اهتزاز السيارة للامام وللخلف

[ابوابراهيم323]

السلام عليكم ورحمة الله وبركاته
انا تعبت ونفسيتى تعبت اليوم
بعد ما رحت نظفت الكربراتير ومش عارف حصل ايه
اهتزاز العربيه للامام وللخلف عند النقل من الاول للتانى ومن التانى للتالت
وانا على الاول بتبطل منى
بس للامانة اصبحت بتدور الصبح بعد مرة او اتنين بس الموضوع بتاع الاهتزاز ده كنت تعرضت له من قبل وغيرت البوجيهات
رحت لمركز صيانة بجوارى يشوف فيه ايه
طلع بوجيه لى مسود وقال لى الماتور عندك خفيف ومهما تعمل حتلاقى البوجيهات كده على طول
قلت له الحل قال لى عمره ماتور لو انت ناوى تخلى العربيه عندك


ايه بقى الموضوع ده ؟
ولا الراجل ده بيشتغلنى ؟
واذاى اعرف فعلا ان الماتور عاوز عمره وايه موضوع اهتزاز السيارة للامام وللخلف واسوداد البوجيهات مع انى لسه شاريها غاليه ب 100 ج

انا تعبت يا جماعة ونفسيتى تعبت
ولو فعلا عمره ماتور تكلف كام

[sakr_skoda]

طيب بعد ما عملت الكاربرتير لابد ان تذهب للميكانيكى يظبط الكهرباء والهوا بتاع العربية لأن مشكلتك ان الكهربا ماخرة شويتين ويسلام لو تعملها بنفسك الواحد بجد ريقة نشف معاك نفسى اسمع انك عملتها بنفسك شوف الدرس ال 14 من سلسلة علم نفسك حتلاقى فيه العلاج الوافى الشافى لفليشتك والموضوع كلة مفتاح 10

http://www.nilemotors.net/Nile/339710-a.html

[ابوابراهيم323]

المشكله انى رحت لميكانيكى على طول بس للاسف معرفش عمل ايه وانا اصلا كنت ناوى اغيره بس لانه جنب البيت رحت عليه على طول ومش بيرضى يقول هو عمل ايه
قمت رحت لمركز صيانه برده جنب البيت هو اللى قال على موضوع العمره دى
انا تعبت والله
بس على فكرة انا مش حعرف اعمل الموضوع اللى فى الشرح ده

[أحمد جودة]

المشكله انى رحت لميكانيكى على طول بس للاسف معرفش عمل ايه وانا اصلا كنت ناوى اغيره بس لانه جنب البيت رحت عليه على طول ومش بيرضى يقول هو عمل ايه
قمت رحت لمركز صيانه برده جنب البيت هو اللى قال على موضوع العمره دى
انا تعبت والله
بس على فكرة انا مش حعرف اعمل الموضوع اللى فى الشرح ده

ياباشا عادي هية العربيات كدة

هل العربية عندك فيها دخنة أو بتاكل زيت لو الاجابة نعم يبقي أنا شايف أنك تمشي بيها عادي لحد ماتظبط نفسك من الناحية المادية وسقط موتور إستيراد افضل من العمرة 100 مرة العمرة تكلفة ووقت ومجهود وفى النهاية نتيجة مش مضمونة وغير مرضية ....... بص تهبيب البوجيهات دة تعايش معاة طالما العربية دايرة ومفيش مشكلة ........ يا استاذ ابراهيم زي ما عم صبحي قاللك اتعلم تعمل الحاجات البسيطة دي بنفسة ولتاني مرة هقولك انا كنت زي حضرتك كدة فى الاول لما افتح الكبود ببقي تايه ومش عارف اية اللي قدامي دة وواحدة واحدة اتعرفت على كل حاجة وعرفت فين مسمار السلانسية والهوا واتعلمت اظبط الكهربا بنفسي وافتكر فى يوم من الايام كنت ماشي ومعايا اهلي بالليل والسلانية وطي مرة واحدة والعربية تبطل واتبهدلت على ماروحت للميكانيكي ظبط الكهرباء لحد ماقررت اتعلم اعمل الحاجات دي ...... والحمد لله كل المواقف اللى اتعرضت لها قدرت اتصرف واصلح العربية بنفسي وأكمل مشواري ........ احنا هدفنا هنا فى المنتدي تبادل الخبرات وان كل واحد يعمل صيانة عربيتة بنفسة قدر المستطاع ....... هقولك على حاجة فك واتعلم وااعمل كل حجاة بايدك هتلاقي نفسك حبيت العربية متخافش خليك جريء مش هيحصل حاجة ان شاء الله ....... معلش طولت ..... نرجع للموضوع أنا عاوزك الاول تظبط الكهربا والسلانسية وبعد كدة تشوف النتيجة اكيد الرجرجة دي هتختفي ان شاء الله ..... راجع درس عم صبحي ظبط الكهربا والموضوع سهل وبسيط وتظبط السلانسية ونشوف النتيجة ........ تحياتي

[المنسي]

الرجرجة اللى عندك محتاج تظبط كهرباء انما موضوع العمرة ده هيبان اكتر كمان لما تيجي تدور الصبح العربية هتدوخك على ماتدور ولما تفك البوجيهات هتلاقيها معرقة زيت وكمان دخنة بيضاء من الشكمان

[ابوابراهيم323]

اخيرا عثرت على ميكانيكى
بعد دوخة رحت لواحد قال انا متخصص فى اليابانى والكورى بس بجد انا احترمته وعنده ما شاء الله طابور واقف امام الورشة
سألت لحد ما شخص قال لى على واحد بيفهم وبقاله عشرين سنه
رحت وحكيت معاه على موضوع الكاربراتير قال لى يعتبر معملش معاك حاجة فى الكرابراتير وحنشوف موضوع الماتور ده وضع ايده على الشكمان من الخلف ولاقها سوداء قال الموضوع ده موضوع بنزين وطلب منى افول مره وامشى مسافه كبيرة اكثر من 100 كيلو واحسب استهلاك البنزين علشان يقرر ايه مشكلة البنزين بالظبط
وعرفته موضوع الرجه للامام وللخلف قام راح معلى الكهرباء شوية وقال شوف حتعمل معاك ايه ولنا لقاء اخر

اجمل ما فى الموضوع انه بيقعد يفهم الواحد ايه المشكلة وحلها ايه
وفى الاخر اخذ خمسه جنيه فقط

ان شاء الله عندى سفر غدا والعودة يوم الاحد ونشوف حنعمل ايه
دعواتكم

[المنسي]

اخيرا عثرت على ميكانيكى
بعد دوخة رحت لواحد قال انا متخصص فى اليابانى والكورى بس بجد انا احترمته وعنده ما شاء الله طابور واقف امام الورشة
سألت لحد ما شخص قال لى على واحد بيفهم وبقاله عشرين سنه
رحت وحكيت معاه على موضوع الكاربراتير قال لى يعتبر معملش معاك حاجة فى الكرابراتير وحنشوف موضوع الماتور ده وضع ايده على الشكمان من الخلف ولاقها سوداء قال الموضوع ده موضوع بنزين وطلب منى افول مره وامشى مسافه كبيرة اكثر من 100 كيلو واحسب استهلاك البنزين علشان يقرر ايه مشكلة البنزين بالظبط
وعرفته موضوع الرجه للامام وللخلف قام راح معلى الكهرباء شوية وقال شوف حتعمل معاك ايه ولنا لقاء اخر

اجمل ما فى الموضوع انه بيقعد يفهم الواحد ايه المشكلة وحلها ايه
وفى الاخر اخذ خمسه جنيه فقط

ان شاء الله عندى سفر غدا والعودة يوم الاحد ونشوف حنعمل ايه
دعواتكم

ربنا معاك وتروح وترجع بالسلامة ونصيحة منى مادام مسافر يبقى اول ماتستلم الطريق تكون مفول العربية وتمشى مسافة وليكن مثلا 100 كيلو واقرب بنزينة وتفول تانى وتشوف العربية هتاخد اد ايه بنزين لحد ماتفول تانى وتقسم عدد الكيلوهات المقطوعة على عدد اللترات اللى انت حطيتها تانى هيطلعلك استهلاك البنزين اد ايه

[EngAhmedSayed]

ممكن حضرتك تفهمنى اهتزاز من الامام و الخلف
من الامام دة ممكن يكون راجع من عدم ضبط الموتور كا كهربا و ميكانيكا
اما من
الخلف مش فاهم و ممكن توضحلنا
ربك المستعان

[ابوابراهيم323]

عدنا بحمد الله من السفر والسيارة كانت اكثر من رائعة ورفعت رأسى أمام الناس
ماشاء الله استطعت التفوق فى السرعة على ميتسوبيشى 2103 بس ده اخويا وحمولته كانت كبيرة وهو مرديش يزعلنى (:
وهيونداى اكسنت 2003 وده بقى كان نفسه يسبقنى ولكن الحمد لله مقدرش طبعا ميمنعش ان انا تهورت شويه فى المطبات وفى السرعه بس كنت مستمتع لانكم عارفين الراجل بتاع مركز الصيانة كان سد نفسى عن العربيه بس بعد ظبط الكهرباء ما شاء الله حاسس ان انا عندى عربية

انا عملت كده حوالى 200 كيلو حروح افول تانى ونشوف حساب البنزين

[sakr_skoda]

عدنا بحمد الله من السفر والسيارة كانت اكثر من رائعة ورفعت رأسى أمام الناس
ماشاء الله استطعت التفوق فى السرعة على ميتسوبيشى 2103 بس ده اخويا وحمولته كانت كبيرة وهو مرديش يزعلنى (:
وهيونداى اكسنت 2003 وده بقى كان نفسه يسبقنى ولكن الحمد لله مقدرش طبعا ميمنعش ان انا تهورت شويه فى المطبات وفى السرعه بس كنت مستمتع لانكم عارفين الراجل بتاع مركز الصيانة كان سد نفسى عن العربيه بس بعد ظبط الكهرباء ما شاء الله حاسس ان انا عندى عربية

انا عملت كده حوالى 200 كيلو حروح افول تانى ونشوف حساب البنزين

بسم الله مشاء الله ربنا يحفظلك فليشتك ويبارك للك وفيك
........

[mohamedadelemam]

بالتوفيق ان شاء الله .. العربيات الاوروبى عموما ضبط الكهربا والكبربيراتير على الشعره عمليه مش سهله ومحتاجه تتجرب كذا مره وبعد كدا يتسجل عدد فتحات مسمار ظبط الخليط ومستوى العوامه وخلوص البوجيهات اللى متعملش دخنه وفى نفس الوقت متقطعش وضبط الاسبيراتير على توقيت شراره مظبوط ويتعلم عليها بقلم الوان كل دا عشان لو حضرتك فكيت تانى متحتاجش تظبط كل دا تانى وعموما لو اتظبطت تمام حضرتك هتحس انها عربيه زيرو وممتعه جدا وربنا يبارك لحضرتك فيها

[المنسي]

عدنا بحمد الله من السفر والسيارة كانت اكثر من رائعة ورفعت رأسى أمام الناس
ماشاء الله استطعت التفوق فى السرعة على ميتسوبيشى 2103 بس ده اخويا وحمولته كانت كبيرة وهو مرديش يزعلنى (:
وهيونداى اكسنت 2003 وده بقى كان نفسه يسبقنى ولكن الحمد لله مقدرش طبعا ميمنعش ان انا تهورت شويه فى المطبات وفى السرعه بس كنت مستمتع لانكم عارفين الراجل بتاع مركز الصيانة كان سد نفسى عن العربيه بس بعد ظبط الكهرباء ما شاء الله حاسس ان انا عندى عربية

انا عملت كده حوالى 200 كيلو حروح افول تانى ونشوف حساب البنزين

منتظرين حساب البنزين

[ابوابراهيم323]

ربنا معاك وتروح وترجع بالسلامة ونصيحة منى مادام مسافر يبقى اول ماتستلم الطريق تكون مفول العربية وتمشى مسافة وليكن مثلا 100 كيلو واقرب بنزينة وتفول تانى وتشوف العربية هتاخد اد ايه بنزين لحد ماتفول تانى وتقسم عدد الكيلوهات المقطوعة على عدد اللترات اللى انت حطيتها تانى هيطلعلك استهلاك البنزين اد ايه

فولت اليوم
عدد الكيلو متر المقطوعه 206
عدد اللترات 27


عاوز اعرف كده الاستهلاك كويس ولا فيه مشكلة
مع العلم كان هناك حوالى 80 كيلو السرعه لم اتجاوز النقل التانى او الثالث بسب الزحمة والمطبات ونوعيه الارض فى البلد

[أحمد جودة]

فولت اليوم
عدد الكيلو متر المقطوعه 206
عدد اللترات 27


عاوز اعرف كده الاستهلاك كويس ولا فيه مشكلة
مع العلم كان هناك حوالى 80 كيلو السرعه لم اتجاوز النقل التانى او الثالث بسب الزحمة والمطبات ونوعيه الارض فى البلد

يبقي كدة العربية أخدت 27 لتر فى مسافة 206 كم
206 ÷ 27 = 7.6 يبقي العربية بتمشي بــ لتر بنزين لكل 7.5 كيلو تقريباً

كدة بردو الاستهلاك يعتبر زيادة بس على كلام حضرتك 80 كيلو العربية ماشية على أقل من الغيار الرابع أى السرعة لم تتجاوز الــ 70
وكمان متنساش الحمولة فى العربية معاك كام واحد فى العربية ومحتويات الشنطة وطبيعة الارض وإتجهاة الهواء أعتقد هيا الفليشيا فى الزحمة بتستهلك كتير انما فى الطرق السريعة استهلاك معقولة

وانصحك لو تقدر تعمل مشوار بتاع 100 كيلو على سرعة مابين 90 الى 100 كم/س

تقبل تحياتي

[aw2100]

فولت اليوم
عدد الكيلو متر المقطوعه 206
عدد اللترات 27


عاوز اعرف كده الاستهلاك كويس ولا فيه مشكلة
مع العلم كان هناك حوالى 80 كيلو السرعه لم اتجاوز النقل التانى او الثالث بسب الزحمة والمطبات ونوعيه الارض فى البلد

معدل الأستهلاك ده معقول وخصوصا لو فى الزحمة ممكن تحرق 5 لتر فى 5ك
وفيه حاجة كمان انا لاحظت من 6 شهور ان البنزينة بتفول عدد لترات ازيد من الحقيقي بمعنى أخر تفويلة لعربيتى كانت 45 لتر وده رغم ان كان فى التانك حوالى 10 لتر ولمبة البنزين بتنور على 5 لتر كانت مطفية يعنى بالحسبة دى سعة التانك 57 لتر رغم ان الواقع تانك الفليشيا 47 لتر ؟؟؟
سرقة ياباشا المحطات بتسرقنا وتغالط فى حساب البنزين يعنى اللتر بيفوله 0.9 لتر ولاحظت ده فى اكتر من بنزينة وده بالنسبة للبنزين ال 80 و ال 90 لكن لما بافول 92 بيبقى الحساب مظبوط وربنا يعدل الميله !!!