إعـــــــلان

Collapse

.

,
See more
See less

فليشيا :ارخم واغلس سخونيه ملهاش حل

Collapse
X
 
  • Filter
  • الوقت
  • Show
Clear All
new posts

  • فليشيا :ارخم واغلس سخونيه ملهاش حل

    بسم الله الرحمن الرحيم
    و الحمد لله رب العالمين :

    عفريت وظهر فجأه وحالف براس ابوه مينصرفش :-
    مره واحده وانا ماشي ولقيت المروحه بدأت تخرف وبتشتغل تأخر مره 95 ومره 100 طبعا وقفت وكشفت علي سلك الترموستات واستنيت لغايه العربيه ما هديت شويه ومشيت تاني لغايه مكان شغلي واكان يوم الاحد معرفتش اشتري ترموستات فعملت مفتاح اشغل واطفي بيه المروحه لغايه ما اشتري ترموستات ( اصلي كنت فاكره ترموستات ).
    المهم غيرت ترموستات واتنين وتلاته وطبعا المشكله لسه موجوده كنت مظبت تاكيهات قبلها باسبوع قلت اجرب اظبط تاكيهات تاني وطبعا النتيجه زي ما هيه
    رحت لميكانيكي تاني وبرضه معرفش السبب وقالي روح لكهربائي يشدلك علي سير الدينمو والطرمبه وطبعا رحت للكهربائي ومل اللازم ولسه زي ما احنا المروحه بتشتغل علي 100
    طبعا مكنش فيه اعراض جوان لا طحينه ولا الميه بتنقص والسحب كويس .
    قمت روحت لمين لبتا الرديراتير فكه وسلكه ونضف دوره الميه وغير ترموستات تاني ولسه المشكله زي ما هيه .
    زهقت واتخنقت
    رحت لميكانيكي تالت غير الترموستات تاني ولسه ..... راح قالي هفك الوش واشوف قلتله اتكل علي الله وفك..... فك وقالي كان راكب جوانين والجوان اللي من تحت بايظ هاتلي اتنين تاني قلتله الوش اخباره قالي سليم ومش محتاج يروح مخرطه ولا يتمسح غير الجوان وظبط وركب وشغل وهب
    لسه الوضع زي ما هوه بالمللي قاللي غير ترموستات تاني ونجرب
    رحت غيرت ترموستات وركبتله كتاوت عند كهربائي وبنشغل واحنا واقفين الدنيا اشتغلت تمام
    فرحت قوي قوي وقلت الحمد لله المشكله اخيرااا اتحلت هع هع ويا ريتني ما فرحت

    مشيت بالعربيه والفرحه مش سايعاني مكملتش ربع ساعه والعطل رجع زي ما هوه ( تبك الاصل العلقه اللي فاتت) تخريف وهبل ومبتشتغلش اقل من 97

    وانا ماشي لقيت لمبه الزيت بتنور وتطفي رحت رايح اغير زيت لعل وعسي والمفجأه الزيت كله مطحن وسادد الفلتر طب ازاي ومكنش فيه ميه بتنقص معرفش غيرت زيت وفلتر وبرضه العربيه بتسخن

    ركبت سلك طويل بمفتاح وبشغل المروحه بيه ومش عارف اعمل ايه والميكانيكيه التلاته اللي بروحلهم غلب حمارهم
    علي فكره اول لما المروحه بتشتغل العربيه بتبرد يعني طرمبه الميه شغاله ترموستات الكوعه مش موجود
    احيانا احيانا بتصدف والمروحه تشتغل كويس وبستغرب قوي بس طبعا بترجع لوضعها الرخم في نفس المشوار

    حد يقولي اعمل ايه هل كده الوش باظ ......الموتور شيع...... طب اختبر ازاي عايز اتاكد علشان مدفعش فلوس فوش سلندر علي الفاضي وتكون عندي مشكله اكبر تحت فالبلوكه ( عشان واحد خمن كده)


    ايه الحلول المتوقعه غير اني اولع فالعربيه .
    وعايز حل فالترموستاتات اللي عندي انا ممكن افتح بيهم محل اصلهم مديقين الشقه عندي
    [SIGPIC][/SIGPIC]

  • #2
    المشاركة الأصلية كتبت بواسطة yasser dyboo مشاهدة المشاركة
    بسم الله الرحمن الرحيم
    و الحمد لله رب العالمين :

    عفريت وظهر فجأه وحالف براس ابوه مينصرفش :-
    مره واحده وانا ماشي ولقيت المروحه بدأت تخرف وبتشتغل تأخر مره 95 ومره 100 طبعا وقفت وكشفت علي سلك الترموستات واستنيت لغايه العربيه ما هديت شويه ومشيت تاني لغايه مكان شغلي واكان يوم الاحد معرفتش اشتري ترموستات فعملت مفتاح اشغل واطفي بيه المروحه لغايه ما اشتري ترموستات :c_laugh[1]: ( اصلي كنت فاكره ترموستات ).
    المهم غيرت ترموستات واتنين وتلاته وطبعا المشكله لسه موجوده كنت مظبت تاكيهات قبلها باسبوع قلت اجرب اظبط تاكيهات تاني وطبعا النتيجه زي ما هيه
    رحت لميكانيكي تاني وبرضه معرفش السبب وقالي روح لكهربائي يشدلك علي سير الدينمو والطرمبه وطبعا رحت للكهربائي ومل اللازم ولسه زي ما احنا المروحه بتشتغل علي 100
    طبعا مكنش فيه اعراض جوان لا طحينه ولا الميه بتنقص والسحب كويس .
    قمت روحت لمين لبتا الرديراتير فكه وسلكه ونضف دوره الميه وغير ترموستات تاني ولسه المشكله زي ما هيه .
    زهقت واتخنقت
    رحت لميكانيكي تالت غير الترموستات تاني ولسه ..... راح قالي هفك الوش واشوف قلتله اتكل علي الله وفك..... فك وقالي كان راكب جوانين والجوان اللي من تحت بايظ هاتلي اتنين تاني قلتله الوش اخباره قالي سليم ومش محتاج يروح مخرطه ولا يتمسح غير الجوان وظبط وركب وشغل وهب
    لسه الوضع زي ما هوه بالمللي قاللي غير ترموستات تاني ونجرب
    رحت غيرت ترموستات وركبتله كتاوت عند كهربائي وبنشغل واحنا واقفين الدنيا اشتغلت تمام
    فرحت قوي قوي وقلت الحمد لله المشكله اخيرااا اتحلت هع هع ويا ريتني ما فرحت

    مشيت بالعربيه والفرحه مش سايعاني مكملتش ربع ساعه والعطل رجع زي ما هوه ( تبك الاصل العلقه اللي فاتت) تخريف وهبل ومبتشتغلش اقل من 97

    وانا ماشي لقيت لمبه الزيت بتنور وتطفي رحت رايح اغير زيت لعل وعسي والمفجأه الزيت كله مطحن وسادد الفلتر طب ازاي ومكنش فيه ميه بتنقص معرفش غيرت زيت وفلتر وبرضه العربيه بتسخن

    ركبت سلك طويل بمفتاح وبشغل المروحه بيه ومش عارف اعمل ايه والميكانيكيه التلاته اللي بروحلهم غلب حمارهم
    علي فكره اول لما المروحه بتشتغل العربيه بتبرد يعني طرمبه الميه شغاله ترموستات الكوعه مش موجود
    احيانا احيانا بتصدف والمروحه تشتغل كويس وبستغرب قوي بس طبعا بترجع لوضعها الرخم في نفس المشوار

    حد يقولي اعمل ايه هل كده الوش باظ ......الموتور شيع...... طب اختبر ازاي عايز اتاكد علشان مدفعش فلوس فوش سلندر علي الفاضي وتكون عندي مشكله اكبر تحت فالبلوكه ( عشان واحد خمن كده)


    ايه الحلول المتوقعه غير اني اولع فالعربيه .
    وعايز حل فالترموستاتات اللي عندي انا ممكن افتح بيهم محل اصلهم مديقين الشقه عندي
    شوية اسئلة للتوضيح
    هل لما غيرت الجوان الميكانيكى غير الزيت ؟
    انت مركب 2 جوان للوش لية انت خرطت الوش ؟
    انت بتحط مية حنفية؟
    هل قبل ماتظبط التكايات العربية كانت مابتسخنش ؟
    هل فية نقص بسيط للمية دلوقتى ؟
    هل خراطيم المية بتتنفخ فعلا وفية ضغط هواء فى القربة لما العربية بتسخن علشان ممكن يكون فية تهيس لصباع الحرارة؟
    [U][SIZE=5][COLOR=Lime]مع تحياتى وليد [/COLOR][/SIZE][/U]
    [SIGPIC]http://www.nilemotors.net/Nile/signaturepics/sigpic130473_3.gif[/SIGPIC]

    Comment


    • #3
      اولا شكرا علي سرعه الاستجابه
      1- انا مركب 2 جوان علشان غيرت جوان من شهرين و مسحت الوش وكانت العربيه بعديها زي الفل ما دا صوت التاكيهات كان عالي شويه سبته لغايه ما غيرت البوجيهات وخليته وطي صوت التاكيهات شويه بس ركبت العربيه بعدها اسبوع كامل لي ظبط التاكيهات الجديد ومكنش فيه مشكله
      2 بعد ما غير الجوان مغيرش زيت وانا اللي غيرته في نفس اليوم ولقيته مطحن زي ما حكيت لاني وانا راجع من عنده لمبه الزيت كانت بتنور وتطفي
      في نفخ في القربه وصوت هواء مندفع لو فتحت القربه وهيه سخنه وصباع الحراه اعتقد سليم كشفت ليه عند كهربائي
      [SIGPIC][/SIGPIC]

      Comment


      • #4
        عموما اصبر على العربية يومين وتابع الزيت ونقص المية وعاوزك كل ماترجع من مشوار تفتح القربة قبل ماتبطل العربية وتخرج الهواء السخن من القربة وتبص على المية اللى نازلة من الخرطوم الرفيع لو بتنزل ببطء وتقطع يبقى فية هواء فى دورة التبريد حاول تاخد هواء منها واسهل طريقة هى اللى انا قولتها تفتح القربة بعد ماترجع من مشوار وتطلع الهواء السخن والمية طبعا حتقل شوية كام يوم عبال مالهواء يطلع تزودها قبل ماتدور وبلغنى بالتطور وربنا يقويك
        نوع المية اللى بتحطها اية ؟
        ونوع الترموستات ؟
        [U][SIZE=5][COLOR=Lime]مع تحياتى وليد [/COLOR][/SIZE][/U]
        [SIGPIC]http://www.nilemotors.net/Nile/signaturepics/sigpic130473_3.gif[/SIGPIC]

        Comment


        • #5
          استاذ ياسر كان الله فعونك بس انا بصراحة حاسس ان دورة التبريد كانت واخدة هوا ومتاكد كمان انك كنت بتستخدم مية حنفية وعلي العموم زي ما الاستاذ وليد قاللك حاول تسحب الهوا اللي في دورة التبريد لانها هيه اللي ممكن تسخن العربية وتخلي الزيت يطحن حتي لو مفيش اي نقص ظاهر للمية فالقربة علي العموم اسحب الهوا من دورة التبريدوراقب وممكن تستخدم البلوك سيل علشان يمنع اي تسريب
          [img2]http://nileup.com/up/uploads/nilemotors_13649876441.jpg[/img2]

          Comment


          • #6
            يا جماعه ما انا كل ما بغير ترموستات وانضف دوره تبريد واسلك ديارياتير وافك الوش عشان اغير الجوان ....اكيد اكيد بخرج الهواء من العربيه سواء انا او الميكانيكي او بتاع الرديراتير ........................السؤال باه ليه بتاخد هواء تاني او منين م ان دوره الميه سليمه ومفيهاش تنفيس....الهواء بيخش لدوره التبريد منين ؟
            هل من الوش ولا من حته تانيه

            استخدامي ميه خضراء ايدا اسباني
            ترموستات المروحه 82/68 ايطالي بتاع ال28......وغيرت بتاع 20 واحد
            [SIGPIC][/SIGPIC]

            Comment


            • #7
              عارف مشكلتك ابسط مما تتخيل ولو كنت سالت الاول كنت قلت ليك لأنى شربت المر من المشكلة دى بالذات وطلع فى الاخر اللى بيخرف حساس الحرارة اللى على قوعة المية غيرتة فى الشارع والحمد الله كل حاجة اتظبطط**
              [rmade]http://im60.gulfup.com/1KWugz.jpg[/rmade]

              Comment


              • #8
                عم صبحى جاب لك سبب تانى وهو فعلا ممكن يكون صباع الحرارة هو اللى مهيس معاك
                [img2]http://nileup.com/up/uploads/nilemotors_13649876441.jpg[/img2]

                Comment


                • #9
                  معتقدش يا عم صبحي لان الميه فالقربه بتغلي .ولو هويت غطاء القربه بيعمل هواء جامد فسشسسسسس معني كده انه مظبوط وكمان انا كشفت عليه عند كهربائي
                  اعتقد في هواء فعلا في دوره التبريد بس جاي منين معرفش........ ايه باه اعراض بوظان الوش نفسه مش الجوان هل ممكن يعمل كده
                  [SIGPIC][/SIGPIC]

                  Comment


                  • #10
                    هي مش المشكلة الأصليه عند حضرتك إن المروحه بتشتغل متأخر ؟؟؟...ولا المشكلة إن العربية بتسخن ..أصل كون إن المروحة تشتغل متأخر فدي لوحدها مشكلة ...وكون إن العربية بتسخن دي مشكلة تانيه ..يعني المفروض لو العربية بتسخن إن المروحه تشتغل في ميعادها ...ومع سخونة العربية المتزايدة المروحه بتفقد تأثيرها ..بص أنا أقصد إن المفروض المروحة تشتغل على درجة حرارة معينة ...أول ما المياه بتوصل لدرجة الحرارة دي ..المروحة وش كده تقوم شغاله ...وبما إن العربية بتسخن أوفر ..أو بتسخن بطريقة غير طبيعية فيبدأ مؤشر الحرارة يعلى معاك ...عشان كده المشكلة عند حضرتك ليها شقين ..أو شق ..ليه المروحه بتشتغل متأخر ....وإجابة السؤال الأول هيحل المشكلة التانيه أتوماتيك ..لإن المروحة لو إشتغلت في ميعادها العربية مش هتسخن أصلا ...بس سؤال ..هو حضرتك بتحط ليه ثرموستات 28
                    [SIGPIC][/SIGPIC]--------

                    m_m_sh_a سابقا

                    Comment


                    • #11
                      لا المشكله اللي عندي ان المروحه بتشتغل متاخر عند 97 او 100 لان في هواء بيدخل في دوره الميه مش عارف منين
                      [SIGPIC][/SIGPIC]

                      Comment


                      • #12
                        كده فيه احتمال كبير ان وش السلندر نفسة باظ علشان كده العربية بتاخد هواء فى دورة التبريد وتلخبطلك دوران مروحة التبريد والحل المؤقت البلوك سيل اللى فى الموضوع ده وان شاء الله يوقف الغليان دة !!
                        [U][SIZE=5][COLOR=Lime]مع تحياتى وليد [/COLOR][/SIZE][/U]
                        [SIGPIC]http://www.nilemotors.net/Nile/signaturepics/sigpic130473_3.gif[/SIGPIC]

                        Comment


                        • #13
                          سقط موتور تانى

                          Comment


                          • #14
                            انا كنت اعرف حد عنده نفس المشكله وتم تغيير التالي :
                            1- الريداتير
                            2- جوان وش السلندر
                            3- العربيه كانت موديل 95 وكانت كوعه الميه اللي راكبه الفيبر وده غلط الاصلي بتاعها بيكون معدن فتم التغيير للمعدن
                            4- ترموستات

                            والحمد لله المشكله اتحلت

                            Comment


                            • #15
                              خلال 3 سنوات عمر الفيليشيا معايا غيرت جوان وش السلندر 4 مرات

                              Comment

                              Working...
                              X