعارف انكم هتقولولي استنى وكمل عليهم بس للاسف علشان اعمل كده ولا ست شهور بسبب مصاريف البيت والاولاد علشان كده بفكر في الاونو بس مش عجباني زي الفليشيا - معلش طولت عليكم وعاملكم ازعاج

اوعى تجيب فليشيا حالتها تعبانة لانها هتحتاج مصاريف كتير جدا علشان تبقى عربية بمعنى الكلمة ولولا انك بتقول مش هتقدر تكمل فلوس تانى فدور على حاجة فى حدود المتاح معاك وربنا يكرمك وتلاقى حاجة كويسة مع العلم ان المبلغ اللى معاك من 5 شهور بس كان ممكن يجيب لك فليشيا حالتها معقولة .... ربنا يوفقك

[Ahm662]

دور على فيفوربت محترمة!!!!!!!!!!!!!!هتبقى فى حدود المبلغ

[jojoamr]

عايز قولك ان الفليشيا جميلة بس عايزة حد يفهم فيها يعتى مش اى صنايعى يفتى فيها

[Cater]

عايز قولك ان الفليشيا جميلة بس عايزة حد يفهم فيها يعتى مش اى صنايعى يفتى فيها

والله ما باليد حيلة - القرش هو اللي بيتكلم