المارش

[ابوابراهيم323]

السلام عليكم ورحمة الله وبركاته
فيه مشكلة ظهرت اليوم
العربية مش بتلقط فى الدواره الا بعد نصف ساعة مثلا
وصوت حاجة بتفوت
اتصلت على كهربائى قال لى ده ترس المارش الكلام ده مظبوط ؟؟؟

كانت بتغيب فى الدوارة بس كانت بتلقط بعد 10 مرات مثلا
دلوقتى صوت تفويت ولا استجابة
هو مارش ولا ترس ولا ايه بالظبط

سعر الترس جديد كام
وسعر المارش جديد كله كام

[أحمد جودة]

واضح كدة فيه مشكلة فى المارش وعلشان تتاكد دورالعربية زق أفتح كونتاكت سنة واحدة وهات الغيار الثاني وخلي حد يزق العربية لما تمشي شوية شيل رجلك من على الدبرياج مرة واحدة وزود بنزين لحد ما العربية تمسك نفسها واعتقد حضرتك عامل موضوع عن الـ rpm انه واطي والعربية بتبطل وهتروح لحد ينضف الكاربيراتير ......... بعد نضافة الكاربيراتير حد يظبطلك كهربة العربية ويظبط السلانسية وبالتوفيق


وبالنسبة للمارش متستعجلش يمكن حاجة بسيطة المهم يكون كهربائي كويس يشوف ترس المارش وابقي طمنا عملت اية

[أحمد جودة]

سؤال ع السريع هوة حضرتك بتقرص على المارش وانتا بتدور العربية ......... اعتقد ممكن بيحصل كدة وممكن العربية بتكون بتحاول تدور وانتا متعافي على المارش وبتسمع صوت زاعقة المارش والعربية بتدور

[sakr_skoda]

وعليكم السلام ورحمة الله وبركاته

اللى انا عاوزه منك انك تفتح الكبود وحد تانى يركب يدور العربية وبص على طمبوبرة الدينمو لو اتحركت عند بداء الادارة والعربية مادرتش يبقى المارش سليم 100% لأن المرش مسؤليتة تحريك الموتور من خلال ترس الحدافة اللى بينقل الحركة للموتور لبداء ادارة المحرك فلو اثناء الادارة شفت سير الدينمو اتحرك يبقى المارش معذور وليس هو السبب شفلك سبب تانى....

واحنا ردينا على موضوع عداد الأر بى ام عاوزين نعرف حضرتك عملت ايه لأن كهربة العربية لو واطية والسلانسية مقفول بيعمل الحوارات دى....

ياريت تتابع معانا وترد علينا علشان نعرف نساعدك....

[Maged_Samy]

لو صوت تفويت وطنبورة الدينامو مش بتتحرك زى ما قالك الاستاذ / صبحى
يبقى ترس البندكس حصل فيه تاكل وده سعرة فى نوع ب 100 جنيه تركى ونوع ب 220 جنيه الاصلى وتركيبة سهل جداً وحاول تغيره بسرعة علشان ده بيبوظ ترس الفلام وتضطر لفك الفتيس كله .

[saddam]

صديقي المواطن
حتفك المارش وتوديه لورشة ميمي في الجيزة جنب مستشفى أم المصريين حيراجع على المارش ويصلحه بالكامل وعنده قطع غيار وكمان ممكن يديك واحد إستيراد من 200 إلى 300 جنيه ودمتم للنضال

[ابوابراهيم323]

الكهربائى أتى عندى للبيت وفك المارش واخذه الورشه وهو اللى حيجيب الترس
البشمهندس احمد كلمته فى التليفون قال فيه نوعين
بطىء وسريع
والاسعار 75 و 120 ومنتظر غدا التركيب اما ارجع من الشغل وعلى طول ان شاء الله اروح للكرابراتير

[ابوابراهيم323]

تم شراء ترس فيكا تركى سريع وتم التركيب والحمد لله اول مره احس ان العربيه بتدور بسهولة
غدا ان شاء الله جرى عند بتاع الكربراتير وبالمره نشوف موضوع الميه الخضراء
هى بتكون فى محطات البنزين ولا فين

[أحمد جودة]

تم شراء ترس فيكا تركى سريع وتم التركيب والحمد لله اول مره احس ان العربيه بتدور بسهولة
غدا ان شاء الله جرى عند بتاع الكربراتير وبالمره نشوف موضوع الميه الخضراء
هى بتكون فى محطات البنزين ولا فين

الله ينور يا باشا ومنتظرين النتيحة بعد ظبط الكاربراتير وظبط الكهربا

الماية الخضرا بتكون فى محطات البنزين توتال او شل او اى محطة كبيرة

[ابوابراهيم323]

الله ينور يا باشا ومنتظرين النتيحة بعد ظبط الكاربراتير وظبط الكهربا

الماية الخضرا بتكون فى محطات البنزين توتال او شل او اى محطة كبيرة

الله يكرمك يا بشمهندس
والله لسه راجع من عند الكربراتير
هو فكه ونضفه ولقى مسمارين صغيرين كده مسدودين مش عارف اسمهم بكه ولا ايه
وكان السمكرى جارى اعطانى اسبراى للتنظيف ولكنه رفض ينظفه بيه وقال يأثر عليه
وده سؤال هل الكلام ده صح فعلا المهم نظفه وركبه ومش عارف ليه قلل السلانسية هو فعلا صوت الماتور بقى هادى بس للاسف العربيه بطلت منى بعد ما مشيت من عنده
بس السحب بقى حلو وبالاخص فى التانى لقيت العربيه بتسحب حلو جدا المهم كلمته قال روح لميكانيكى يظبط الكهرباء ( يعليها شويه علشان تكون مناسبه مع الكرابرتير )
رحت لميكانيكى جنبى وحكيت له على الموضوع زعل وقال انت بتروح لناس من غير العربيه متكون محتاجة
المهم معرفش عمل ايه على السلانسية شوية وبقى بين الخمسه والعشرة
اللى انا ملاحظة فعلا بقى حلو فى الموضوع ده صوت المارش اصبح حميل وسريع فعلا منتظر اشوف بكره ان شاء الله الصبح حتدور على طول ولا ايه الموضوع بالظبط

ضرورى عاوز تعقيب على اللى حصل من الاخوة الاكارم
وكل الشكر لكم

[sakr_skoda]

الله يكرمك يا بشمهندس
والله لسه راجع من عند الكربراتير
هو فكه ونضفه ولقى مسمارين صغيرين كده مسدودين مش عارف اسمهم بكه ولا ايه
وكان السمكرى جارى اعطانى اسبراى للتنظيف ولكنه رفض ينظفه بيه وقال يأثر عليه
وده سؤال هل الكلام ده صح فعلا المهم نظفه وركبه ومش عارف ليه قلل السلانسية هو فعلا صوت الماتور بقى هادى بس للاسف العربيه بطلت منى بعد ما مشيت من عنده
بس السحب بقى حلو وبالاخص فى التانى لقيت العربيه بتسحب حلو جدا المهم كلمته قال روح لميكانيكى يظبط الكهرباء ( يعليها شويه علشان تكون مناسبه مع الكرابرتير )
رحت لميكانيكى جنبى وحكيت له على الموضوع زعل وقال انت بتروح لناس من غير العربيه متكون محتاجة
المهم معرفش عمل ايه على السلانسية شوية وبقى بين الخمسه والعشرة
اللى انا ملاحظة فعلا بقى حلو فى الموضوع ده صوت المارش اصبح حميل وسريع فعلا منتظر اشوف بكره ان شاء الله الصبح حتدور على طول ولا ايه الموضوع بالظبط

ضرورى عاوز تعقيب على اللى حصل من الاخوة الاكارم
وكل الشكر لكم

يعنى حضرتك لو قريت الدرس ال 14 من سلسلة علم نفسك كنت وفرت على نفسك كتير!!!!!!!!!!!!!

[ابوابراهيم323]

يا استاذنا الفاضل انت بتكلم واحد بيعرف الفرامل من البنزين من 3 شهور بالظبط
كمان فيه حاجة انا بصيت كويس جدا على المفاتيح والمفكات اللى عنده دى لوحدها مشكلة اجيبها منين
واحده واحده ان شاء الله اعمل كل حاجه بأيدى
بس حضرتك لم تجاوب على سؤال التنظيف الاسبراى

[sakr_skoda]

يا استاذنا الفاضل انت بتكلم واحد بيعرف الفرامل من البنزين من 3 شهور بالظبط
كمان فيه حاجة انا بصيت كويس جدا على المفاتيح والمفكات اللى عنده دى لوحدها مشكلة اجيبها منين
واحده واحده ان شاء الله اعمل كل حاجه بأيدى
بس حضرتك لم تجاوب على سؤال التنظيف الاسبراى

حاضر سأٌجيب عن سؤالك....

بالنسبة للى حضرتك بتقول عنهم دول اسمهم بيكات ودى نظامها زى الفونية كدا هى اللى بتتحكم فى كمية البنزين الداخل الى غرف الاحتراق(الحقن) ودى بتتنظف باسبرى خاص بيها اسمة abro انما ممكن يينظف بال wd40 عادى يعنى وممكن نسلكهم بسلك رفيع يعنى كل سبل التسليك متاجة معرفش لية الدكتور امتنع عن تسليك بالمادة اللى جابها السمكرى يمكن خاف البكات تنكمش من قوة المادة!!!!!!!!!!!!!!

[aw2100]

ممكن ياعم صبحى تكون مادة تنظيف تانية مش wd40
وعموما مبروك على تنظيف الكاربراتير وحاول تغير فلتر البنزين كل مايسود او كل 3 شهور وده علشان تمنع الوساخة اللى فى البنزين تسد لك الكاربراتير تانى وخصوصا لو بتحطلها بنزين 80 تحياتى !!