مشكله جديده

[المصوراتي]

مشكله في العربيه ايه الحل انا عربيتي سكودا فيليشيا 2000 انجكشن لاحظت فيها ان في بوجيه بطلع الشراره بره على جسم الماتور ايه الحل
مفيش اسلاك على فكره هو مشط راكب فوق البوجيهات وتسريب الشراره من الجلده اللي مغطيه البوجيه

[المصوراتي]

ايه يا جماعه 36 مشاهده ولا رد واحد

[ahmedvaio]

لو حصل كده فى العربيات اللى فيها اسلاك للبوجيهات بيكون من الاسلاك .. بالنسبة لك انا ماعرفش ايه المشط ده لكن اكيد ده اللى موصل الشرارة للبوجيهات و اذا حصل شرز خارجى اعتقد انه هايكون السبب او الكاوتشة اللى فوق البوجيه ..
وهانستنى كالعادة رأى الاعضاء اللى عندهم فكرة بالموضوع

[sakr_skoda]

متستننيش ههههههههههههه*والله لو اعرف كنت اقول معرفش يابيه ***

[ahmedvaio]

متستننيش ههههههههههههه*والله لو اعرف كنت اقول معرفش يابيه ***

ههههههههههههههه ...اول مرة اشوفك تقول ماعرفش يا استاذ صبحى

[المصوراتي]

متستننيش ههههههههههههه*والله لو اعرف كنت اقول معرفش يابيه ***

ههههههههه دا انا كنت معتمد عليك يا استاذ صبحي

[أحمد جودة]

طيب ممكن تخدمنا وتخدم نفسك وتصورنا أولا مكان المشكلة عندك وبعد كدة كام صورة للانجكشن وتوصيلاته وأكيد ان شاءالله هنوصل لتفسير أو حل

[المصوراتي]

الحمد لله تم حل المشكله فكيت المشط ونضفت السوست اللي موصله البوجيهات والحمد لله اتحلت

[حسن محمود احمد]

الكويل في العربية الانجكشن يجب ان نشيك عليه كل فترة وانت سبقتني واتصرفت لانني كنت ح قول علي التشيك علي السوست لانها سبب المشاكل في هذا الكويل

[المصوراتي]

الحمد لله بس لاحظت مشكله جديده وهي تسريب ماء في منطقه التقاء الطرمبه بالماتور واعتقد ان الطرمبه شغاله لانها بتقلب ميه في القربه عادي ده كدا ممكن يكون الجوان عايز يتغير؟؟

[sakr_skoda]

الحمد لله بس لاحظت مشكله جديده وهي تسريب ماء في منطقه التقاء الطرمبه بالماتور واعتقد ان الطرمبه شغاله لانها بتقلب ميه في القربه عادي ده كدا ممكن يكون الجوان عايز يتغير؟؟

ممكن يكون الجوان عاوز يتغير دا لو التسريب مباشرة ملاصق لجسم الموتور اما لو التسريب ياتى من تحت الطنبورة يبقى الطلومبة ستحتاج الى تغيير**

[المصوراتي]

التسريب مباشرة ملاصق لجسم الموتور يا استاذ صبحي و فيه مشكله تانيه مقابلاني اتا ا كنت قريت في المنتدى انها قابلتك يا استاذ صبحي وهي قطرات مياه على غطاء الزيت مع تكون ماده اشبه بالكريمه البيضاء وملاحظه درجه الحراره قد تصل لفوق المنتصف وسرعان ما تهبط لتحت المنتصف عندما تعمل المروحه ومع متوسط سرعه 60 كيلو درجه الحراره ثابته تحت المنتصف ولون المياه طبيعي في القربه وطبعا ميه حنفيه ومقياس الزيت طبيعي انا لسه مغير جوان الوش ومشيت عليه حوالي 100 كيلو الميكانيكي بيقول انه غير الزيت حط زيت بيقول انه اماراتي وملاحظه خروج قطرات ماء بسيطه من الشكمان تنتهي بمجرد تسخين الماتور و العادم ليس له لون الا اذا ذودت بنزين يغمق لونه بسيط جدا
ايه التشخيص ؟؟؟؟ بقى

[sakr_skoda]

التسريب مباشرة ملاصق لجسم الموتور يا استاذ صبحي و فيه مشكله تانيه مقابلاني اتا ا كنت قريت في المنتدى انها قابلتك يا استاذ صبحي وهي قطرات مياه على غطاء الزيت مع تكون ماده اشبه بالكريمه البيضاء وملاحظه درجه الحراره قد تصل لفوق المنتصف وسرعان ما تهبط لتحت المنتصف عندما تعمل المروحه ومع متوسط سرعه 60 كيلو درجه الحراره ثابته تحت المنتصف ولون المياه طبيعي في القربه وطبعا ميه حنفيه ومقياس الزيت طبيعي انا لسه مغير جوان الوش ومشيت عليه حوالي 100 كيلو الميكانيكي بيقول انه غير الزيت حط زيت بيقول انه اماراتي وملاحظه خروج قطرات ماء بسيطه من الشكمان تنتهي بمجرد تسخين الماتور و العادم ليس له لون الا اذا ذودت بنزين يغمق لونه بسيط جدا
ايه التشخيص ؟؟؟؟ بقى

وحدة وحدة عليا ياراجل ياطيب::

بعد تغيير جوانوش السلندر ليه مضاعفات تختفى بعد فترة فمنقدر نحكم على العملية بع 100 كيلو على القل500 كيلو لأنك عامل عمليه فتح بطن وفيه فترة تنضيف ونقاهة للموتور فاصبر شوية***

موضوع المية اللى بتخرج من الشكمان فى بداية الدوارة دا شئ جيد وايجابى يدل على ان الموتور بحلة جيدة جدا***

[المصوراتي]

طمنتني ربنا يطمن قلبك

[المصوراتي]

وحدة وحدة عليا ياراجل ياطيب::

بعد تغيير جوانوش السلندر ليه مضاعفات تختفى بعد فترة فمنقدر نحكم على العملية بع 100 كيلو على القل500 كيلو لأنك عامل عمليه فتح بطن وفيه فترة تنضيف ونقاهة للموتور فاصبر شوية***

موضوع المية اللى بتخرج من الشكمان فى بداية الدوارة دا شئ جيد وايجابى يدل على ان الموتور بحلة جيدة جدا***

يعني الكريمه البيضاء دي وقطرات المياه ممكن تختفي بعد 500 كيلو مشي من على غطاء الزيت وخاصه بعد تغيير جوان طرمبه الميه مش كدا