ارجو الافادة ضروري جداً

[AHMED_FAYED_1]

السلام عليكم و رحمة الله و بركاتة
الموبينة عندي بتعمل شرز و بسمع صوت الطقطقة حتي و انا قافل الكبوت
مش عارف هل دة طبيعي ولا في مشكلة
ارجو الافادة ضروري جداً

[AHMED_FAYED_1]

في نتشة بتحصل و العربية ماشية
مش عارف دي ظبط كهربا ولا حاجة تانية ؟

[ehab mobarak]

العيب ممكن يكون من الكهربا الأول المفروض ما يبقاش فيه شرارة طالعة من الموبينة لجسم العربيه او من البوجيهات بكده لازم تغير سلوك البوجيهات وتشتري طقم جديد في حدود 50 جنيه واكشف علي البوجيهات والخلوص بتاعها المفروض انه 0.8 ولو فيها مشكله غيرها احسن وممكن المشكله برضو تكون من ملف الإسبراتير بس ابتدي بالسهل الأول ده في الكهربا اما في البنزين ممكن تراجع علي فلتر البنزين او يكون الكربراتير فيه سدد والبكات عايزه تتنظف وطمنا

[AHMED_FAYED_1]

العيب ممكن يكون من الكهربا الأول المفروض ما يبقاش فيه شرارة طالعة من الموبينة لجسم العربيه او من البوجيهات بكده لازم تغير سلوك البوجيهات وتشتري طقم جديد في حدود 50 جنيه واكشف علي البوجيهات والخلوص بتاعها المفروض انه 0.8 ولو فيها مشكله غيرها احسن وممكن المشكله برضو تكون من ملف الإسبراتير بس ابتدي بالسهل الأول ده في الكهربا اما في البنزين ممكن تراجع علي فلتر البنزين او يكون الكربراتير فيه سدد والبكات عايزه تتنظف وطمنا

الف شكر علي الرد و الاهتمام
انا لسة مغير الاسبيراتير الاسبوع اللي فات اما الاسلاك مغيرها من حوالي شهرين
الشرار بيكون في الموبينة يمين و شمال مخرك السلك
انا حاطط علي الاماكن دي شحم بس يوم و بترجع الشرارة تاني

[ehab mobarak]

السلك مش كويس حاول تغيره ولو القديم لسه محتفظ بيه ومكانش بيعمل الحركة دي ركبه تاني لأن الحالي بيسرب الكهربا من الموبينه لأقرب ارضي وهو جسمها عشان ما يبوظش حاجه تانيه وكمان بيضعف الكهربا اللي رايحة للبوجيهات والحرق بيبقي ضعيف ... فيه حاجة تانيه بص عاليها ممكن تكون موجوده الزور بتاع الموبينه اللي بيركب فيه السلك سليم والا مشعر ومشروخ ممكن يكون شرخ بسيط جدا مش شايفه نظفها كويس وشوفها وركب السلك وشوف الشرارة طالعة منين من فوق والا من الجنب اللي ممكن يكون فيه الشرخ وربنا يوفقك ومتابع معاك

[EngAhmedSayed]

الكليبس الخاص بالسلك مش محكوم على دكر الموبينة
حاول تاكد على جاك السلك علشان ميعملش تهريب فى شرارة الحرق و تضعف معاك السحب و تعمل تقطيع
ربك المستعان

[ehab mobarak]

الاخ العزيز احمد ايه الاخبار ووصلت لايه منتظرين ردك

[AHMED_FAYED_1]

الاخ العزيز احمد ايه الاخبار ووصلت لايه منتظرين ردك

الف شكر علي الاهتمام و المتابعه
الحمد لله المشكلة كانت في سيلك البوجية رقم 2
مكنش بيوصل كهرباء للبوجية
كان شاكك في الموبينة بس الحمد لله
غيرت السلك و الحمد لله
و اسف علي التاخير فالرد بس مشغول في شوية مشاوير

[EngAhmedSayed]

طيب الحمد لله

[ehab mobarak]

ربنا يوفقك