إعـــــــلان

Collapse

.

,
See more
See less

مشكله في الفرامل ارجو الافاده

Collapse
X
 
  • Filter
  • الوقت
  • Show
Clear All
new posts

  • مشكله في الفرامل ارجو الافاده

    السلام عليكم

    المشكله بدات انيي لما بدوس فرامل البدال مش بيرجع تاني ( بيفضل دايس مع اني سبتو ) رحت للميكانيكي غير تيل و سنفر الطنبور و المشكله انتهت وقتاها (الكلام ده من فتره ) بس الي حصل انها رجعت تاني اليومين دول بس بشكل اكبر الميكانيكي قالي التيل خالصان غيرتو وطلعت اجرب لاقيت نفس المشكله رجعت الي المستر العمومي غيرتو بردوو ظبتت كام يوم و رجعت تاني بس المرادي بقا بيبقا في صوت تنفيس مستمر مع الفرامل و العجل الامامي بيتقل مع السخونيه (يعني اول مطلع بالعربيه الصبح بتبقا تمام بعد مثلن 5 دقائق تبداء تتقل ) المهم رجعتلو قال لي سيرفو عشان صوت التنفيس ده و تقالان العجل + المشكله الاساسيه

    السؤال بقا ده عيب سيرفو فعلان ولا لا ؟؟
    ولو سيرفو ده بيتصلح ولا لا عشان انا مش لاقيه جديد اصلان كل مسئل حد يقول لي 350 جنيه و مش موجود هاتو استعمال ؟؟

    ولو في حد يعرف حد بتاع فرامل في الاسكندريه اكون شاكر ليه جداا

    شكرا

  • #2
    راجع علي خراطيم الهواء اللي داخلة علي السيرفو وفيه كوعة خلف الكربراتير شوفها كويس علشان كانت عندي لما بدوس علي الفرامل علي سرعة بتعمل رجعة جامدة الكل قالي طنابير بس بالصدقة طلع الكوعة اللي خلف الكربراتير مقطوعة لفيت عليها شريط لحام واشتغلت تمام

    Comment


    • #3
      حراجع عليهم متشكر جدا علي اهتمامك

      Comment


      • #4
        طب حد يعرف محل عندو السيرفو ده جديد لان حتي الان مش موجود انا سالت عند
        1- يحيي راشد
        2-هوب موتورز
        3-العالميه
        و في الاستعمال ب 450 و مش موجود عند فينسيا
        النهارده حشوف فلفل و عزاز و يا مسهل

        Comment


        • #5
          علي فكره انا جبت سيرفو استيراد مع الماستر العمومي بتاعه من عزبه سلبي في شهر 11 و خدتهم 220 جنيه .. و السيرفو لوحده كان 120 جنيه بس انا لاقيت الماستر ما يتسبش فاخدته .. لكن 450 جنيه كتير قوي ..

          Comment


          • #6
            المشاركة الأصلية كتبت بواسطة Hany 82 مشاهدة المشاركة
            علي فكره انا جبت سيرفو استيراد مع الماستر العمومي بتاعه من عزبه سلبي في شهر 11 و خدتهم 220 جنيه .. و السيرفو لوحده كان 120 جنيه بس انا لاقيت الماستر ما يتسبش فاخدته .. لكن 450 جنيه كتير قوي ..
            عزبة شلبي

            Comment


            • #7
              المشكله اتي من الاسكندريه

              الحمدلله حليت المشكله روحت لمتخصص فرامل صرفت بالكتير 85 جنيه وظبتلي الفرامل بصراحه

              Comment


              • #8
                المشاركة الأصلية كتبت بواسطة hamada1996 مشاهدة المشاركة
                الحمدلله حليت المشكله روحت لمتخصص فرامل صرفت بالكتير 85 جنيه وظبتلي الفرامل بصراحه
                الف مبروك والحمد لله وياريت قلت لنا كانت ايه المشكله واتحلت ازاى وعند مين ولك جزيل الشكر حتى تكتمل الفائدة

                Comment


                • #9
                  بص يا باشا موضوع الفرامل ده طلع عيني بصراحه بس الحمد لله اتحل
                  المسكله كانت لما بدوس فرامل البدال مش بيرجع بييفضل دايس فرامل روحت لواحد بتاع فرامل في شارع 13 في 45 ظبطلي الدنيا و البدال اصبح عالي و الفرامل بقيت تمام بعد كده بشويا رجع تاني بس لما بدوس دبرياج تعمل كده لما ادوس فرامل بس متعملش كده روحت للميكانيكي غيرت بدالات ب 300 و الحمدلله بقيت كويسه

                  Comment


                  • #10
                    حصلت معايه نفس المشكلة وفعلا ميكانيكى قالى غير الماستر والتيل والموضوع دخل فى 250 جنيه ، ولكن المشكلة كلها كانت ف جلبة البدال ، روجت لميكانيكى تانى وصفلى خراط وروحت عملتها عنده والموضوع اتحل والفرامل مابقتش تبات ف مكانها

                    Comment


                    • #11
                      موضوع الفرامل ليها كذا جزء
                      البدال _ و دة تعرف تشخص عطله انى سيادتك تفك السيرفو من على وصلة البدال من تحت التابلوه و تشوفه شغال و له لالالالا و هتلاقية مشبوك فى الدواسة بصمولة على ما اتعتقد 17
                      السيرفو _ و دة تشخيصة لما تيجى تدوس بسرعة او تكارك على الدواسة و تلاقى صوت فففووووووش يبقى كدة السيرفو عاوز يتغير و ما بنصحش بالاصلاح
                      الماستر العمومى _ تشخيص عطله انى سيادتك الدواسة بتهرب من تحت رجليك و لما تكارك عليها تعلى و تمسك فرامل و ساعات بيقفش الفرامل على العجل و علشان تتاكد ابقى فك وصلة الماسورة بتاعة العجلة من على الماستر بمفتاح 13 هتلاقى القفشة حلت
                      باستم غلق التيييل _ دة سيادتك هتراجع هتفك العجلة و تدوس على الفرامل و هى العربية دايرة على السلانسية و تسيب الدواسة و تشوف التيل بيفتح و بيقف و له لالالالالالا
                      وصلة الخرطيم للفرامل الامامية _ يفضل الرجوع ليها لانى ساعات بيبقى فى انسداد فى الخرطوم بيؤدى الى عدم تماسك الفرامل على الطنابير
                      ربك المستعان
                      [SIGPIC][/SIGPIC]

                      Comment


                      • #12
                        باشا انا من الاسكندرية برضه كانت عندى مشكلة شبهها كده ان الفرامل بتفضل ماسكه شوية روحت لواحد اشتغلنى و قاللى سيرفو و غير السيرفو و عملى حوار كبير و اخد بتاع 300 جنيه بس رجعت تانى تانى يوم رحت للميكانيكى بتاعى اللى كان مشغول و عشان كده رحت للتانى ده الميكانيكى اسمه عادل فى العيسوى على اليمين على قمه اول شارع من العيسوى و انت داخل من محمد نجيب و ده احسن واحد ممكن يشتغل فى السكودا عن تجربة فاهمها كويس جدا و الورشةاساسا ورشة خراطه و هو ميكانيكى و عنده واحد كهربائى و معاه ميكانيكى تانى اسمه ابراهيم و مصنعيته حنينة جدا المهم قاللى سيبهالى نص ساعة فعلا عديت عليه المشكله راحت قلتله كام يا عادل قالى 20 جنيه ده كان بس الجلب عايزة تتشحم
                        بصراحه اى حاجه عادل ده بيخلصها حتى انا كان عندى مشكلة فى الموتور كان فيه كسر فى جسم الموتور فوق الكارتير رحتله بعد مافكلى الموتور و اتلحمت القطعه دى و غسل اللموتور عشان يجمعه لقينا قواعد الشمايز متاكله و حوض المياه برضه مسوس فغريت البلوكه اللى تحت و جبتها ب 700 جنيه من عند صلاح و هشام استعمال و جارى بقى تجميع الموتور و يا مسهل
                        بس انصحك بيه لو عايز اى حاجه فى العربية

                        Comment


                        • #13
                          فين فى الاسكندرية متخصص الفرامل ده ارجو الافادة

                          Comment

                          Working...
                          X