تركيب تكييف للفيليشا

[the dragon]

السلام عليكم

كنت عاوز اركب تكييف للفيلشيا بتاعتى ..هى موديل1997 و كنت سالت الميكانيكى و قاللى مش هيكون عملى و مشاكله كتير

كنت عاوز اعرف لو حد عنده معلومه اكيده او لو حد ركب تكييف و ممكن اركبه فين كويس فى الجيزه لو كويس

و شكرا لكم

[أسامه طياره]

انا مره كنت عند واحد بتاع تكييفات في فيصل بشحن التكييف بتاعي ولقيت تاكسي لادا مركب عنده تكييف وكان رايح يعمل صيانه سألت الراجل و ده مش فابريكه ده متركب صح؟ قالي اه قولتله يبقى اكيد تعبان ؟؟ قالي ده تكييفه احسن من تكييف حضرتك مع العلم عربيتي وقتها بيجو 307 وكان تكييفها كويس جدا .. الله اعلم بقى كان بيهري ولا ايه بس اللي حسيته انه فعلا مريحه وشغال معاه كويس شوف انت بس واحد كويس والناس شكرولك فيه واتعامل معاه

[wella3330]

شوف الميكانيكي بتاعك راجل بيفهم لانه كان واضح معاك و جاب من الاخر.

قالك مش عملي يعني هيشتغل بس مش هتتبسط بيه اوي غير انه ممكن يسخن العربية و طبعا سحب العربية هيتاثر.

انا كانت معايا فليشا و بعتها و كنت في حيرتك كده لكن كل اللي اثق فيهم قالوا لي بلاش مالوش لزمة , و انت حر في الاخر .

تحياتي

[medo_msa]

انا عندي العربيه مكيفه ومبشغلوش نوهائي بتاتا ابدا ..واصلا فكيت السربنتينه عشان التبريد يبقي احسن

[sakr_skoda]

انا عندي العربيه مكيفه ومبشغلوش نوهائي بتاتا ابدا ..واصلا فكيت السربنتينه عشان التبريد يبقي احسن

شرحك بالظبط مع ان التكييف نازل فى فيفورتى فبريكة ومع ذالك فكيت السربنتينة والكباس علشان زحمين الدنيا****

صاحب الموضوع الميكانيكى اللى نصحك ناصح نصوح منصاح اسمع كلامه***

[secondhand]

انا عندي التكييف متركب مش بتاعها وكان بيسخن العربية وبيضعف السحب وتبريده ماكنش قوي يدوب نسمة هوا برده لما بعدل الهويات كلها عليا يعني للسواق بس
لما زهقت منه فكيت السربنتينه علشان التبريد يبقى افضل

[the dragon]

الف شكر يا جماعه ...شكرا لكل واحد ساهم و ساعدنا برايه