نقص مياهالردياتير

[صقر المصرى]

فى مشكله واجهتنى ... ياريت حد يعرف حلها

كنت بزود مياه الردياتير كل اسبوع او عشره ايام وبعمل مشاوير من 70 الى 100 كم يوميا.
من حوالى شهر ابتدت المشكله بعد ما اخدت مطب محترم حسيت ان العربيه اتهبدت فى اﻻرض وبقيت ازود مياه كل يوم. رحت لحد بتاع ردياتير وجد خته فيها صدا ولحمها بس ليه بزود كل يوم ... حد واجه الموضوع ده قبل كده ولكم الشكر

[jojoamr]

راجع على دورة التبريد كلها من اول القربة ممكن تكوت اتشرخت او الخراطيم او طرمبة الميه وممكن يكون الغطا بتاع القربة بينفس راجع عليهم كلهم ... انا حصل معايا كدة قبل كدة بس كان العيب طرمبة الميه بتسرب

[Amrorshwan]

نفس العيب كان عندى - طرمبة المياه بتسرب - بس باردو راجع الخراطيم الاول لعل يكون هناك خرطوم بيسرب مية

[sakr_skoda]

انا فاكر انى رديت على الموضوع دا!!!!!!!!!!!!!!!!!!!!!!!!!حد يفكرنى............

باختصار راجع على ماسورة الشجرة احتمال كبير تكون انكسرت من المطب لأنه فى اوطى منطقة فى السيارة وحدث معى بالفعل وشوف برضا كدا انا رديت فين ياجدعاااااااااااااااااااان....*

[ابوابراهيم323]

طيب عاوزين نعرف الطبيعى بتاع زياده المياه كل كام كيلو تقريبا

[المنسي]

طيب عاوزين نعرف الطبيعى بتاع زياده المياه كل كام كيلو تقريبا

لو بتحط مية حنفية هتزودها كل بومين شوية او كل اسبوع نصف لتر مثلا انما لو حاطط مية خضرا ممكن تزودها كل شهر بمايعادل كوباية مية
وعايزا اقول حاجة مهمة الكلام ده لو دورة التبريد مفيهاش تسريب وحاجة كمان اهم الاوهى انى مية الحنفية الاملاح اللى فيها بتاكل فى البلوكة من جوة والمية الخضرا بتحافظ عليها بفضل مكوناتها


ملحوظة ربنا يخلى كلامنا خفيف على اللى بيحط مية حنفية

[sakr_skoda]

لو بتحط مية حنفية هتزودها كل بومين شوية او كل اسبوع نصف لتر مثلا انما لو حاطط مية خضرا ممكن تزودها كل شهر بمايعادل كوباية مية
وعايزا اقول حاجة مهمة الكلام ده لو دورة التبريد مفيهاش تسريب وحاجة كمان اهم الاوهى انى مية الحنفية الاملاح اللى فيها بتاكل فى البلوكة من جوة والمية الخضرا بتحافظ عليها بفضل مكوناتها


ملحوظة ربنا يخلى كلامنا خفيف على اللى بيحط مية حنفية

صدق الله العظيم........*

[aw2100]

المفروض لو العربية موتورها متعمر وجوان وش السلندر والوش 10/10 و لو حاطط مية حمراء تركيزها لايقل عن 33% ومفيش تسريب من الخراطيم وغطاء القربة جديد ما تحتجش تزودش مية الرادياتير غير كل كام شهر خصوصا فى الشتاء لكن بالنسبة للمواتير بتاعتنا العجوزة ممكن تزود 1/4 لتر مية كل شهر
طبعا لو حاطط مية الحنفية ربنا معاك ؟؟؟

[ابوابراهيم323]

ملحوظة ربنا يخلى كلامنا خفيف على اللى بيحط مية حنفية

يا نهار ابيض
طيب ايه العمل
انا بحط مياه من الفلتر بتاع الميه


ومن اربع شهور زودت اربع مرات او خمسه == مشوايرى قليله

ينفع دلوقتى اغير واضع مياه خضراء او حمراء طالما بتغيب انا فكرتها بتخلص ذى العادية

بس حينفع الموضوع ده ولا خلاص مش نافع

وهل فعلا مياه التكيف اللى بتنزل من الخرطوم بتاعه دى كويسة ؟؟؟

[mehles]

يا نهار ابيض
طيب ايه العمل
انا بحط مياه من الفلتر بتاع الميه


ومن اربع شهور زودت اربع مرات او خمسه == مشوايرى قليله

ينفع دلوقتى اغير واضع مياه خضراء او حمراء طالما بتغيب انا فكرتها بتخلص ذى العادية

بس حينفع الموضوع ده ولا خلاص مش نافع

وهل فعلا مياه التكيف اللى بتنزل من الخرطوم بتاعه دى كويسة ؟؟؟

السلام عليكم...........مياه التكييف مقطرة ناتجة عن تكثف بخار الماء الموجود فى الجو على الاسطح الباردة للمكيف وبالتالى فهى بدون املاح وصالحة جدا للراداتير وانصحك بتفريغ مياه الراداتير تماما ووضع جركن مياه خضرا نوع محترم (ابرو مثلا) وتكمل بماء المكيف وتزود منه بعد كده ...........الف شكر

[islamagdi]

احتمال كبير زي ما الاستاذ صبحي قال . انا حصل معايا كده شوف الوصلة اللي جاية من الموتور للرديتير من تحت . هي عاملة زي الشجرة هتفك العمة هتلقي خرطوم صغير فوق وواحد تحته صغير فكهم الاثنين وهتلاقي خرطوم كبير راكب ف الموتور من تحت هتفكه و خرطوم ف الراديتير تحت شمال فكه هتلاقى معاك شجرة كده راجع عليها حته حته وخد بالك مكان ربط الافيز من التقريط عليه بيقطع الخرطوم . وخد بالك عشان انا ف مرة من غير ما احس فضت الميه كله وجابت جوان وش سلندر .

[المنسي]

يا نهار ابيض
طيب ايه العمل
انا بحط مياه من الفلتر بتاع الميه


ومن اربع شهور زودت اربع مرات او خمسه == مشوايرى قليله

ينفع دلوقتى اغير واضع مياه خضراء او حمراء طالما بتغيب انا فكرتها بتخلص ذى العادية

بس حينفع الموضوع ده ولا خلاص مش نافع

وهل فعلا مياه التكيف اللى بتنزل من الخرطوم بتاعه دى كويسة ؟؟؟

متقلقش اهم حاجة ان ميكونش فى تسريب علشان ماتدفعش فلوس على الارض فى المية الخضرا وخد فبالك ان الفكرة ان درجة غليان المية الخضرا بتوثل لدرجة عالية فعشان كده نسبة التبخر بتاعتها اقل من المية العادية وكمان تبريدها للموتور افضل من مية الحنفية وكل اللى فات كوم وانها بتحافظ على البلوكة نفسها ومية التكييف تنفع بردو بس لازم تحط الكانز الابرو عليها