فرامل الفليشيا

[romany_ac]

السلام عليكم
عندى مشكلة ظهرت انهاردة وهى ان الفرامل بتهرب فجاة وترجع تظبط تانى وكالعادة عايز رايكم قبل ماروح للصنايعى وللعلم الزيت مظبوط ومتغير من حوالى شهر
وشكرا

[ha elshorbagy]

الفرامل واطية معاك ؟؟
شوف الخرطيم بتاعة الفرامل ممكن لو منفخة كدة غيرها بالنسبة الى قدام ممكن الكوتش ياكل الخرطيم بالنسبة للخرطيم الى ورة ممكن مع الوقت تنفخ كدة
او
تعرف تاخذ هواء من الماستر نفسة وبعد كدة من كل عجلة

[saddam]

صديقي المواطن
طقم إصلاح ماستر فرامل عمومي أما ماسترات العجل فمبتعملش كده إلا لو نقصت معاك زيت
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[medo_msa]

غير الماستر العمومي بواحد استيراد ..او ركب طقم اصلاح بس شويه وهيرجع يعمل نفس الحركه

[المنسي]

ماستر فرامل عمومى محتاج يتغير

[sakr_skoda]

الفرامل واطية معاك ؟؟
شوف الخرطيم بتاعة الفرامل ممكن لو منفخة كدة غيرها بالنسبة الى قدام ممكن الكوتش ياكل الخرطيم بالنسبة للخرطيم الى ورة ممكن مع الوقت تنفخ كدة
او
تعرف تاخذ هواء من الماستر نفسة وبعد كدة من كل عجلة

اول مرة اعرف ان فيه خراطيم فرامل للعجل الخلفى ....* وبرضوا اول مرة بجد اعرف ان الخراطيم ممكن تنفخ؟؟؟؟؟؟؟؟؟؟؟!!!!!!!!!!!

على فكرة ممكن تكون المشكلة مشكلة هواء فى دورة الفرامل ودا بيظهر لو الفرامل ممسكتش معاك من اول ضغطة يعنى بتحتاج للضغط عليه مرتان وفى الثالثة تمسك يبقى دى هواء فى دورة الفرامل ....

[ha elshorbagy]

اول مرة اعرف ان فيه خراطيم فرامل للعجل الخلفى ....* وبرضوا اول مرة بجد اعرف ان الخراطيم ممكن تنفخ؟؟؟؟؟؟؟؟؟؟؟!!!!!!!!!!!

على فكرة ممكن تكون المشكلة مشكلة هواء فى دورة الفرامل ودا بيظهر لو الفرامل ممسكتش معاك من اول ضغطة يعنى بتحتاج للضغط عليه مرتان وفى الثالثة تمسك يبقى دى هواء فى دورة الفرامل ....

الى حصل معاية ان الفرامل كانت بتهرب روحت اشتريت ماستر وركبتو ونفس المشكلة بل زادات ان الطنبير الى ورة بتسخن غيرت تيل امامي وروحت غيرت الطنابير ورة
وفى الاخر اكتشفت ان فى 4 خرطيم واصلة من الخرطيم الحديد باعة الفرامل الى الطمبورة اشتريت الواحد 25 جنية اشتريت 4 وطلعت المشكلة منها ؟؟ يمكن الخرطيم دي ليها اسم وانا مش عارفة ؟؟

[ha elshorbagy]

[img2]http://img.alibaba.com/photo/108892756/Brake_hoses.jpg[/img2]

شبيها بالخرطيم دي كانت منفخة عندي

[sakr_skoda]

الى حصل معاية ان الفرامل كانت بتهرب روحت اشتريت ماستر وركبتو ونفس المشكلة بل زادات ان الطنبير الى ورة بتسخن غيرت تيل امامي وروحت غيرت الطنابير ورة
وفى الاخر اكتشفت ان فى 4 خرطيم واصلة من الخرطيم الحديد باعة الفرامل الى الطمبورة اشتريت الواحد 25 جنية اشتريت 4 وطلعت المشكلة منها ؟؟ يمكن الخرطيم دي ليها اسم وانا مش عارفة ؟؟

اللى انا فاهمة وعارفة ان الخراطيم دى فقط فى الفرامل الامامية اما الخلفية مفيهاش خراطيم بتتوصل المواسير مباشرة ببستم الفرامل الخلفية ودا لأنى عملت دا بايدى فى موضوع تغيير تيل فرامل خلفى فليشا واخواتها....

اما عن موضوع التنفيخ دا مستحيل اصلا يتنفخ هو ممكن فقط ينسد انما يتنفخ دى بعيدة قوى ودا راجع الى هيئة الخرطوم وغلظة ومتانته تمنع تلك التنفخ....*

[ha elshorbagy]

اللى انا فاهمة وعارفة ان الخراطيم دى فقط فى الفرامل الامامية اما الخلفية مفيهاش خراطيم بتتوصل المواسير مباشرة ببستم الفرامل الخلفية ودا لأنى عملت دا بايدى فى موضوع تغيير تيل فرامل خلفى فليشا واخواتها....

اما عن موضوع التنفيخ دا مستحيل اصلا يتنفخ هو ممكن فقط ينسد انما يتنفخ دى بعيدة قوى ودا راجع الى هيئة الخرطوم وغلظة ومتانته تمنع تلك التنفخ....*

انا فعلا غندي خراطيم ورة !! ومتاكدة مليون المية !! عندي فعلا 4 خراطيم لدرجة ان كان لية موضوع الخربطة وقولت فى الموضوع اني ربط الخرطيم الى ورة ؟؟
بالنسبة للتنفيخ انا رميت الخرطيم بصراحة بس اقولك مش عارف فعلا اوصفلك ازاى بس الخرطوم الى فى الصورة دي كان منفخ
انت عارف الكوتش الصينيي لما بياخذ مطب جامد كدة بيعمل اى بينفخ كدة الخرطوم كان كدة بالظبط

[secondhand]

ماستر فرامل عمومي
حصلت معايا اول ما جبت العربية وجبت ماستر اسيراد ب100 جنيه ومن وقتها الدنيا تمام

[MOHAMED ABD EL SHAFY]

لو العربية اتوماتيك ممكن يكون ليها خراطيم ورا؟

[aw2100]

اول مرة اعرف ان فيه خراطيم فرامل للعجل الخلفى ....* وبرضوا اول مرة بجد اعرف ان الخراطيم ممكن تنفخ؟؟؟؟؟؟؟؟؟؟؟!!!!!!!!!!!

على فكرة ممكن تكون المشكلة مشكلة هواء فى دورة الفرامل ودا بيظهر لو الفرامل ممسكتش معاك من اول ضغطة يعنى بتحتاج للضغط عليه مرتان وفى الثالثة تمسك يبقى دى هواء فى دورة الفرامل ....

فية خرطوم فرامل خلفى فى كل جنب بس مش عند العجله بيركب عند كاوتشة الدونجل اللى بتتربط فى شاسية العربية ودى صورة ليها

ودى صورة فرامل خلفية لفليشيا معدلة بديسكات جولف 3

تحياتى !!

[sakr_skoda]

فية خرطوم فرامل خلفى فى كل جنب بس مش عند العجله بيركب عند كاوتشة الدونجل اللى بتتربط فى شاسية العربية ودى صورة ليها

ودى صورة فرامل خلفية لفليشيا معدلة بديسكات جولف 3

تحياتى !!

بس انا معنديش خراطيم خلفى الماسورة بتركب مباشرة فى بستم الفرامل الخلفى لانى فعلا لما غيرت تيل الفرامل الخلفى كنت خايف الماسورة تتقطم منى لأنها ناشفة شويه وخفت اثنيها تقطم --

[aw2100]

بس انا معنديش خراطيم خلفى الماسورة بتركب مباشرة فى بستم الفرامل الخلفى لانى فعلا لما غيرت تيل الفرامل الخلفى كنت خايف الماسورة تتقطم منى لأنها ناشفة شويه وخفت اثنيها تقطم --

من عند ماستر العجل بيبقى فية ماسورة لكن من عند كوتشة الدنجل اللى مربوطه فى شاسية العربية فية خرطوم فرامل فى كل جنب ماسك بين الماسورة اللى جاية من الماستر العمومى والماسورة اللى واصلة لمستر العجلة ولو نزلت تحت العربية حتشوفها وده باين فى الصورة دى تحياتى !!