مشكلة عصاية الفتيس

[zizosobh]

السلام عليكم ورحمة الله وبركاته
انا عندى مشكلة فى عصاية الفتيس وانا بأدى غيار راحت العصاية حدفت يمين والمارشلية مش بييجى المهم رحت للميكانيكى ربطلى مسمار 13 والعصاية اتعدلت وبعد شوية أصبحت الغيارات بتيجى بصعوبة وبعدها العصاية حدفت يمين تانى رحت للميكانيكى قاللى العربية عايزه عصاية فتيس كاملة بالعمودين لأن الحشو متاكل وكمان المكان اللي نتتحرك عليه بلية العصاية متاكل فأنا مش عارف أعمل ايه ويا ترى سعر العصاية كاملة يعمل كام
أفيدونى لو سمحتم

[sakr_skoda]

وعليكم السلام ورحمة الله وبركاته
بص انا حااحكيلك ازاى تتخلص من المشكلة دى بس بشرط تعملها بنفسك:

خلى العربة على المور يعنى العصاية فى النص وانزل تحت العربية وروح عند نهاية الزراع من ناحية الفتيس حتلاقى مسمار 13 هويه شوية وامسك العامود الطويل بايدك علشان ميحركش العصايا وحرق على المسمار ال13 جامد جدا وشوف كدا بس حرق جامد ....

دى مشكلة بسيطة نبحلها واحنا مسافرين على الطريق وحصلت معايا نفس المشكلة وساعتها نزلت وعمل الموضوع والحمد الله وفى ميكانيكيا قالو الضفدعة بتاعة الفتيس وناس تقول معلقة الفتيس اهو كلام وسلام بس على ميييييييييييين هههههههههههه....

[zizosobh]

أشكرك أستاذي العزيز/ صقر هاجرب بكرة انشاء الله وأقول لحضرتك النتيجة

[zizosobh]

أشكرك أستاذي العزيز/ صقر هاجرب بكرة انشاء الله وأقول لحضرتك النتيجة

[zizosobh]

استاذ /صبحى
انا اسف للتأخير أنا لما نزلت تحت العربية وفكيت مسمار 13 اللى تحت العصاية مباشرة ورابط العصاية بالعامود اللى رايح الفتيس لقيت الكاوتشة (مش عارف اسمها) اللى ماسكاهم ببعض لقيتها مقطوعة
واحد صاحبى عنده خلفيه عن الميكانيكا قلى هنربطها بحزام أو سلكة وانساها . المهم ربطها ومشيت بيها مشوار وشغالة كويس بس الواحد قلقان بعد شوية تندل معاية
ياريت حضرتك تكون فهمتنى وانشاء الله تدلنى هل الكاوتشة دى موجود منها. ولو مش موجودة اية الحل . وشكرا لحضرتك

[sakr_skoda]

استاذ /صبحى
انا اسف للتأخير أنا لما نزلت تحت العربية وفكيت مسمار 13 اللى تحت العصاية مباشرة ورابط العصاية بالعامود اللى رايح الفتيس لقيت الكاوتشة (مش عارف اسمها) اللى ماسكاهم ببعض لقيتها مقطوعة
واحد صاحبى عنده خلفيه عن الميكانيكا قلى هنربطها بحزام أو سلكة وانساها . المهم ربطها ومشيت بيها مشوار وشغالة كويس بس الواحد قلقان بعد شوية تندل معاية
ياريت حضرتك تكون فهمتنى وإن شاء الله تدلنى هل الكاوتشة دى موجود منها. ولو مش موجودة اية الحل . وشكرا لحضرتك

لا داعى للقلق دى جوان كاوتش ودا مش ماسك حاجة دا بس علشان امتصاص الزبزبات الواردة من الفتيس وعدم الاحساس بها فى عصاية الفتيس هى كدا بتبقى مقطوعه من الخارج لاكن من الداخل قائمة بعملها فهى عبارة عن غلاف مطاطى حول الاكس اللى ماسك الضفدعة (المفصلة)....

[zizosobh]

شكرا جزيلا استاذ / صبحى
طيب أنا عاوز أعرف ايه اللى يخلي بيضة العصاية تهرب من مكانها (تملص) بلغة الميكانيكية

[sakr_skoda]

شكرا جزيلا استاذ / صبحى
طيب أنا عاوز أعرف ايه اللى يخلي بيضة العصاية تهرب من مكانها (تملص) بلغة الميكانيكية

لو الاكس اللى هو مغلف بالكاوتشة يسقط وعلى فكرة انا لاحظت عندى ان الكس دا بداء يهوى وبيحاول يهرب فشلتة وجبت مسمار 17 وربطة مكانها اى نعم هو تعبنى بس اخدة بالمسايسة بالمفتاح سنة سنة لحد لما خرج من الناحية التانية ومسك حديد ومن ساعتها مفكرتش ابص عليه لنى من طريقة ربطة لايمكن ان يملص....*