سكودا فليشيا 99 : افيديوني فالتكييف

[yasser dyboo]

بسم الله الرحمن الرحيم
اولا : دلوقتي انا اشتريت العربيه ( من شهر 3) مكنتش بشغل التكييف وبعدين كنت عند كهربائي ولقي الفيوز بناع التكييف بايظ وغيره وجربت التكييف واشتغل كويس كام يوم وبعدين بطلت اشغله فتره مكنتش مهتم بيه بس دلوقتي جيت اشغله تاني مبيشتغلش بيشتغل مروحه بس من غير ما يسقع.....قولت يمكن الفيوز باظ تاني بصيت علي الفيوز سليم شوفت الكتاوت واختبرتها ب12 فولت سليمه قيست عند الكمبورسور لقيت 12 فولت بس الكمبورسور مش بيزن او يعمل اي صوت احس انه شغال ؟
دلوقتي ايه الحل هل الكمبوريسور بايظ ولا عايز يتشحن وهل الكمبريسور لما يشتغل بيطلع زنه او صوت او اي حاجه احس انه شغال ولا هوه موضوع تسريب وانه عايز يتشحن .
ثانيا : لما اجي ادي الغيار و اجي اشيل رجلي من علي الدبرياج بحس بتكه التجميع روحت لميكانيكي ومفهمنيش ومديقاني يا تري ديه من ايه لسه مغير اسطوانه وبليه دبرياج هل التجميع ده جوه الموتور ولا من الفتيس ولا من ايه ؟
شكرااا لكم جميعا

[url=http://nileup.com/up/][img]http://nileup.com/up/uploads/nilemotors_137762892

[yasser dyboo]

http://nileup.com/up/uploads/nilemotors_13776289221.jpg

[sakr_skoda]

بسم الله الرحمن الرحيم
اولا : دلوقتي انا اشتريت العربيه ( من شهر 3) مكنتش بشغل التكييف وبعدين كنت عند كهربائي ولقي الفيوز بناع التكييف بايظ وغيره وجربت التكييف واشتغل كويس كام يوم وبعدين بطلت اشغله فتره مكنتش مهتم بيه بس دلوقتي جيت اشغله تاني مبيشتغلش بيشتغل مروحه بس من غير ما يسقع.....قولت يمكن الفيوز باظ تاني بصيت علي الفيوز سليم شوفت الكتاوت واختبرتها ب12 فولت سليمه قيست عند الكمبورسور لقيت 12 فولت بس الكمبورسور مش بيزن او يعمل اي صوت احس انه شغال ؟
دلوقتي ايه الحل هل الكمبوريسور بايظ ولا عايز يتشحن وهل الكمبريسور لما يشتغل بيطلع زنه او صوت او اي حاجه احس انه شغال ولا هوه موضوع تسريب وانه عايز يتشحن .
ثانيا : لما اجي ادي الغيار و اجي اشيل رجلي من علي الدبرياج بحس بتكه التجميع روحت لميكانيكي ومفهمنيش ومديقاني يا تري ديه من ايه لسه مغير اسطوانه وبليه دبرياج هل التجميع ده جوه الموتور ولا من الفتيس ولا من ايه ؟
شكرااا لكم جميعا

[url=http://nileup.com/up/][img]http://nileup.com/up/uploads/nilemotors_137762892

بخصوص التكييف ممكن تروح لمتخصص يقيس شحن الفيريون للتكييف....*

اما بالنسبة للدبة اللى بتسمعها عن النقل للغيارات وبتبقى تقريبا فى الثانى اوضح من النقلات العليا فد اسبابها كما يلى:-

اولا اكشف على زيت الفتيس....

ثانيا ممكن يكون الديبرياج عالى عاوز يوطى شوية....

ثالثا راجع على كهرباء السيارة والكاربرتير يعنى عند النقل بص على عداد الأر بى ام لو بينزل عن 800لفة يبقى لازم ترفعة شوية....

رابعا خف رجلك على الديبرياج شوية يعنى لما تيجى تنقل ارفع سنة ديبرياج واضغط سنة بنزين بالتوازى كدا الى ان يتم رفع القدم من على دواسة الديبرياج يعن مترفعاش مرة واحد خصوصا فى النقلات الأولى من الول الى الثانى ومن الثانى الى الثالث....

[yasser dyboo]

متشكر جداااا لسرعه ردك يا عم صبحي وطبعا مش جديد عليك :
1- زيت الفتيس انا كشفت عليه والحمد لله كويس
2- متهيالي فعلا ان الدبرياج عاي وعايز انا اوطيه بس مش عارف اربط الصاموله ولا افكها ؟
3- هراجع علي الكهرباء بس متهيالي برضه مظبوطه
4- هعمل كل اللي في رابعا ان شاء الله والف شكر علي النصيحه

[giedo]

انا عايز اقولك حاجه ... أى حد بعد مايغير إسطوانه وديسك بيسمع الدبه دى ... وموش عارف ليه لغايه دلوقتى

[د.محمود صلاح]

شحن فريون في الغالب بعد ما يراجع على التسريب

[mehles]

السلام عليكم
بالنسبة للتكييف محتاج فنى كويس وخصوصا انك مش عارف اذا كان الكمبروسر شغال ولا لا
اما بالنسبة لحكاية التكة بعد الغيار فاسمع نصيحة الاستاذ صبحى وشيل رجلك ببطىء وزود بنزين ببطىء ولو انى شاكك فى الكبالن الداخلية (الصلايب).......الف شكر

[yasser dyboo]

متشكر قوي علي الاهتمام والرد وان شاء الله هروح اكشف علي التكييف وامري الي الله وربنا يرزقني بصنايعي محترم

[Maged_Samy]

بالنسبة لكمبروسر التكييف لما تبص ليه من الجنب بتلاقى جزء ثابت فى الطارة بتاعته واول ما يشتغل الجزء ده بيلف وبتسمع صوت تكه (لما تكون العربية دايرة ) وده اسمه الكلاتش والكمبروسر بيوصله طرف واحد موجب ممكن توصله وتسمع التكة .