هل هذا سبب لسخونيه الفيلشيا؟؟؟؟؟؟؟؟؟؟

[khmt1970]

تجربه عايز رأى حضراتكم فيها
اشتريت منذ سنه فيلشيا 95 وكانت لا تسخن منى ولكن منذ شهر ونصف اصبحت درجه المؤشر ترتفع الى فوق المائه درجه وفى مشوار للتجمع اقتربت من ال110 لدرجه انى توقفت اربع مرات لتبرد حتى وصولى فذهبت لميكانيكى متخصص فى الاسكودا فى شبرا فقال لى السياره ما فيهاش حاجه ده الجو والذى منه وشكرا على كده طبعا انا ما اقتنعتش بالكلام ده هو اى نعم لم يفتح شغل ويشتغلنى ولكن فى النهايه العربيه بتسخن واصبحت اخشى الخروج بها فى الحر ده يعنى عندى عربيه وما عنديش عربيه المهم حتى لا اطيل عليكم ذهبت اليوم الى ميكانيكى عرفته عن طريق جارى وبعد الكشف على السياره قال لى ان المشكله فى العجل الامامى تقيل وقافش وان السبب فى ذلك تيل الفرامل هو الى قافش على العجل ومسبب تقله مما يستدعى بذل مجهود اكبر من الموتور لتحريك السياره مما يجعلها تسخن المهم غير التيل الامامى وخراطيم الفرامل وطبعا لم استطيع تجربتها فى مشوار كبير لاننى خلصت قبل الفطار ب ساعه والطرق اليوم زى ما حضراتكم عارفين
والى حين استخدام العربيه وتجربتها وهو ما لن استطيعه حاليا بسبب اجازه العيد كل سنه وانتم طيبين
السؤال هو هل ممكن ان يكون هذا السبب المسئول عن سخونيه العربيه ؟؟؟؟؟؟؟؟؟

[sakr_skoda]

تجربه عايز رأى حضراتكم فيها
اشتريت منذ سنه فيلشيا 95 وكانت لا تسخن منى ولكن منذ شهر ونصف اصبحت درجه المؤشر ترتفع الى فوق المائه درجه وفى مشوار للتجمع اقتربت من ال110 لدرجه انى توقفت اربع مرات لتبرد حتى وصولى فذهبت لميكانيكى متخصص فى الاسكودا فى شبرا فقال لى السياره ما فيهاش حاجه ده الجو والذى منه وشكرا على كده طبعا انا ما اقتنعتش بالكلام ده هو اى نعم لم يفتح شغل ويشتغلنى ولكن فى النهايه العربيه بتسخن واصبحت اخشى الخروج بها فى الحر ده يعنى عندى عربيه وما عنديش عربيه المهم حتى لا اطيل عليكم ذهبت اليوم الى ميكانيكى عرفته عن طريق جارى وبعد الكشف على السياره قال لى ان المشكله فى العجل الامامى تقيل وقافش وان السبب فى ذلك تيل الفرامل هو الى قافش على العجل ومسبب تقله مما يستدعى بذل مجهود اكبر من الموتور لتحريك السياره مما يجعلها تسخن المهم غير التيل الامامى وخراطيم الفرامل وطبعا لم استطيع تجربتها فى مشوار كبير لاننى خلصت قبل الفطار ب ساعه والطرق اليوم زى ما حضراتكم عارفين
والى حين استخدام العربيه وتجربتها وهو ما لن استطيعه حاليا بسبب اجازه العيد كل سنه وانتم طيبين
السؤال هو هل ممكن ان يكون هذا السبب المسئول عن سخونيه العربيه ؟؟؟؟؟؟؟؟؟

الميكانيكى الأول نصحك نصيحة غاليه بارك الله فيه....*

الميكانيكى الثانى حب يعمل شغل وخلاص ربنا يسامحة....*


درجة حرارة الجوة فى مصر تلك الايام هى اقصى درجة حرارة على مدار العام وكلنا كفليشياويه عرفين كدا وكل فليشتنا يعنى عليها بتفرفر فى الايام دى بس ما فيش خوف قوى ببعض الاحتياطات يمكن لنا ان نتفادى الازمة الى ان تمر تلك الايام ....

فلابد التنبيه بعدم الحرق على الغيارات ويجب مراقبة عداد الار بى ام حتى لا يصل الى ال 3000 ويجب ان لا تتعدى السرعة ال 80كيلو فى الساعة بهذا ستتفادى سخونة المحرك فى تلك الظروف ....

هذا ما شعرت به فيفورتى وعالجتها بهذه الوصفة....*

[amrelsaqqa]

لو كدة كان هيبقى العجل نفسه سخن جدا والعربية تقيلة معاك في المشي

عموما اتمنى تكون مشكلتك اتحلت وكل سنة وانت طيب :)

[rotanamasoud]

اه ممكن لو الفرامل ماسكه حتعمل حمل زايد على الموتور يؤدى لزياده السخونه
والفلشياويه قالو ان دى طبيعه العربيه
عندنا فى الستروين قالو ان طبيعه العربيه 90 الى 100 لاكن عند ظبط دوره التبريد تصل ل70-80(ده اللى وصلتلو)

[aw2100]

كام سؤال للتوضيح علشان اقدر اساعدك
هى العربية بتسخن معاك فى الزحمة والأشارات ولا بتسخن فى الطوالى وعلى سرعات عالية ؟
بتحط مية حنفية فى الرادياتير ولا ميه خضراء او حمراء ؟
كية الرادياتير بتنقص ؟ وبتزودها كمية قد اية؟
لما تفتح غطاء القربة والعربية سخنة بتلاقى ضغط هواء جامد وكتير والخراطيم بتتنفخ قوى ؟
رادياتير العربية الأصلى ولامغيرة وبقميص كبير ولا صغير ؟
مروحه التبريد 6 ريشة ولا 4 ريشة ؟
نوع زيت الموتور اللى بتستعمله اية وهل زيت الموتور بينقص ؟

[Maged_Samy]

بالاضافة الى كل ما سبق :
1- راجع توقيت الشرارة من الاسبراتير لانه عامل مهم جداً .
2-راجع على سرعة المروحة عن طريق توصيلها مباشرة بالبطاريه وملاحظة هل هناك فرق فى سرعتها ام لا .
3-لا تملى القربة الى اخرها .
4- افتح القربة والعربية ساخنة خرج منها الهواء واقفلها تانى وجرب .
5- شوف المروحة بتشتغل امتى وبتفصل امتى واتجاه دورانها من الخارج للداخل .
6- نظف الريدراتير من الامام بالهواء المضغوط والماء ومن الداخل بخرطوم ماء جارى حتى تتغير المياه داخله .
7-لاحظ دوران الماء بشكل جيد داخل القربة لمعرفة مدى صلاحية طلمبة المياه .
8- ارفع عجله عجله بالسيارة وحاول لفها بيدك لتتأكد انها خفيفة ومفيش حاجة قافشة .
9- راجع على نوع ومستوى زيت المحرك .
10- راجع على الشكمان .
11- حاول تعرف ايه اخر حاجة عملتها فى العربية او غيرتها ممكن تكون هيه السبب .
12- راجع على ترموستات الكوعة .

[khmt1970]

كام سؤال للتوضيح علشان اقدر اساعدك
هى العربية بتسخن معاك فى الزحمة والأشارات ولا بتسخن فى الطوالى وعلى سرعات عالية ؟
لأ بتسخن فى الطوالى وعلى السرعات العاليه
بتحط مية حنفية فى الرادياتير ولا ميه خضراء او حمراء ؟
ميه حنفيه مع العلم انى قمت بغسل دوره التبريد منذ شهر تقريبا
كية الرادياتير بتنقص ؟ وبتزودها كمية قد اية؟
الميه لا تنقص الا بمقدار قليل جدا
لما تفتح غطاء القربة والعربية سخنة بتلاقى ضغط هواء جامد وكتير والخراطيم بتتنفخ قوى ؟
لأ لكن بسمع تنفيسه ضعيفه وانا بفتح الغطاء
رادياتير العربية الأصلى ولامغيرة وبقميص كبير ولا صغير ؟
مروحه التبريد 6 ريشة ولا 4 ريشة ؟
الرادياتير متغير بواحد الومونيوم صينى والقميص كبير والمروحه 6 ريشه
نوع زيت الموتور اللى بتستعمله اية وهل زيت الموتور بينقص ؟
موبيل 5 الاف كيلو

[khmt1970]

بالاضافة الى كل ما سبق :
1- راجع توقيت الشرارة من الاسبراتير لانه عامل مهم جداً .
2-راجع على سرعة المروحة عن طريق توصيلها مباشرة بالبطاريه وملاحظة هل هناك فرق فى سرعتها ام لا .
3-لا تملى القربة الى اخرها .
4- افتح القربة والعربية ساخنة خرج منها الهواء واقفلها تانى وجرب .
5- شوف المروحة بتشتغل امتى وبتفصل امتى واتجاه دورانها من الخارج للداخل .
6- نظف الريدراتير من الامام بالهواء المضغوط والماء ومن الداخل بخرطوم ماء جارى حتى تتغير المياه داخله .
7-لاحظ دوران الماء بشكل جيد داخل القربة لمعرفة مدى صلاحية طلمبة المياه .
8- ارفع عجله عجله بالسيارة وحاول لفها بيدك لتتأكد انها خفيفة ومفيش حاجة قافشة .
9- راجع على نوع ومستوى زيت المحرك .
10- راجع على الشكمان .
11- حاول تعرف ايه اخر حاجة عملتها فى العربية او غيرتها ممكن تكون هيه السبب .
12- راجع على ترموستات الكوعة .

فيه نقط من دى انا عملتها فعلا وباقى النقط سوف اقوم بمراجعتها ان شاء الله شكرا لحضرتك

[Maged_Samy]

السخونية مع السرعات العالية بتبقى بداية تلف جوان وش السلندر هى السبب فى الغالب

[aw2100]

عموما طالما مافيش فسسس من القربة يبقى مافيش هواء فى دورة التبريد وجوان وش السلندر احتمال يكون كويس يبقى الموتور وفية احتمال يكون صوبع الحرارة مخرف او ممكن الموتور محتاج ظبط تكايات وخلية يهوى التكايات شوية اعتقد انها مقفولة زياده مع مراجعة الشكمان ممكن يكون مكتوم وياريت تغير نوع الزيت لشل مثلا وبلاش الموبيل وياريت لو تحط مية حمراء تركيزها لايقل عن 33% بتساعد فى سرعة التبريد!
لما العربية بتسخن وتوصل 110 لقيت مية القربة بتخرج من الغطاء وبتفور والخراطيم منفوخة حتفرقع ؟
بالنسبة للرادياتير مغيرة امتى ؟
وهل عربيتك مكيفة ؟

[khmt1970]

عموما طالما مافيش فسسس من القربة يبقى مافيش هواء فى دورة التبريد وجوان وش السلندر احتمال يكون كويس يبقى الموتور وفية احتمال يكون صوبع الحرارة مخرف او ممكن الموتور محتاج ظبط تكايات وخلية يهوى التكايات شوية اعتقد انها مقفولة زياده مع مراجعة الشكمان ممكن يكون مكتوم وياريت تغير نوع الزيت لشل مثلا وبلاش الموبيل وياريت لو تحط مية حمراء تركيزها لايقل عن 33% بتساعد فى سرعة التبريد!
لما العربية بتسخن وتوصل 110 لقيت مية القربة بتخرج من الغطاء وبتفور والخراطيم منفوخة حتفرقع ؟
لا بتبقى عادى
بالنسبة للرادياتير مغيرة امتى ؟
منذ سنه ونصف تقريبا
وهل عربيتك مكيفة ؟
نعم مكيفه بس التكييف متركب وانا شارى العربيه به مع العلم اننى لا استعمله
شكرا جزيلا لمساعده حضرتك فى الوصول لحل المشكله

[المنسي]

سؤال الناس نسيت تساله لصاحب المشكلة هو الترموستات عندك كام على كام؟؟؟؟؟؟؟

[aw2100]

طالما العربية لما بتسخن وتوصل 110 لقيت مية القربة بتخرج من الغطاء وبتفور والخراطيم منفوخة حتفرقع ؟
حضرتك بتقول لا بتبقى عادى ؟
بص كده يبقى صوبع الحرارة عندك مخرف لية؟
فعلا لو الحرارة عندك وصلت ل 110 المية فى الموتور بتغلى وبتتحول بخار والضغط بيزيد قوى من البخار وبتلاقى الخراطيم تتنفخ قوى والقربة كمان لدرجة ان غطاء القربة بيخرج المية من القربة ببخار مية والمية تنقص من القربة
يبقى تحليل وضع عربيتك كالتالى
امبير الحراره 110 +القربة المية مابتنقص +الخراطيم طبيعى +مية حنفية عادية (درجة حرارة غلينها 100c) +مفيش فوران فى القربة وبخار شديد = الامبير غلط و الصح ان حرارة موتور عربيتك اقل من 100 درجة اللى هى حرارة غليان مية الحنفية تحياتى
الحل غير صوبع الحرارة بواحد اصلى بس !!