عاوز اشترى جنوط

[wael abbas]

السلام عليكم
انا عندى العربية بترعش لما بجرى بيها بعد الـ80 ورحت عشان اعمل ترصيص للعجل الراجل قالى الجنوط عندك بايظة وعاوزة تتغير وقالى الجنوط الاسبور تعملها فى حدود 1200 جنيه بس حاليا المبلغ ده مش متوفر معايا فقلت اشوفلها جنوط حديد بس مش عارف اجيبهم منين وبكام فياريت لو حد يقدر يفيدنى وهل لو اشتريتهم استيراد اعرف ازاى انهم كويسين وشكرا لكل من يهتم

[المنسي]

السلام عليكم
انا عندى العربية بترعش لما بجرى بيها بعد الـ80 ورحت عشان اعمل ترصيص للعجل الراجل قالى الجنوط عندك بايظة وعاوزة تتغير وقالى الجنوط الاسبور تعملها فى حدود 1200 جنيه بس حاليا المبلغ ده مش متوفر معايا فقلت اشوفلها جنوط حديد بس مش عارف اجيبهم منين وبكام فياريت لو حد يقدر يفيدنى وهل لو اشتريتهم استيراد اعرف ازاى انهم كويسين وشكرا لكل من يهتم

كنت سالت عليهم عند ابو اسلام فالوكالة من فترة كانو ب 400 جنيه وعايز اعرف اللى عندك مالهم بالظبط علشان فيه واحد بيستعدل الجنوط لو كلت بيهم مطب او حاجة وبيرجعو زى الاول

[wael abbas]

كنت سالت عليهم عند ابو اسلام فالوكالة من فترة كانو ب 400 جنيه وعايز اعرف اللى عندك مالهم بالظبط علشان فيه واحد بيستعدل الجنوط لو كلت بيهم مطب او حاجة وبيرجعو زى الاول

شكرا على ردك يا استاذ منسى بس انا فى اول مشتريت العربية كلت بيهم مطبات كتير وياريت لو ينفعوا يتصلحوا اكون شاكر ليك لو دلتنى على حد وياترى يتكلفوا فى حدود كام

[المنسي]

شكرا على ردك يا استاذ منسى بس انا فى اول مشتريت العربية كلت بيهم مطبات كتير وياريت لو ينفعوا يتصلحوا اكون شاكر ليك لو دلتنى على حد وياترى يتكلفوا فى حدود كام

استعدال الجنوط الحديد ب حوالى من 40 ل 50 الجنط الواحد اما الاسبور بيتكلف 80 جنيه للجنط واللى بيشتغل فى الاستعدال موجودين عند نفق الملك الصالح وفى واحد فى شارع المنيل نفسه انا تعاملت معاه قبل كده كذا مرة وشغله كويس بس اللى يحدد الجنط محتاج استعدال ولا لا بتاع الترصيص لانه هيبان معاه لما يحط الجنط على الجهاز وهيبان طبعا بالنظر لو فى خبطة فى شفة الجنط شوف ولو عايز عنوانه وتليفونه ممكن ابعتهولك على الخاص

[wael abbas]

اكون شاكر لحضرتك لو بعتلى عناونه بالظبط وتليفونه

[ALKareem]

العجلة بي 100 جنية عند اي حد بتاع كاويتش في الحرفيين استيراد بي 80 و ممكن تجيب جنط سبور من الحرفيين استيراد بسعر حلو لف شوية هتلاقي

[aw2100]

بتعرف الجنط الأستعمال كويس بتحطه على جهاز الغربلة فاضى من غير كاوتش ولو معوج بيعمل فى الجهاز غربلة وانصحك لو الظروف كويسة تشترى جنوط 14 سبور استعمال بتوع الجولف او الأبيزا نفس الصرة بتاعة الفليشيا وكانوا معروضين عليا فى الأسكندرية بالكاوتش بريللى مقاس 175/14/60 ب 1000 جنية بس للاسف انا الكاوتش كنت شارية جديد على مقاس 13 فاشتريت جنط استعمال نظيف ب 75 جنية !

[monamize4]

اشتريت جنط استعمال نظيف ب 75 جنية !

ما شاء الله يا باشا ,, شكلك شاطر اوى ف الشرا

[aw2100]

ما شاء الله يا باشا ,, شكلك شاطر اوى ف الشرا

دى ارزاق كنت عند واحد بارصص العربية وهو بيبيع جنوط سبور والله هو قالى انا عندى 4 جنوط سكودا حديد فبريكة كان واحد مجنط عربيته عنده واشتراهم منه الواحد ب50 جنية على كلامه بس اقنعته بالعافيةانى اخد واحد بس للاستبن ب 75 جنية ووافق والله مش شطارة دى صدفة بس انا كنت سائل عليهم الجنط الحديد ب 100 جنية !!