وش سلندر

[ehab mobarak]

الساده الزملاء الإثنين اللي فات رحت اغير جوان مش السلندر عشان مشكلة نقص الميه والضغط المحبوس في دورة الميه ولقيت العربيه بتسخن علي السرعات العاليه وحليت عند الميكانيكي وكانت الصدمه اللي ماكنتش عايزها تحصل وش السلندر مبخبخ ومنقر نقر عميقه من الميه وفي اماكن كتيره ولا يمكن تزويده وكشطه مره اخري لأنه لو اتزود واتكشط حابوظ اكتر والميكانيكي قالي اجيب وش تاني المهم هو عمللي حل مؤقت لحد ما اجيب وش ملي النقر بالمادتين وساوي السطح كويس عشان ما يبقاش فيه عالي وواطي وركبت الجوان ولحد دلوقت الدنيا تمام الثرموستات اشتغل كويس والميه مش بتنقص زي الأول والعربيه ما بتسخنش زي الأول ورحت اسال علي وش السلندر في الفراهده في الاسكندريه لاقيته ب 1400 جنيه بصماماته الصراحه اتصدمت حد يعرف طريق وش كويس ويكون سعره كويس قلولي اعمل ايه واسف علي الاطاله

[Ahm662]

الساده الزملاء الإثنين اللي فات رحت اغير جوان مش السلندر عشان مشكلة نقص الميه والضغط المحبوس في دورة الميه ولقيت العربيه بتسخن علي السرعات العاليه وحليت عند الميكانيكي وكانت الصدمه اللي ماكنتش عايزها تحصل وش السلندر مبخبخ ومنقر نقر عميقه من الميه وفي اماكن كتيره ولا يمكن تزويده وكشطه مره اخري لأنه لو اتزود واتكشط حابوظ اكتر والميكانيكي قالي اجيب وش تاني المهم هو عمللي حل مؤقت لحد ما اجيب وش ملي النقر بالمادتين وساوي السطح كويس عشان ما يبقاش فيه عالي وواطي وركبت الجوان ولحد دلوقت الدنيا تمام الثرموستات اشتغل كويس والميه مش بتنقص زي الأول والعربيه ما بتسخنش زي الأول ورحت اسال علي وش السلندر في الفراهده في الاسكندريه لاقيته ب 1400 جنيه بصماماته الصراحه اتصدمت حد يعرف طريق وش كويس ويكون سعره كويس قلولي اعمل ايه واسف علي الاطاله

مش العربية ماشية كويس خلاص علي بركة الله :))). ......انزل بورسعيد وشوف الاسعار هناك عاملة ايه

[sakr_skoda]

تنقير المية فى وش السلندر عادة بيكون من ناحية المانيفود وهى دى مجارى المية وعادة بتتزود المونيوم وبيتقشط الوش على ابوة زى ما انا عملت فى عربيتة بعد دوخة وتلذيق سيلكون ومواد اخدت الوش بنفسى روحت زودت ووديتة المخرطة قشط واهو بقاله 3 سنين شغال ولله الحمد**

موضوع المادتين دا حل مؤقت مش حيدوم كثيرا **

وعلى العموم خليك ماشى عادى وعندما تحدث المفاجأة حل الوش وصورهولنا ولو ماكنش فيه فايدة يبقى ممكن تشترى وش استيراد **

[أحمد جودة]

اعتقد ممكن تزود الوش وتخرطه لحد فترة مؤقته وبعد كدة فكر فى تسقيط مكنة جديدة وخلي التانية اسبير

[tamer0101]

واحد صاحبى عنده فليشيا 95 لسه جايب وش السليندر بالمانفود بالكاربراتير 1400 فى السيوف

[ehab mobarak]

استاذ تامر ممكن تسال صاحبك جابه من عند مين بالظبط والعنوان ايه او اسم المحل ايه وشكرا

[ehab mobarak]

انا شفت الوش فيه نقر كتير مش من ناحية المانفولد من فوق ولو اتزود حايقفع وهو متجلخ قبل كده والميكانيكي قالي ان وش تاني احسن عشان ماشتكيش بعد كده من الحراره وحشتري وش وامري الي الله بس اجيبه منين بسعر كويس انا اقرب مكان ليا الاسكندريه وسالت في الفراهده كله ماسك علي 1400

[reyad_mohamed]

بص ياباشا فى عزبة شلبى بالقرب من مسطرد اى حاجة تحتاجها للسكودا الفليشيا انا اشتريت منه ماتور كامل للعربيه من سنة ونصف كان عامل 2200 جنيه كامل بالفتيس بالدينمو بالكربرتير
والشورت بلوك كان عامل 1500 جنيه مش وش سلندر بس
عموما ده رقمه 01002338053 اتصل بيه واسأل على اللى انت عاوزه بس لازم تأخد معاك الميكانيكى علشان يشترى الحاجة ليك على مسئوليته

[ehab mobarak]

الأخوة الزملاء بعد تفكير جبت شورت بلوك لأن الوش ب 1200 والشورت عل بعضه ب 2000 وقلت اجرب حاروح النهارده للميكانيكي عشان اركبه ادعولي بس ليا استفسار بسيط الورق بتاعه بعد ماخد الافراج الجمركي اوديه المرور فين دلوقت ولا لما ارخص واعمل ايه افيدوني افادكم الله

[waell2007]

ربنا معاك وان شاء الله ييسرلك امورك

[sakr_skoda]

الأخوة الزملاء بعد تفكير جبت شورت بلوك لأن الوش ب 1200 والشورت عل بعضه ب 2000 وقلت اجرب حاروح النهارده للميكانيكي عشان اركبه ادعولي بس ليا استفسار بسيط الورق بتاعه بعد ماخد الافراج الجمركي اوديه المرور فين دلوقت ولا لما ارخص واعمل ايه افيدوني افادكم الله

انتا لخبط لى دماغى ياراجل انتا بتتكلم عن وش السلندر اى دخل الشورط بلوك انا بمعلوماتى اعرف ان الشورط بلوك بيبقى كتلة الموتور السفلية يعنى موتور بدون وش السلندر والفتيس والملحقات الاخرى ولا حضرتك اشتريت موتوركامل من غير فتيس ومن غير دينمو والملحقات الاخرى؟؟؟؟؟

[ehab mobarak]

لا لخبطه ولا حاجه انا كنت محتاج وش سلندر لاقيته ب 1200 ولاقيت الشورت بلوك اللي هو عبارة عن الموتور بدون ملحقات (فتيس ودينو ومارش وكربراتير ) ب 2000 قلت اجيبه واهو ارفع كفاء العربيه المهم اني جبته ومعاه طلمبة الميه بتاعته عشان الطنابير بتاعته عريضه واللي. عندي الرفيعة المهم ركبت امبارح عند الميكانيكي والموتور الجديد كان حقن ركبت الكربراتير بتاعي وجبت رداخ كهربا ودارت العزبيه الحمد لله بس فيه حاجات مش عجباني ومقلقاني الاول لا الكهربا ولا التاكيهات مضبوطة ودي لسه حاتتظبط لكن انا سامع صوت خشانه والموتور صوته عالي خايف تكون من طلمبه الميه اللي جايه معاه صوت الموتور القديم كان ناعم والا ده عشان الموتور في مرحلة تبةليين بع الركنه ممكن تفيدني في الموضوع ده وعذرا علي الاطاله

[sakr_skoda]

لا لخبطه ولا حاجه انا كنت محتاج وش سلندر لاقيته ب 1200 ولاقيت الشورت بلوك اللي هو عبارة عن الموتور بدون ملحقات (فتيس ودينو ومارش وكربراتير ) ب 2000 قلت اجيبه واهو ارفع كفاء العربيه المهم اني جبته ومعاه طلمبة الميه بتاعته عشان الطنابير بتاعته عريضه واللي. عندي الرفيعة المهم ركبت امبارح عند الميكانيكي والموتور الجديد كان حقن ركبت الكربراتير بتاعي وجبت رداخ كهربا ودارت العزبيه الحمد لله بس فيه حاجات مش عجباني ومقلقاني الاول لا الكهربا ولا التاكيهات مضبوطة ودي لسه حاتتظبط لكن انا سامع صوت خشانه والموتور صوته عالي خايف تكون من طلمبه الميه اللي جايه معاه صوت الموتور القديم كان ناعم والا ده عشان الموتور في مرحلة تبةليين بع الركنه ممكن تفيدني في الموضوع ده وعذرا علي الاطاله

كدا انا فهمت ان حضرتك اشتريت موتور بدون وحدادات التغذية اللى هو موتور بوش السلندر بالمانيفود دا بقى مش اسمة شورط بلوك ***

طيب مادام الموتور بتاعك كان عيبة فقط وش السلندر ما تركب الوش اللى جاى مع الموتور الجديد على متورك افضل وخلى البلوكة عندك تنفعك بعدين ولا وجع الافراج والمرور**

[waell2007]

لا لخبطه ولا حاجه انا كنت محتاج وش سلندر لاقيته ب 1200 ولاقيت الشورت بلوك اللي هو عبارة عن الموتور بدون ملحقات (فتيس ودينو ومارش وكربراتير ) ب 2000 قلت اجيبه واهو ارفع كفاء العربيه المهم اني جبته ومعاه طلمبة الميه بتاعته عشان الطنابير بتاعته عريضه واللي. عندي الرفيعة المهم ركبت امبارح عند الميكانيكي والموتور الجديد كان حقن ركبت الكربراتير بتاعي وجبت رداخ كهربا ودارت العزبيه الحمد لله بس فيه حاجات مش عجباني ومقلقاني الاول لا الكهربا ولا التاكيهات مضبوطة ودي لسه حاتتظبط لكن انا سامع صوت خشانه والموتور صوته عالي خايف تكون من طلمبه الميه اللي جايه معاه صوت الموتور القديم كان ناعم والا ده عشان الموتور في مرحلة تبةليين بع الركنه ممكن تفيدني في الموضوع ده وعذرا علي الاطاله

مبروك علي الموتور الجديد وعلي ما اظن ان شوت الخشونة من سير الكتينة ممكن تغيرة وان شاء الله الصوت يكون كويس

[ehab mobarak]

فعلا صوت الخشانه طلع من الكاتينه وحاغيرها في اقرب وقت ان شاء الله المهم ضبط العربيه مع الموتور الجديد لان الموتور الجديد 136 m والقديم 135 ومحتاج شويث تظبيطات