استفسار فنى فى كربراتير فليشيا

[ali207]

السلام عليكم جميعا
فليشيا 95 قررت انى اغير الكربراتير بتعها بعد معناه تطلبت ذلك .
اريد من فضلكم راى العملاقة فى منتدنا العظيم .
حصلت على كربراتير نفس قاعدة القديم ولكن به بعض التغيرات والزوائد على ما يبدو سخان كهربى وليس عن طريق المياه وهل كهرباء مباشرة ام عن طريق وحدة توزيع والصورتان سوف تشرح ما اريد والسؤال هل هذا الجديد يصلح لهذا الموديل من الفليشيا . الى الصور فى الروابط....

http://nileup.com/up/uploads/nilemotors_14022530911.png

http://nileup.com/up/uploads/nilemotors_14022530912.png

http://nileup.com/up/uploads/nilemotors_14022517793.gif

[zxcv38]

متابع وكونت عاوز اعرف لو سمحت سعره كام ومن عند مين في الإسكندرية

[ali207]

هو أنا مشترتهوش ده كان عند صديقي كان مشتري موتور إستيراد كامل والميكانيكي استسهل وركب القديم

[aw2100]

اعتقد انه كاربراتير جولف 2 مش فليشيا والسخان فية بكابل مش اتوماتيك ؟؟؟؟

[ali207]

في انتظار أراء العملاقة ليستفيد الجميع

[mostafa hassan]

اللينك ده بيقول معلومه انه ممكن يركب علي فيفوريت
Skoda Favorit 1.3 / 59PS - Pierburg 2E-E Vergaser / 4301-370.6 / 7.18170.00 2EE | eBay

[ali207]

ربنا اكرمنى ببعض المعلومات قلت مبخلش بيها على حد ولكن بعد ذلك سؤالى هل ممكن اشغل الكربراتير بدون وحدة التحكم او انى استغنى عن بعض الوظائف التى لا تمانع اداء الكربراتير؟؟

[aw2100]

لو الكاربراتير ده بيشتغل بكارته تحكم يبقى اكيد ليه حساسات علشان يشتغل صح وده بيعتبر 1/2 انجكشن كان قبل ما الفليشيا تبقى انجكشن كامل بس انا شوفت شبهه فى الجولف 2
سيبك منه ده تركيبه شغلانه ودور على كاربراتير فليشيا عادى !!

[ali207]

طب انا مشكلتي مع الكربراتير القديم والعربية بقالها اربع سنوات معايا.
بدون اي مقدمات وانا ماشي بالعربية وبالتحديد لما العربية تبتدي تأخذ سرعة 70. 80 90. الاقيهاومرة وحدة مفيش استجابة من الدواسه وتكش وتبطل مع وجود ريحة زي بالضبط ريحة بابورالجاز لما يكون عاوز تسليكة بإبرة الوابور ولو عطتة نفس عفية ناره تطفي وتشم الريحة بس مش بنزينني.
بنزيني دايما 92. الريحة دايما موجودة اما التقطيعة دي مش ديما في كل مرة اتحرك فيها يعني مره اه ومرتين لأ بس أزيد في الصيف.
لما أخف رجلي عليها شوية تجمع خلال دقيقة مش اكتر لوحدها من غير ما ادورها بايدي وساعات لما ارخم عليها وأفضل دايس ترخم لحد ما توقف خلاص وادور مرتين تلاتة تدور. بس اسيسها ومشدش بيها سرعة ومعلاش عن 80.
طبعا خلال الأربع سنين غيرت حاجات كتير اسبراتير كرتة بوجهات و كبل و موبينه و عمره مرتين مخلتش حاجة.
وأخيرا حصرتها بين كربراتير و رداخ أو طلمبة البنزين.
يا ريت لو حد يساعدني في تحديد العطل بالضبط؟

Sent from my ALCATEL ONE TOUCH 6040D using Forum Runner

[Ahm662]

دا الكربراتير الكهرباء بتاع الفليشيا كان فى منها بينزل بالكربراتير ده ............بس احنا عندنا بهايم مش صنايعية ما بيعرفوش يشتغلوا فيه رغم انه افضل من العادى بس تقول ايه للاستسهال بتاع الافندية .............حاول تدور على ميكانيكى فاهم يركبهولك لو كده يبقى 10/10

[aw2100]

طب انا مشكلتي مع الكربراتير القديم والعربية بقالها اربع سنوات معايا.
بدون اي مقدمات وانا ماشي بالعربية وبالتحديد لما العربية تبتدي تأخذ سرعة 70. 80 90. الاقيهاومرة وحدة مفيش استجابة من الدواسه وتكش وتبطل مع وجود ريحة زي بالضبط ريحة بابورالجاز لما يكون عاوز تسليكة بإبرة الوابور ولو عطتة نفس عفية ناره تطفي وتشم الريحة بس مش بنزينني.
بنزيني دايما 92. الريحة دايما موجودة اما التقطيعة دي مش ديما في كل مرة اتحرك فيها يعني مره اه ومرتين لأ بس أزيد في الصيف.
لما أخف رجلي عليها شوية تجمع خلال دقيقة مش اكتر لوحدها من غير ما ادورها بايدي وساعات لما ارخم عليها وأفضل دايس ترخم لحد ما توقف خلاص وادور مرتين تلاتة تدور. بس اسيسها ومشدش بيها سرعة ومعلاش عن 80.
طبعا خلال الأربع سنين غيرت حاجات كتير اسبراتير كرتة بوجهات و كبل و موبينه و عمره مرتين مخلتش حاجة.
وأخيرا حصرتها بين كربراتير و رداخ أو طلمبة البنزين.
يا ريت لو حد يساعدني في تحديد العطل بالضبط؟

sent from my alcatel one touch 6040d using forum runner

العربية لما تبطل مابتدورش تانى غير لما تفتح عمه الكاربراتير وتنفخ فيها وبتلاقى بنزين كتير فى الكاربراتير او لازم تسيب العربية حوالى 1/2 ساعة قبل ماترضى تدور ؟؟
لو كده يبقى فيه عندك الباب التانى بيفتح بدرى وبيشرق العربية المفروض الباب التانى يفتح عند سرعة 100
عموما لو عاوز اوصفلك مهندس فى الكاربراتير لو تحب؟؟

[ali207]

اشكر كل من اهتم بالمشاركة. وفي انتظار من يدلنا على طريقة تركيب الكربراتير

Sent from my ALCATEL ONE TOUCH 6040D using Forum Runner

[ehab mobarak]

للأسف انا ما عنديش خبرة في الكربراتير بسخان كهربا لكن اظن ان مشكلتك في التقطيع من الرداخ اما الكربراتير فهاتله طقم بكات 92.5 و 120 وبك سلانسيه اصلي اللي موجود في السوق صيني حابرجل العربية والأصلي التشيكي غالي شوية انا جبته كان عامل 120 جنيه وراجع علي ابرة العوامة ولو محتاجة تغيير غيرها وحارفق لك الكتالوج بتاع الكربراتير ارجو انه يفيدك

[ehab mobarak]

الرابط الخاص بالكتالوج كالتالي http://filerio.in/fb4qmbdquuji حيث ان الملف 15 ميجا لم يمكن رفعه من خلال الموقع وارجو ان يفيدك

[zxcv38]

وصلت إلى ايه