مشكله فى الفليشيا

[giedo]

[overline]بعد السلام عليكم ورحمه الله وبركاته
[/overline]عربيتى فليشيل 97 بقالها فتره من أول الدواره والعربيه بارده تكون موش مظبوطه وترتل ترتيله كده كإنها متلته ...ولو مسخنتش كويس العربيه أجى اطلع بيها تطفى وتحس كإنك او ما تشيل رجلك من على الدبرياج تكلبش العربيه ولما تحب تديها وتعدى عربيه قدامك كده موش بتستجيب زى الاول .. طبعا" غيرت بوجيهات وفلاتر وبرضه لسه موجود العيب ده .... دلونى كده ممكن أعمل إيه

[sakr_skoda]

[overline]بعد السلام عليكم ورحمه الله وبركاته
[/overline]عربيتى فليشيل 97 بقالها فتره من أول الدواره والعربيه بارده تكون موش مظبوطه وترتل ترتيله كده كإنها متلته ...ولو مسخنتش كويس العربيه أجى اطلع بيها تطفى وتحس كإنك او ما تشيل رجلك من على الدبرياج تكلبش العربيه ولما تحب تديها وتعدى عربيه قدامك كده موش بتستجيب زى الاول .. طبعا" غيرت بوجيهات وفلاتر وبرضه لسه موجود العيب ده .... دلونى كده ممكن أعمل إيه

وعليكم السلام ورحمة الله وبركاته
مسكلتك فى تظبيط كهربة العربية روح للدرس ال14 حتلاقى كل الاعراض اللى بتشتكى منها فى موضوعك وحلولها....*

http://www.nilemotors.net/Nile/339710-a.html

[giedo]

والله يا أستاذ صبحى أنا ظابط كهربه العربيه والسلانسيه ... أنا عايز أجى أورهالك وتقولى إنت هيه عايزه إيه

[sakr_skoda]

والله يا أستاذ صبحى أنا ظابط كهربه العربيه والسلانسيه ... أنا عايز أجى أورهالك وتقولى إنت هيه عايزه إيه

تشرف ياعم والله انا تحت امرك والعنوان افتكر ميتوهش........

[aw2100]

ممكن يكون سلك البوجيهات وحش
هل فية هباب فى الجكمان او فية مية بتنزل كتير من الجكمان لما تبتدى الدوارة ؟

[giedo]

ممكن يكون سلك البوجيهات وحش
هل فية هباب فى الجكمان او فية مية بتنزل كتير من الجكمان لما تبتدى الدوارة ؟

والله ممكن يا صاحبى بس المياه بتنزل من الشكمان بعد الدواره بفتره يعنى ممكن لما مؤشر الحراره يوصل للمنتصف 90 ... وبعد إذنك ممكن تشرحلى قصدك إيه

[aw2100]

لو فية مية كتير بتنزل من الجكمان ده معناه ان فية مية بتتدخل السلندر بسبب جوان الوش بايظ وده بيخلى العربية تتلت اول الدوارة لغاية ما الموتور يسخن ويبخر المية اللى فى السلندر وده طبعا يصاحبة نقص سريع للمية
هو ده قصدى
ولو فية هباب فى الجكمان يبقى البوجيهات نوعها وحش او سلك البوجيهات قديم والبنزين مابيتحرقش حرق كامل !!

[mehles]

السلام عليكم.........كلام حضرتك مظبوط لانى كان لية تجربة سابقة مع جوان وش السلندر....ولكن لى استفسار بسيط بخصوص المية من الجكمان حيث انى قمت بتقديم الاشعال(رفعت الكهربة) فلاحظت نزول مية باندفاع عند بداية التشغيل صباحا فقط ولما وطيت الكهربة شوية اصبحت مجرد كام نقطة فهل دة طبيعى وما السبب..........الف شكر