دبه بتحصل في العربيه

[mostafa hassan]

السلام عليكم
انا ظهر عندي دبه في العربيه من فتره
وانا ماسي علي الاول او التاني ورفعت رجلي عن الدرباج بحس بدبه حصلت
الموضوع ده حصل من فتره والحل اني غيرت قاعده الموتور( قاعده الفتيس)
ولما ظهرت تاني اليومين اللي فاتو لقيت قاعده طرمبه المياه مقطوعه ( علشان كده كنت عمامل موضوع علي تغييرها وتم تغييرها بنجاح)
المشكله ان الدبه لسه موجوده
ايه يكون السبب تاني

[adhmmaamon]

لو الدبه دى بنخعه (يعنى العربيه بتكلبش يبقى قدم الكهربا شويه )
لو حاجه تانيه شوف شداد الفتيس وده بيبقى ماسك الفتيس من تحت ( قاعده تالته ) او البطاحات .

[mostafa hassan]

البطاحات كان في واحده مقطوعه واتغيرت
وشداد الفتيس قلت للميكانيكي يبص عليه وهو بيغير طقم الدبراج وقالي سليم

[adhmmaamon]

البطاحات كان في واحده مقطوعه واتغيرت
وشداد الفتيس قلت للميكانيكي يبص عليه وهو بيغير طقم الدبراج وقالي سليم

لو فيه زنه تحت رجلك ممكن يكون صلايب كوبلن داخلى .. ممكن كمان يكون الشكمان مش مربوط كويس وبيخبط فى بطن العربيه .. دى كده كل الاحتمالات تقريبا

[المنسي]

ممكن تكون كاوتش الشكمان اتقطع والشكمان بيخبط من تحت

[tito32]

متابع

[أحمد جودة]

الخبط دة منتظم يعني على طول وعلى وتيرة واحدة ولا كام خبطة وخلاص

لو على وتيرة واحدة ومنتظم أرجح أن الباطاحات بتاعت المساعد

أما لو كام خبطة ممكن يبقي من اكتر من سبب كما ذكر الاخوة الزملاء
وضيف على كدة ضعف السوست بتخلي العربية من تحت تخبط فى الشكمان

[mostafa hassan]

الخبطه بتظهر مع الغيار الاول والثاني فقط
ادوس بنزين وارفع رجلي من علي الدبرياج
مع الرفعه من علي الدبرياج تحصل خبطه
لو دست دبرياج وجيت اسيبه تاني تحصل خبطه

[EngAhmedSayed]

قبل ما تعمل حاجة حاول اكشف على الكوتش ليكون ملووووووووح
و دى بتعمل دبة و بتروح على السرعات العالية
خلى بالك

ربك المستعان

[المنسي]

وبص برده على صلايب الكوبلن