فلشياوي جديد

[المصوراتي]

السلام عليكم ورحمة الله وبركاته
عيد سعيد عليكم جميعا كما هو واضح من العنوان انا جديد مع سيارة فيليشيا وجديد على السواقه والسيارات عامة يعني دي اول عربية اجيبها وكمان اول مرة اسوق عربيتي سكودا فيليشيا موديل 2000 انجكشن
من وقت ما جبت العربية وانا في مأساة بمعنى الكلمة
بدأت معايا من اول يوم والمكان اللي اشتريناها منه بعيد عن مكان سكني ب 100 كيلو تقريبا المهم مروحة الريداتير فصلت والحرارة عليت وطلعت بخار ميه من القربة
واضطرينا لتشغيل التكييف لمواصلى المشوار ووصلنا بالسلامة تاني يوم الصبح بدأت رحلة المصاريف البشعة وديتها للكهربائي ظبط المروحه وغير الترموستات واشتغلت والحمد لله
وبعد كدا رحت غيرت زيت وفلاتر ولاحظت ان فرامل اليد كأنها مش موجوده وديتها للمكانيكي كشف عليها وبعد ما شد اسلاك فرامل اليد وخرجت بيها مشوار لقيت الجنوط الخلفيه بتسخن وريحة شياط رجعتله تاني فك العجل لقاه قافش خبط عليها المهم قاللي الجرابات بايظه جبتله جرابات تركي بالسلك وكنت ملاحظ ان العربية بتنتش وتقيله في السحب قلتله شوفلي الموضوع ده سببه ايه المهم سيبتله رقم تليفوني اول ما خلص اتصل وبلغني ان ركب اسلاك الفرامل بس العربية هتحتاج جوان وش سلندر وقاللي هو لسه في البداية ووراني اثار الطحينة على غطا الزيت قولتله اشتغل وسيبت العربية بايته عنده ولما خلص اتصل عليا وقاللي تعالى بعد العيد احرقلك على وش السلندر اول حاجة لاحظتها بعد الاستلام في اول مشوار ان العربية كانت بتحتاج اسندها بنزين علشان تدور لكن بعد كدا تاني يوم وبعد رجوعي من المشوار راح الموضوع ده تاني حاجة الفرامل ماكنتش بتحضر الا بعد دوستين عليها وحسيت بسخونة الجنوط الخلفيه وتاني يوم والعربية بارده الفرامل كانت موجوده عادي ومن اول سنة بحس بيها وفي تاني مشوار حسيت بحاجه تانيه بعد ما اخد مطب وانا على التاني وارجع علشان اشيل رجلي من الدبرياج وادوس بنزين احسن مفيش سحب للعربيه خالص وكأني مش بدوس بنزين الا لما انزل الاول واخد سرعته وانقل على التاني وبعد رجوعي من المشوار لقيت الجنوط الخلفيه سخنه وريحة شياط
وكمان صوت الماتور عالي شويه وكمان الشكمان بيترج جامد والماتور في هزة
اسف على الاطاله
وارجو من اهل الخبرة افادتي
ملحوظه الزيت مش بينقص والمياه مستقرة
وتحياتي لكم جميعا وكل عام وانتم بخير

[ahmedvaio]

انا نصيحتى لك انك تدور على احد من اقاربك او اصحابك يكون بيفهم فى العربيات و يتعب معاك و يروح معاك لميكانيكى او كهربائى لغاية ما تتعلم .. و حاول تسأل عن ميكانيكى بيشتغل و بيفهم فى الفيليشيا , اللى مش شغال فى الفيليشيا حايعملك حقل تجارب و انت اللى هاتدفع تمن علامه و بعدين فيه صنايعية كتير ماعندهومش ضمير , لما يعرفوا انك جديد و العربية جديدة عندك حايفتحولك شغل ممكن مايكونش ليه اى لازمة ..
عشان كده دور على حد يتابع معاك او صنايعى يكون عنده ضمير
تحياتى لك

[sakr_skoda]

لا حولا ولا قوة الا بالله حضرتك للاسف اتدبست فى فليشيا متهانة منه لله اللى اهان الفليشيا ربنا ينتقم منه المهم***

اخى الكريم انتا جديد واحنا كلنا كنا زيك ومرينا بتجارب اسخم من دى انا شخصيا اول سيارة اشتريها كانت فيفورتى واول دواسة سيارة ادوس عليها كانت العزيزة فيفورت وكنت شاريها شبه عربية متبهدلة وتقريبا فيها كل المشاكل اللى حضرتك سردتها كانت مع امراءة علشان كدا باقول احذر تشترى سيارة امراءة او طبيب**

عزيزى ما ينفعش موضوع التليفون مع الباا الدكتور لازم توسخ هدومك وخلى الجماعة يتعودو على تشحيم وتزييت الملابس اسف ليهم فى البداية عاوزك تتعلم عاوزك تعرف المشكلة سببها ايه وحلها ازاى عاوزك تحب العربية وتعشقها معلش حتتعب شوية بس والله الفليشيا لو حست بيك انك واخد بالك منها عمرها ما حتقصر معاك انا شخصيا عشقت الاسكودا ولاممكن ابدا اغير ماركة اسكودا اعلى بالموديل اه انما اغير منتجات اسكودا مستحيل ودا من محبوبتى الولى فى حياتى استحملت منى السواقة الحمارة ورجلى اللى زى الدبشة والحمد الله اصبح التقارب بيننا موجود لدرجة انى باعمل كل حاجة بايدى من الفرامل الى جوان وش السلندر دون استشارة المشتشارين او الدكاترة كله بتعاون الزملاء هنا فى قسم اسكودا***

انا ما بحبش اسلوب حضرتك فى المعاملة مع العربية شكلك بتعاملها كعربية تفوت ولاحد يموت لالالالالا انا عاوزك تلذق لكل الفنانين اللى بيشتغلو فى العربية وعاوزك تعمل نفسك عبيط قدامها الى ان تحصل على المعلومة علشان عاوزينك بعد كدا تقاطعهم***

موضوع الفرامل انتا كان ممكن توفر على نفسك وجع الدماغ وتجيت الصرة بالفرامل والواير كاملة استيرا الواحدة فى حدود 100 جنية وكله فك وتركيب لاكن المهم**

المستر العمومى عندك بايظ يجب تغييرة ودا سعرهتقريبا 220 جنية هو دا اللى بيسخن الخنوط لأنك بتقول بعد المشوار الجنوط بتسخن وحضرتك اكيد مش بتمسك فرامل اليد دى بنستعملها فقط عندما نقوم بركن السيارة**

نقطة الدوارة دى عادى والحمد لله راحت لأنك كنت فاتح بطن العربية لأبض من بعض الاعراض الجانبية المؤقتة**

موضوع وش السلندرراقب الموضوع لأنى باشك فى شغل الباشا ودا بتعرفة من غطاء الزيت وربنا ما يجيب مشكلة تانى***

عاوزك بقى تعرض المشكلة هنا قبل ما تروح للباشا واحنا حنساعدك ممكن نخليك تحل المشكلة بنفسك او اهو على الاقل يبقى عندك فكرة وانتبا بتسمع وصلة الطرب من الباشا الدكتور***

[المصوراتي]

اشكر كل من قام بالرد شكرا جزيلا
والحمد لله بعد مشوارين سخنين في الزحمة كمان مفيش طحينة على غطاء الزيت
لكن اللي عايز افهمه هل كهربة العربية محتاجه ظبط والعربية فيها كمبيوتر ولا لا هي فليشيا 2000 انجكشن
وهل موضوع الفرامل ممكن يؤثر على سحب العربيه في الغيار التاني لان العربية مش بتسحب لوكنت على الغيار التالت ونزلت منه على التاني علشان اخد مطب لما برجع ارفع رجلي من الدبرياج وادوس بنزين العربيه مش بتسحب الا لما انزل على الاولاني واخد سرعته وانقل على التاني وياريتني فعلا عندي وقت اقدر الزق للمكانيكي لحد ما يخلص شغله
وكل عام وحضارتكم بخير

[sakr_skoda]

اشكر كل من قام بالرد شكرا جزيلا
والحمد لله بعد مشوارين سخنين في الزحمة كمان مفيش طحينة على غطاء الزيت
لكن اللي عايز افهمه هل كهربة العربية محتاجه ظبط والعربية فيها كمبيوتر ولا لا هي فليشيا 2000 انجكشن
وهل موضوع الفرامل ممكن يؤثر على سحب العربيه في الغيار التاني لان العربية مش بتسحب لوكنت على الغيار التالت ونزلت منه على التاني علشان اخد مطب لما برجع ارفع رجلي من الدبرياج وادوس بنزين العربيه مش بتسحب الا لما انزل على الاولاني واخد سرعته وانقل على التاني وياريتني فعلا عندي وقت اقدر الزق للمكانيكي لحد ما يخلص شغله
وكل عام وحضارتكم بخير

طبعا اى عربية انجكشن لازم يكون فيها كمبيوتر***

موضوع السحب اعتقد ان حضرتك على وشك تغيير طقم الديبرياج اسطوانة وديسك وبلية الديبرياج***

[المصوراتي]

ربنا يتستر بقى انا كرهت نفسي والله كل يوم مصاريف لما استويت

[ahmedvaio]

ربنا يتستر بقى انا كرهت نفسي والله كل يوم مصاريف لما استويت

اهم حاجة تكون بتصرف صح .. يعنى فى اساسيات لازم تتعمل مش اشتغالات من الصنايعية
ربنا يقدرك و يوسع عليك

[المصوراتي]

بالرغم من اني متبهدل مع العربية ولاني جديد في السواقه بس فرحان شويه لاني بدأت اتعلم حاجه جديده وبدأت اتعلم ميكانيكا كمان ويمكن اللي بيحصلي ده لاني اتبترت على العربيات الزيرو المهم دالوقت ممكن اوصفلكم العطل اللي في العربية لاني حاسس اني فهمت شوية وخاصه اني جازفت وطلعت بالعربية وانا عارف ان فيه مشكله في الفرامل
واطلب من الساده الافاضل خبراء الفيليشيا يتبنوني ويعلموني ويكون صدرهم رحب ليا ولكل اللي زيي لحد ما يتعلموا
طبعا قلت في السابق اني لسه مغير جوان وش السلندر يوم الخميس وبصيت على مقاس الزيت وغطا الزيت الحمد لله مفيش موضوع الطحينة
لكن اللي لاحظته والعربية دايرة لما بدوس على الفرامل بسمع صوت تنفيس هوا من عند الدواسه عداد rbm بيرفع وينزل سنة صغيره جدا مع الضغط ورفع رجلي من على الفرامل طبعا والعربيه واقفه على السلانسيه وانا برجع مرشديل العربية بطلت ومادرتش الا لما سندتها سنة بنزين العربية وهيا مبطله بدوس الفرامل بتنفس مرة واحده وبعد كدا بتجمد لاحظت اني لما بدوس فرامل كذا مرة والعربيه مبطلة لما اجي ادورها بتدور عادي بدون ما اسندها بنزين يا ريت بقى تشخيص الساده الخبراء لاني هوديها للميكانيكي السبت ان شاء الله
وتحياتي لكم جميعا

[ahmedvaio]

لو دوست فرامل و الموتور مبطل هاتلاقى بدال الفرامل تقيل جدا و لو الموتور داير هايبقى باللمس و ده بسبب ان منظومة الفرامل بتاخد ضغط هوا من الموتور عن طريق السيرفو و ده سبب الصوت اللى بتسمعه لما تدوس فرامل و ده صوت طبيعى ماتخافش منه
حكاية الدوارة مع السندة دى سهلة جدا مجرد تظبيط كهربا او بنزين
العربية الانجيكشن زى الفل و هاتريحك المهم اللى بيشتغل فيها يكون فاهم لها
ان شاء الله بكرة عربيتك تتظبط و تبقى تفتكر الايام الصعبة دى

[المصوراتي]

لو دوست فرامل و الموتور مبطل هاتلاقى بدال الفرامل تقيل جدا و لو الموتور داير هايبقى باللمس و ده بسبب ان منظومة الفرامل بتاخد ضغط هوا من الموتور عن طريق السيرفو و ده سبب الصوت اللى بتسمعه لما تدوس فرامل و ده صوت طبيعى ماتخافش منه
حكاية الدوارة مع السندة دى سهلة جدا مجرد تظبيط كهربا او بنزين
العربية الانجيكشن زى الفل و هاتريحك المهم اللى بيشتغل فيها يكون فاهم لها
ان شاء الله بكرة عربيتك تتظبط و تبقى تفتكر الايام الصعبة دى

ربنا يطمنك يا استاذ احمد
بس عربيه فيها مشكلة الفرامل بتروح بعد حوالي 20 كيلو او تلاتين كيلو ولازم ادوس مرتين علشان تحضر معايا

[sakr_skoda]

بالرغم من اني متبهدل مع العربية ولاني جديد في السواقه بس فرحان شويه لاني بدأت اتعلم حاجه جديده وبدأت اتعلم ميكانيكا كمان ويمكن اللي بيحصلي ده لاني اتبترت على العربيات الزيرو المهم دالوقت ممكن اوصفلكم العطل اللي في العربية لاني حاسس اني فهمت شوية وخاصه اني جازفت وطلعت بالعربية وانا عارف ان فيه مشكله في الفرامل
واطلب من الساده الافاضل خبراء الفيليشيا يتبنوني ويعلموني ويكون صدرهم رحب ليا ولكل اللي زيي لحد ما يتعلموا
طبعا قلت في السابق اني لسه مغير جوان وش السلندر يوم الخميس وبصيت على مقاس الزيت وغطا الزيت الحمد لله مفيش موضوع الطحينة
لكن اللي لاحظته والعربية دايرة لما بدوس على الفرامل بسمع صوت تنفيس هوا من عند الدواسه عداد rbm بيرفع وينزل سنة صغيره جدا مع الضغط ورفع رجلي من على الفرامل طبعا والعربيه واقفه على السلانسيه وانا برجع مرشديل العربية بطلت ومادرتش الا لما سندتها سنة بنزين العربية وهيا مبطله بدوس الفرامل بتنفس مرة واحده وبعد كدا بتجمد لاحظت اني لما بدوس فرامل كذا مرة والعربيه مبطلة لما اجي ادورها بتدور عادي بدون ما اسندها بنزين يا ريت بقى تشخيص الساده الخبراء لاني هوديها للميكانيكي السبت ان شاء الله
وتحياتي لكم جميعا

اخى الكريم ياريت تصبر انتا علينا واحنا حنخليك اجدع من اى صنايعى متخصص فى الاسكودا واحنا لن نتاخر فى اننا نساعد اى عضو لا يشترط المعرفه او الصداقة لالالالالالالا كل ما نفعله من افراد لا نعرفهم ونخدم الجميع كله لو جه الله تعالى ولا نريد حتى كلمة شكرا ****

بالنسبة للمشكلة اللى حكيت عليها انتا كدا جبت الموضوع من الأخر وحليت لغز الفرامل المحير واللى فعلا احترنا معاك فيه انا باختلف مع الزميل اللى رد بعدم وجود مشكلة عاوز اقولك فيه مشكلة ومشكلة مستعجلة جدا وياريت متمشيش بالعربية والمشكلة دى موجود حضرتك لازم تغير سيرفو الفرامل لأن التنفيس اللى بتسمعة دا تهريب هواء من السيرفو ودا اللى بيضغط الزيت فى المواسير وياريت متسترخص وتستهون فى موضوع الفرامل بالذات الله يكرمك بلاش تمشى بالعربيه انا حذرتك غير السيرفو وكل مشاكل الفرامل ستنتهى باذن الله**

بص مادمت حتروح يوم السبت اشترى السيرفو وروح للباشا اطلب منه فقط تغييره ماتخليهوش يرسم عليك ويشتغلك*

[ahmedvaio]

الاستاذ صبحى .. كل عام و انتم بخير ... انا الزميل اللى رد بعدم وجود مشكلة فى تنفيس الفرامل ..
انا عربيتى معايا من مايو 2013 حتى الان و بها صوت التنفيس (لحظى)عند بدال الفرامل , و الفرامل عندى زى الفل و اكتر من حد قاللى ان الصوت طبيعى حتى من فترة لما غيرت الماستر العمومى و كشفت ع الفرامل قاللى الصوت طبيعى و لسة من اسبوعين مغير تيل امامى و الفرامل زى الفل
ايه بقى رأى حضرتك ؟؟ و يا ريت تنصحنى اعمل ايه و هل حضرتك متأكد ان الصوت ده عيب سيرفو

[sakr_skoda]

الاستاذ صبحى .. كل عام و انتم بخير ... انا الزميل اللى رد بعدم وجود مشكلة فى تنفيس الفرامل ..
انا عربيتى معايا من مايو 2013 حتى الان و بها صوت التنفيس (لحظى)عند بدال الفرامل , و الفرامل عندى زى الفل و اكتر من حد قاللى ان الصوت طبيعى حتى من فترة لما غيرت الماستر العمومى و كشفت ع الفرامل قاللى الصوت طبيعى و لسة من اسبوعين مغير تيل امامى و الفرامل زى الفل
ايه بقى رأى حضرتك ؟؟ و يا ريت تنصحنى اعمل ايه و هل حضرتك متأكد ان الصوت ده عيب سيرفو

ههههههههههه أستاذ احمد كل عام وانتم بكل خير وسعادة مهو انا عارف استاذ احمد انك الزميل اللى سبقنى بالرد ***

اعتقد اللى بتسمعة حضرتك مش تنفيس ممكن يكون حاجة تانية احتكاك او تزييق مثلا كلنا عندنا الحكاية دى لاكن لم تظهر معاها مشكلة فى الفرامل يبقى مش احتكاك ولا تزييق دا بقى تنفيس من السيررفو ويجب استبدله فورا***

[ahmedvaio]

انا ان شاء الله هابقى اروح لمتخصص فرامل و اشوف رأيه لانى متأكد انه صوت تنفيس لحظى .. يعنى تسمع الصوت فقط و انت بتدوس (فى مرحلة البدال فقط ) لكن و انت دايس (رجلك ثابتة و ضاغطة ع البدال )مافيش اى صوت تنفيس و الفرامل محكمة جدا
و برضه ياريت لو عندك رأى قولهولى .. شكرا لتعبك استاذ صبحى

[sakr_skoda]

انا ان شاء الله هابقى اروح لمتخصص فرامل و اشوف رأيه لانى متأكد انه صوت تنفيس لحظى .. يعنى تسمع الصوت فقط و انت بتدوس (فى مرحلة البدال فقط ) لكن و انت دايس (رجلك ثابتة و ضاغطة ع البدال )مافيش اى صوت تنفيس و الفرامل محكمة جدا
و برضه ياريت لو عندك رأى قولهولى .. شكرا لتعبك استاذ صبحى

مهو كل مرض ليه اعراض يعنى لما يكون صوت تنفيس والفرامل مبتجمعش الى لما يضغط 3 مرات مثلا وخفيفة وبتهرب بعد 20 كيلو يبقى دا تفريغ للضغط من السيرفو ويجب تغييرة اما انتا عندك عرض ومافيش مرض يبقى العرض دا سببه حاجات تانية كتير البدالات بتعمل احتكاك او البنز بتاعت تثبيت البدالات قافشة سنة تعمل الصوت دا لاكن مادام الفرامل عندك تمام وبتجمع من اول ضغطة يبقى ما فيش اى مشكلة وبلاش تروح لميكانيكى الا لو ظهر المرض****