استفسار عند الشراء

[romanysebs]

بعد التحيه لكل الاعضاء
انا ناويت اشتري سكودا فليشيا
محتاج اعرف ايه اكتر حاجه اخد بالي منها في العربيه لما اشتريها
يعني اكتر حاجه بيبقا فيها مشكله
وليكم كل الشكر

[AYMAN616]

أحسنت الإختيار

ميكانيكى فاهم و ثقة

سمكرى صايع علشان البرومة و الخبطات و خلافه

و خالى بالك من دروة التبريد ( الحرارة )

و لازم تجرب العربية و تمشى بيها و ودنك معاها و أنت ماشى

و بالتوفيق إن شاء الله

[المنسي]

بعد التحيه لكل الاعضاء
انا ناويت اشتري سكودا فليشيا
محتاج اعرف ايه اكتر حاجه اخد بالي منها في العربيه لما اشتريها
يعني اكتر حاجه بيبقا فيها مشكله
وليكم كل الشكر

اساسيات العربية من شاسيه وعفشة وبعد كده الموتور لانك ممكن تشترى عربية شكلها من برة جامدة بس تلاقيها مخبوطة خبطات فى العضم بتاعها انما الموتور ممكن اسط حاجة انك تسقط موتور وده عادى
بالتوفيق وربنا يرزقك بعربية تكون حالتها كويسة

[romanysebs]

استفسار

شكرا جدا يا جماعه علي الاهتمام
لكن بالنسبه لموضوع تسقيط الماتور هو دا شئ بسيط يعني
ويترا تكلفته تبقي في حدود كام ؟؟

[romanysebs]

انا لقيت سكودا فليشيا كومبي١٩٩٨ لكن رشه العتب الخلفي ومطلوب فيها ٣٠ وحلتها الداخليه والخرجيه والماتور ٦٥%
ايه رايكم ؟؟؟

[EngAhmedSayed]

اضافة لكﻻم صحبى و حبيبى المنسى و باقية اﻻخوة
اهم حاجة تبص على البطاحات ﻻنى 60% فى العربيات بطاحاتها مشرخة
و العيب دة متكرر مع فيات 128
ودة بيبقى راجع انى العفشة مش كويسة
( مساعدين و سوست و كاوتش البطاحة)
ربك المستعان

[أحمد جودة]

خد معاك سمكري كويس يتاكد من الشاسية ولو فيه خبطات مؤثرة ومفيش بارومة مستخبية وبعد كدة قيم حالة العربية ككل ( حالة الكاوتش البطارية الصالون الدهان الموتور ) لان كل دي تكلفة تضاف الى سعر العربية المعروض

[AHMED_FAYED_1]

بالاضافه لكلام الاعضاء اتاكد كويس جداً من دوره التبريد و الحراره في العربية مهم جداً جداً
راجع الوصلات و الخراطيم كويس و لاحظ لو في تسريب
و حاجه كمان ممكن تفك غطي الزيت علشان لو عامل طحنه مهم جداً
و بالتوفيق ان شاء الله

[drislamaggag]

بعد اذن حضراتكم يا جماعة عاوز اعرف سعر الكبالن بتاعت الفيليشيا و مصنعية تركيبها و متوفرة و لا لأ
عشان قدامي عربية محتاجة كبالن

[zxcv38]

سعر الكوبلن صيني 150 ايطالي 250 الماني 300 الاسعار من الفرقان السيوف اما المصنعية 50 جنيه.
من وجهة نظري اهم حاجه الشاسيه والبارومة كله ليه حل لكن لو في بارومه في قائم شرخ في الحوض

[drislamaggag]

سعر الكوبلن صيني 150 ايطالي 250 الماني 300 الاسعار من الفرقان السيوف اما المصنعية 50 جنيه.
من وجهة نظري اهم حاجه الشاسيه والبارومة كله ليه حل لكن لو في بارومه في قائم شرخ في الحوض

شكرا استاذ محمد ، ربنا يخليك

[romanysebs]

موتور الفليشيا

طبعا شكرا لجميع المشاركات وفعلا الواحد بيستفيد جدا منها
لكن في استفسار بخصوص
لو الواحد بعد ما اشتري سياره فليشيا واكتشف للاسف ان ماتورها مش تمام ومطر لتغيره
اي اسعاره وتكون موجوده فين وايه الافضل العمره ولا شراء ماتور جديد