اكسدام امامى فليشيا

[amo2005]

السلام عليكم
عندى فليشيا 97
اﻻكسدام اﻻمامى واحد خبطة عاوز اغيرة
تنصحونى إجيبة منين وسعرة كام
أنا من المعادى
شكرا ليكم

[أحمد جودة]

فيه واحد اللى بتعامل معاة فى حلوان مدينة الحرفيين بس مش هيكون زي اللى راكب هتلاقيه خفيف وناشف وتقريبا فى حدود 250 أو 300

نصيحتي ليك روح لبتاع فيبر يلحم الاصكدام ورشة هيكون أفضل كتير من الجديد أو هات واحد استيراد وياسلام لو طلع نفس لون العربية

[amo2005]

فيه واحد اللى بتعامل معاة فى حلوان مدينة الحرفيين بس مش هيكون زي اللى راكب هتلاقيه خفيف وناشف وتقريبا فى حدود 250 أو 300

نصيحتي ليك روح لبتاع فيبر يلحم الاصكدام ورشة هيكون أفضل كتير من الجديد أو هات واحد استيراد وياسلام لو طلع نفس لون العربية

شكرا ليك اخى الفاضل
هحاول اشوفة استيراد يكون أفضل
ﻻن اللحام مش هينفع اتشرخ من أماكن كتير للاسف

[mostafa hassan]

بالتوفيق وابقي قولنا عمل كام

[zxcv38]

سعر الاستيراد 400 فاضي بدون الشابورة جديد 175

[mostafa hassan]

سعر الاستيراد 400 فاضي بدون الشابورة جديد 175

موجود عند مين

[EngAhmedSayed]

شوف ابوا اسﻻم فى وكالة البالح قولو من طرفنا

[AhMeD MeTwAlY]

زي ما الرجاله ما قالت الاستيراد افضل بكتير من الجديد لان الجديد من اقل خبطه هيتكسر تاني ويبق معملناش حاجه

[أحمد جودة]

زي ما الرجاله ما قالت الاستيراد افضل بكتير من الجديد لان الجديد من اقل خبطه هيتكسر تاني ويبق معملناش حاجه

فعلا الاستيراد افضل كتير
انا شوفت الجديد ناشف جدا وعامل زي الباغ واقل خبطة تتشرخ

[zxcv38]

في الاسكندرية جديد عن راشد استيراد من عند الرشيدي

[amo2005]

خﻻص يبقا أن شاء الله أجيب استيراد بس الفلوس تيجى بقا

[amo2005]

اشكر كل من اهتم بالرد
ﻻقيت استيراد غالى ب 450
جبت جديد كورى وخامه ممتازة طرية مش ناشفة
ب 190 جنيه من محل الحاوى بشارع 77 بالمعادى
شكرا للجميع

[smoke_vfx]

على فكره انا مركب ماليزى وممتاز ومرن الاستيراد بحس ان اللى بيبيع بيتكلم عن عربيه تانيه انا فى مره سألت واحد اقسم بالله قالى 900 جنيه وعلشان خاطرك 700 شغل استهبال بصراحه فاجبت ورا وامامى ماليزى وزى الفل

[EngAhmedSayed]

الف مبروك على الاكصدام
و سعره ممتاز يا صديقى

[Amrorshwan]

انا اشتريت اكصدام تايلندى ب 180 من المهدى فى الحرفيين وخامة 100 % وزى الفل ولو الفوانيس عندك مكسورة هتشترى فانوسين شابورة صينى مش فاكر الماركة بس متين وكويس الواحد ب 75 ج يعنى اجمالى التكلفة 330 جنيه واحسن عندى من الاستيراد اللى بيقولوا 450 ج على الاقل حاجة جديدة ومش متجرح من كل حتة ومشوه زى الاستيراد
ملحوظة هامة جداً : فانوسين الشبورة فيهم لمضة صينى هتتحرق بعد اسبوع فقط - فانصيتحى انك تركب اللمض القديمة فى فوانيس عربيتك او تشترى المانى الواحدة ب 10 ج عشان مش كل شوية تفك الاكصدام