السحب أصبح سىء جدااا

[ابوابراهيم323]

السلام عليكم ورحمة الله وبركاته
الاخوة الاكارم
لى اكثر من 3 شهور مستمتع بالسيارة جداااا
وسافرت بيها اكثر من مرة مسافة طويلة فوق 200 كيلو
والعداد جاب معايا 140 واستهلاك البنزين كان رائع فى المسافات الطويلة
دلوقتى استهلاك عالى للبنزين يكاد يكون الضعف داخل المدينة
===================
مشكلة فى السحب
بكون على الاول وعند النقل بحس ان انا مسكت فرامل للعربية
نفس الوضع عند النقل على التالت
ده طبعا غير مشكلة الصوت العالى اللى بسمعه بعد 70
================
واحد صديق قلت له مشكلة السحب قال لى
ابلاتين - كوندنسر
الكلام ده سليم
واحد تانى قال
تنظيف كربراتير وفلتر بنزين وهواء
على فكرة
الدوارة كويسة فى الصباح

[Hamroosh]

مبدئيا العربية دي مافيها ابلاتين وكونسر.
ثانيا رايي الشخصي انك تبتدي بالخفيف الاول،يعني فلتر بنزين ومنقي البنزين (دا غير الفلتر) وفلتر هواء وياحبذا طقم بوجيهات جداد. والخطوة اللي بعدها تنظف الكاربراتير. ولو ماستجابتس لاقدر الله تخش على التقيل يعني تشوف دسك واسطوانة، او ماستر فرامل يكون قافش وهكذا.

[adhmmaamon]

السلام عليكم ورحمة الله وبركاته
الاخوة الاكارم
لى اكثر من 3 شهور مستمتع بالسيارة جداااا
وسافرت بيها اكثر من مرة مسافة طويلة فوق 200 كيلو
والعداد جاب معايا 140 واستهلاك البنزين كان رائع فى المسافات الطويلة
شىء كويس جدا ربنا ييباركلك فيها ويكفيك شرها .
دلوقتى استهلاك عالى للبنزين يكاد يكون الضعف داخل المدينة
استهلاك البنزين جوه البلد مش مقياس ..خصوصا فى الزحمه اللى احنا فيها دى .. فى الحاله دى تحاسب العربيه بالساعه مش بالكيلو متر .
===================
مشكلة فى السحب
بكون على الاول وعند النقل بحس ان انا مسكت فرامل للعربية
نفس الوضع عند النقل على التالت
ده طبعا غير مشكلة الصوت العالى اللى بسمعه بعد 70
مشكله ظبط كهربا ..
حاول تعلى الكهربا شويه من الاسبراتير .. كمان بص على البوجيهات لو مهببه يبقى ظبط خليط الهوا والبنزين .
================
واحد صديق قلت له مشكلة السحب قال لى
ابلاتين - كوندنسر
الكلام ده سليم
طبعا الكلام ده مش سليم (العربيه مفيهاش ابلاتين ولا كوندنسر)
واحد تانى قال
تنظيف كربراتير وفلتر بنزين وهواء
قبل تنظيف الكربراتير ظبط كهربا لان كمان كهرباء العربيه لما بتبقى واطيه العربيه بتنحر جامد فى السرعات علشان الضغط الشديد على دواسه البنزين (سبب من اسباب استهلاك العالى للبنزين ) وكهربا قليله من الاسبراتير فالصوت بيعلى والبوجيهات بتهبب نتيجه عدم الحرق الكويس للبنزين .
على فكرة
الدوارة كويسة فى الصباح

[أحمد جودة]

السلام عليكم ورحمة الله وبركاته
الاخوة الاكارم
لى اكثر من 3 شهور مستمتع بالسيارة جداااا
وسافرت بيها اكثر من مرة مسافة طويلة فوق 200 كيلو
والعداد جاب معايا 140 واستهلاك البنزين كان رائع فى المسافات الطويلة
دلوقتى استهلاك عالى للبنزين يكاد يكون الضعف داخل المدينة
===================
مشكلة فى السحب
بكون على الاول وعند النقل بحس ان انا مسكت فرامل للعربية
نفس الوضع عند النقل على التالت
ده طبعا غير مشكلة الصوت العالى اللى بسمعه بعد 70
================
واحد صديق قلت له مشكلة السحب قال لى
ابلاتين - كوندنسر
الكلام ده سليم
واحد تانى قال
تنظيف كربراتير وفلتر بنزين وهواء
على فكرة
الدوارة كويسة فى الصباح

السلام عليكم ورحمة الله وبركاتة

باتري أية الصوت العالي اللى بتسمعة بعد السبعين يا ريت تفاصيل أكتر

بالنسبة لمشكلة السحب أولا الاسبراتير اللى راكب عندك الكتروني مفيهوس ابلاتين

مشكلة عدم السحب اسبابها كتير بس تعال نعمل تشيك عام على العربية وان شاء الله المشكلة تتحل

هتفك فلتر البنزين والصفاية وتنضفهم وتنفخ فلتر الهواء ببلاور وتشيك ع البوجيهات واسلاك البوجيهات وبعد كدة تتاكد ان الكهربة مظبوطة والسلانسية تمام
لو لسة المشكلة موجودة يبقي هتنضف الكاربيراتير

وملاحظة أخيرة ممكن فعلا زي ماقال الزميل العزيز ان الفرامل قافشة ومكتفة العربية
ودي تعرفها لما ترجع من مشوار وتحط ايدك ع الجنوط لو ساخنة زيادة عن اللزوم يبقي عيب فرامل

تقبل تحياتي

[ابوابراهيم323]

فى البداية كل الشكر على الاهتمام

اول حاجة بصيت عليها فلتر البنزين مفيهوش بنزين غير حاجة بسيطة تحت غير الفلتر القديم كان بيكون فيه حوالى النصف كده القديم
انا مغيرة من شهر بس مش نفس القديم الجديد ده بتاع ال 128

[aw2100]

لو تحب تسلك الكاربراتير اقلب اسلاك البوجيهات 3 مكان 2 ودور العربية حتلاقيها بتعمل مدافع من الكاربراتير تسلكه كام مدفع وبطل العربية ورجع اسلاك البوجيهات لمكانها ودور ان شاء الله لو الكاربراتير السبب حتلاقيه بقى 10/10 بس لو سلك انصحك تروح لفنى ظبط كاربراتير علشان يسلكه كويس ويظبطه !!