مساعده من رجالة الاسكودا فيليشيا

[الاسد المهاجر]

السلام عليكم
محتاج مساعدت رجالة الاسكودا
دلوقتي ان شاء الله هبيع الانوس نظرا لظروف وكنت بفكر في كذا عربيه وقررت اشوف الفيليشيا ان شاء الله هيكون المبلغ المتاح من٢٥٠٠٠ الي٣٠٠٠٠ بالكتير ويفضل اقل من٣٠٠٠٠ يجيبو موديل ايه وبكماليات ايه وهحس بفرق بين الانوس والفيلشيا ولصالح مين بالنسبه للصيانه /السحب/مشاكلها /ثبات
ومميزات وعيوب الفيليشا ايه
معلش طولت عليكم

[أحمد جودة]

فى البداية طبعا مينفعش نعمل مقارنة بين الاتنين لاختلاف الفئة والسعر بين الاتنين لكن لكل عربية منهم ميزات وعيوب
يعني باور ونعومة وسحب وتكييف كل دة هيكون لصالح اللانوس

بس متانة الصاج والثبات هيكون لصالح الفليشيا


بس طبعا حضرتك لازم تكون فاهم ومقدر الفرق اللى هتلاقيه لان الفليشيا من عيوبها صوت الموتور خشن .... السحب بالنسبة للدايو مش تمام ... مفيش باور ولا تكييف والعربية ناشفة فى الطرق المكسرة والمطبات

وميزات الفليشيا متانة العفشة والصاج والشاسية ...... ثبات غير عادي على السرعات العالية .... إقتصادية فى البنزين وبتشتغل كمان بـ 80

[أحمد جودة]

اة نسيت اقولك ان من 25 الف لحد 30 الف تجيب فليشيا معقولة لحد 97

أما لو حابب تركب اعلي من كدة فمن بعد الـ 97 هتلاقي 98 و 99 و 2000 ودة موتور انجكشن بس فى السعر هتبقي اعلي من كدة معاك لحد 35 الف وتزيد ...... الموضوع راجع لامكانياتك المادية

[هاله محمود]

انا بردو معايا نفس المبلغ ومش عارفه اجيب ايه
مفيش خيارات تانيه غير السكودا
وهل في حاجات بالسعر ده واتوماتيك

[mohamed878]

صعب اوي تنزل من عربيه ناعمه وماتورها هادي للفيليشيا خشنه رغم مميزاتها حاول تدورلك علي اكسنت

[mohamed878]

انا بردو معايا نفس المبلغ ومش عارفه اجيب ايه
مفيش خيارات تانيه غير السكودا
وهل في حاجات بالسعر ده واتوماتيك

الفليشيا عربيه رجالي شويه دبرياج تقيل و مفيهاش باور هتتعبك نصيحه بلاش

[EngAhmedSayed]

الصراحة بعد كلام
احمد جودة
و الاستاذ محمد
معنديش حاجة اقولها
بالتوفيق يا رجالة

[Amr_650]

لو مفيش غيرها دوس .. بس حاول تشوف حاجة غير الفليشيا برضو ..

[هاله محمود]

الفليشيا عربيه رجالي شويه دبرياج تقيل و مفيهاش باور هتتعبك نصيحه بلاش

طب البونتو الي بتبقى بردو موديل التسعينات ونفس الرينج ده هتبقى تقيله بردو ولا ايه

[smoke_vfx]

بص انا كنت زيك الفلوس اللى معايا نفس الرنج بتاعك لما قارنت وسالت لاقيت انى علشان اجيب عربيه بالمبلغ ده تكون عربيه كويسه وخصوصا انى عاوزها للسفر واحس انى اركب عربيه تعتبر حديثه وكويسه لاقيت ان مافيش افضل من الفليشيا والحمد لله هنا المنتدى شجعنى اكتر من كتر تعاونهم حبيت العربيه لان الفلوس هى اللى بتحكم لو دورت هاتلاقى ان فى مقابل الفليشيا كيا برايد مثلا او سوزوكى سويفت حاجات ماينفعش انك تقارنها اساسا بالفليشيا لو حبيت تعلى فاسعار العربيات اساسا مولعه الاكسنت لو حالتها كويسه هاتعدى الاربعين الف اساسا فالفليشيا هاتكون الافضل بالنسبه للامكانيات الماديه وعربيه عمليه بجد وربنا يوفقك للى فيه مصلحتك .

[أحمد جودة]

انا بردو معايا نفس المبلغ ومش عارفه اجيب ايه
مفيش خيارات تانيه غير السكودا
وهل في حاجات بالسعر ده واتوماتيك

فيه خيارات كتير غير الفليشيا وتناسب حضرتك منها السوزوكي ماروتي على سبيل المثال أو الكيا برايد كلها أو دايو هاتشباك

وبالنسبة للاوتوماتيك منصحش حضرتك بيها فى الموديلات القديمة دي (( الاوتو فى الجديد ))

[أحمد جودة]

انا بردو معايا نفس المبلغ ومش عارفه اجيب ايه
مفيش خيارات تانيه غير السكودا
وهل في حاجات بالسعر ده واتوماتيك

فيه خيارات كتير غير الفليشيا وتناسب حضرتك منها السوزوكي ماروتي على سبيل المثال أو الكيا برايد كلها أو دايو هاتشباك

وبالنسبة للاوتوماتيك منصحش حضرتك بيها فى الموديلات القديمة دي (( الاوتو فى الجديد ))

بس طبعا لو هقارن بين الفليشيا وباقي العربيات دي الفليشيا تكسب المقارنة

[أحمد جودة]

الفليشيا عربيه رجالي شويه دبرياج تقيل و مفيهاش باور هتتعبك نصيحه بلاش

لا أختلف مع حضرتك فى الرأي الفليشيا رجالي وحريمي أولا الدبرياج مش تقيل ولا حاجة وموضوع الباور العربية مش تقيلة بردو للدرجة دي هيا مشكلتها فى الركنة بس خصوصاً لو بتركن بين عربيتين يعني يادوب المكان ياخد العربية بالظبط

يعني انا اصلا بشوف ستات بتركب لادا بشوف ستات راكبين فليشيا يبقي اللي يركبو لادا مش هيعرفو يركبو فليشيا

[أحمد جودة]

الصراحة بعد كلام
احمد جودة
و الاستاذ محمد
معنديش حاجة اقولها
بالتوفيق يا رجالة

تسلم ياباشمهندس احمد أحنا بنتعلم من حضرتك