سكودا فليشيا زيت علي الموتور

[yasser dyboo]

بسم الله الرحمن الرحيم
السلام عليكم اعضاء المنتدي الكرام :
حاسس كده اني داخل علي مشكله يا رب تكون بسيطه وطبعا قبل ما هبدا فيها لازم اخذ رايكم كالعاده .
اولا : في زيت مغرق الموتور جنب البوجيهات ومن الخلف جنب مقاس الزيت من وراء وملاحظ ان الزيت بدا ينقص مع اني لسه مغيره من الف كيلو والعاده انه مينقصش لغايه 4500 كيلو
رحت لواحد بص عليها وقالي انه الزيت جاي من مقاس الزيت وخلعه وركبله جلده وسليكون بس لسه فيه زيت بلاقيه علي الموتور....وكمان لما اتحرك بالعربيه بلاقي مكان الركنه منقطه يا تري الزيت ده بيعرق منين اعتقد انه لو من الكارتيره مش هيطلع لفوق كده
ثانيا : الميه رجعت تنقص تاني كل اسبوع من الmax الي min وفيه تهييس في شغل المروحه يعني في المشي العادي بتشتغل قبل التسعين بشرطتين لكن في الزحمه بتشتغل علي 95 او 97 مع اني فرغت هواء كذا مره ولسه بتهيس وده جديد عليها في الاسبوع اللي فات ده

منتظر ارائكم وتوقعاتكم ..... وطبعا كل الشكر ليكم

[sakr_skoda]

وعليكم السلام ورحمة الله وبركاته
منشفكش الا فى المشاكل ماشى ياعم ياسر **

على العموم ترشيح زيت الموتور ليه احمالات عديده انا حقولك على اللى اعرفة**
اولا:كارتيرة الزيت ودى حضرتك بتقول ان الترشيح فى اعلى الموتور وليس اسفله يبقى استبعدها**

ثانيا :و الكستبينات ودا الكثير بيغفل عن وهو وش زو جوان غليظ يعنى بيحتاج تحريق كل فترة بمفتاح 10 ممكن تحرك عليهم بنفسك***

ثالثا مقياس الزيت لو ملخلخ من اسفل وشائع تلك الموضوع فعليك بلحامه بالمادة المعروفة فى السوق a:b الامبوبتين ب5 او 7 جنية وتخلط على قد ما تحتاج للحام**

رابعا : وش السلندر واعتقد ان دا اللى فى سيارتك لأنك برضو بتقول فى نقص فى مية التبريد يبقى احتمال كبير جوان وش السلندر قارب على التهالك**

[حسن محمود احمد]

ممكن ييكون جوان غطاء التكيهات لو مكنش يبقي الارجح رأي الاخ صبحي

[aw2100]

الزيت اللى على الموتور ده جوان غطاء التكايات نشف ومحتاج تغيير
بالنسبة لنقص المية ودخول هواء لدورة التبريد راجع على الخراطيم والكوليهات
هل بتحط للعربية مية حنفية ولا مية خضراء او حمراء ؟

[sakr_skoda]

ممكن ييكون جوان غطاء التكيهات لو مكنش يبقي الارجح رأي الاخ صبحي

صح عندك حق بجد مش عارف ازاى نسيت غطاء وش الكاتكيهات بس انا باحذر من الشد على مساميره داممكن يفرقع الغطاء علشان مصنع من الانتامونيه وسهل يتكسر لو حرقت على المسامير اكثر من اللازم فلو غطا التكيهات يبقى بسيطة سيلكون حرارى على الجوان وربط الغطاء وكله حيبقى تمام***

[المنسي]

بسم الله الرحمن الرحيم
السلام عليكم اعضاء المنتدي الكرام :
حاسس كده اني داخل علي مشكله يا رب تكون بسيطه وطبعا قبل ما هبدا فيها لازم اخذ رايكم كالعاده .
اولا : في زيت مغرق الموتور جنب البوجيهات ومن الخلف جنب مقاس الزيت من وراء وملاحظ ان الزيت بدا ينقص مع اني لسه مغيره من الف كيلو والعاده انه مينقصش لغايه 4500 كيلو
رحت لواحد بص عليها وقالي انه الزيت جاي من مقاس الزيت وخلعه وركبله جلده وسليكون بس لسه فيه زيت بلاقيه علي الموتور....وكمان لما اتحرك بالعربيه بلاقي مكان الركنه منقطه يا تري الزيت ده بيعرق منين اعتقد انه لو من الكارتيره مش هيطلع لفوق كده
الزيت لو جاى من فوق زى ما الزملاء قالو انه غالبا من جوان التاكيهات غير الجوان والزيت هيختفى لانك كمان بتقول انك بتلاقى زيت على الارض فمن الواضح ان التسريب مش بسيط وان كنت افضل انك تغسل الموتور غسلة محترمة علشان تحدد بالظبط الزيت جاى منين

ثانيا : الميه رجعت تنقص تاني كل اسبوع من الmax الي min وفيه تهييس في شغل المروحه يعني في المشي العادي بتشتغل قبل التسعين بشرطتين لكن في الزحمه بتشتغل علي 95 او 97 مع اني فرغت هواء كذا مره ولسه بتهيس وده جديد عليها في الاسبوع اللي فات ده

موضوع المية قول لنا الاول بتحط مية ايه وترموستاتك ايه لان من الواضح ان الترموستات دى كده مهيسة

منتظر ارائكم وتوقعاتكم ..... وطبعا كل الشكر ليكم

[yasser dyboo]

السلام عليكم ورحمه الله وبركاته
شكراا لردودكم واهتمامكم جميعا وده مش غريب عليكم

1 - بالنسبه لموضوع الميه انا بحط ميه خضراء والترموستات الايطالي 68/82 وكان شغال كويس جدا والميه كانت بتنقص نص لتر كل شهر تقريبا الاسبوعين اللي فات ده بدات تهييس الميه والمروحه بس زي ما قولت في الطوالي بيشتغل كويس فالزحمه التهييس بيبتدي بس مفيش تسريب ميه بلاقيه لي الموتور او من الخراطيم بس سااتبلاقي جنب غطاء القربه مع اني قافل الغطاء كويس قوي لدرجه اني مش بعرف افكه لشان ازود مش عارف ده سبب ولا لا

2 - موضوع الزيت المشكله اني مش عارف اماكن الجوانات ديه بتاعه غطاء التاكيهات ووش السلندر والكستبينات يا ريت لوحد نده صوره يشرحلي اماكنهم وكمان انا هبقي اصور الموتور وارفعها علشان افهم اكتر

شكرااا جزيلا لاهتمامكم مره تانيه

[حسن محمود احمد]

السلام عليكم ورحمه الله وبركاته
شكراا لردودكم واهتمامكم جميعا وده مش غريب عليكم

1 - بالنسبه لموضوع الميه انا بحط ميه خضراء والترموستات الايطالي 68/82 وكان شغال كويس جدا والميه كانت بتنقص نص لتر كل شهر تقريبا الاسبوعين اللي فات ده بدات تهييس الميه والمروحه بس زي ما قولت في الطوالي بيشتغل كويس فالزحمه التهييس بيبتدي بس مفيش تسريب ميه بلاقيه لي الموتور او من الخراطيم بس سااتبلاقي جنب غطاء القربه مع اني قافل الغطاء كويس قوي لدرجه اني مش بعرف افكه لشان ازود مش عارف ده سبب ولا لا

2 - موضوع الزيت المشكله اني مش عارف اماكن الجوانات ديه بتاعه غطاء التاكيهات ووش السلندر والكستبينات يا ريت لوحد نده صوره يشرحلي اماكنهم وكمان انا هبقي اصور الموتور وارفعها علشان افهم اكتر

شكرااا جزيلا لاهتمامكم مره تانيه

جوان غطاء التكيهات بيكون اسفل غطاء الالومنيوم الذي به الغطاء البلاستيك الخاص بتزويد او غيار الزيت والجوان الثاني اللي ممكن يسرب زيت هو جوان الغطاء الذي اسفل البوجيهات وهذا الغطاء به اربع مسامير 10 لربطه وفكه لتغير الجوان اما غطاء التكيهات فهو الاعلي به مسمارين بوردتين زي ماهو ظاهربجوار الغطاء الدائري الاسود

[المنسي]

السلام عليكم ورحمه الله وبركاته
شكراا لردودكم واهتمامكم جميعا وده مش غريب عليكم

1 - بالنسبه لموضوع الميه انا بحط ميه خضراء والترموستات الايطالي 68/82 وكان شغال كويس جدا والميه كانت بتنقص نص لتر كل شهر تقريبا الاسبوعين اللي فات ده بدات تهييس الميه والمروحه بس زي ما قولت في الطوالي بيشتغل كويس فالزحمه التهييس بيبتدي بس مفيش تسريب ميه بلاقيه لي الموتور او من الخراطيم بس سااتبلاقي جنب غطاء القربه مع اني قافل الغطاء كويس قوي لدرجه اني مش بعرف افكه لشان ازود مش عارف ده سبب ولا لا

2 - موضوع الزيت المشكله اني مش عارف اماكن الجوانات ديه بتاعه غطاء التاكيهات ووش السلندر والكستبينات يا ريت لوحد نده صوره يشرحلي اماكنهم وكمان انا هبقي اصور الموتور وارفعها علشان افهم اكتر

شكرااا جزيلا لاهتمامكم مره تانيه

من كلامك كده ممكن يكون السكس بلف بتاع غطا القربة باظ ومحتاج تغير الغطا اما موضوع الزيت فزى ما انا قلتلك اغسل الحوض والموتور كويس وشوف الزيت بيتسرب منين

[yasser dyboo]

جوان غطاء التكيهات بيكون اسفل غطاء الالومنيوم الذي به الغطاء البلاستيك الخاص بتزويد او غيار الزيت والجوان الثاني اللي ممكن يسرب زيت هو جوان الغطاء الذي اسفل البوجيهات وهذا الغطاء به اربع مسامير 10 لربطه وفكه لتغير الجوان اما غطاء التكيهات فهو الاعلي به مسمارين بوردتين زي ماهو ظاهربجوار الغطاء الدائري الاسود

شرح رائع والف شكر ليك يا باشا بس جوان الغطاء ابو اربع مسامير عشره ده غير جوان وش السلندر ولو غيره فين جوان وش السلندر

[yasser dyboo]

من كلامك كده ممكن يكون السكس بلف بتاع غطا القربة باظ ومحتاج تغير الغطا اما موضوع الزيت فزى ما انا قلتلك اغسل الحوض والموتور كويس وشوف الزيت بيتسرب منين

المشكله يا باشا ان عندي 2 غطاء للقربه وبجربهم الاتنين واربطهم جامد وبرضه بد ما اجي من مشوار ابص علي القربه الاقي ميه خضراء منفسه منه معرفش الغطايين بايظين ولا فيه حاجه تاني

[sakr_skoda]

المشكله يا باشا ان عندي 2 غطاء للقربه وبجربهم الاتنين واربطهم جامد وبرضه بد ما اجي من مشوار ابص علي القربه الاقي ميه خضراء منفسه منه معرفش الغطايين بايظين ولا فيه حاجه تاني

لا طبعا الغطيان براء من هذا لأن ما تحكى عنه حدث بالفعل معى وعندما قررت ان اعرف السبب أدرت محرك السيارة ووقفت امامها وزودت بنزين من الاكسرتير وراقبت تسرب الماء فوجد تشققات فى جسم القربة من اعلى تسرب الماء**

[aw2100]

المشكله يا باشا ان عندي 2 غطاء للقربه وبجربهم الاتنين واربطهم جامد وبرضه بد ما اجي من مشوار ابص علي القربه الاقي ميه خضراء منفسه منه معرفش الغطايين بايظين ولا فيه حاجه تاني

هل بتلاقى خراطيم المية والقربة نفسها منفوخة قوى والعربية سخنة ولما تفتح القربة بتطلع هواء كتير قوى فوششششششششش
لو كده يبقى محتاج تحط للعربية بلوك سيل فى مية الرادياتير علشان كده احتمال يكون فية مشكلة فى جوان وش السلندر و البلوك سيل بيقفل اى تسريب طالما لسة فى الأول وربنا يقويك !!

[yasser dyboo]

بسم الله الرحمن الرحيم

الحمد لله غيرت جوان غطاء التاكيهات وغسلت الموتور وهجرب كده ان شاء الله يكون موضوع الزيت انتهي .
لكن كان عندي ملاحظه مش مطمنلها شويه:
الصبح (الساعه عشره ) وانا بسخن العربيه في دخان ابيض كثيف بيطلع من الشكمان شويه لغايه ما تسخن وبعدين بيخف خالص بس مبيختفيش بيفضل ومتهيالي لما ازود بنزين بيزيد شويه هل ده ليه علاقه بجوان وش السلندر
اللي مخليني مش عايز اغير الجوان ان مفيش طحينه والسحب كويس ومفيش سخونيه حتي وانا علي سرعه 140 بس المروحه بتهرتل في الزحمه وتشتغل متاخر علي 95 لكن الصبح وبالليل بتشتغل كويس

اعطوني الجواب النهائي علشان انا احترت اغير جوان وش السلندر ولا اسيبه؟

[المنسي]

المشكله يا باشا ان عندي 2 غطاء للقربه وبجربهم الاتنين واربطهم جامد وبرضه بد ما اجي من مشوار ابص علي القربه الاقي ميه خضراء منفسه منه معرفش الغطايين بايظين ولا فيه حاجه تاني

بسم الله الرحمن الرحيم

الحمد لله غيرت جوان غطاء التاكيهات وغسلت الموتور وهجرب كده ان شاء الله يكون موضوع الزيت انتهي .
لكن كان عندي ملاحظه مش مطمنلها شويه:
الصبح (الساعه عشره ) وانا بسخن العربيه في دخان ابيض كثيف بيطلع من الشكمان شويه لغايه ما تسخن وبعدين بيخف خالص بس مبيختفيش بيفضل ومتهيالي لما ازود بنزين بيزيد شويه هل ده ليه علاقه بجوان وش السلندر
اللي مخليني مش عايز اغير الجوان ان مفيش طحينه والسحب كويس ومفيش سخونيه حتي وانا علي سرعه 140 بس المروحه بتهرتل في الزحمه وتشتغل متاخر علي 95 لكن الصبح وبالليل بتشتغل كويس

اعطوني الجواب النهائي علشان انا احترت اغير جوان وش السلندر ولا اسيبه؟

دخان ابيض يعنى العربية كده بتاكل زيت وبيتحرق وبيخرج مع العادم فياريت تتابع منسوب الزيت عندك على المقياس