رجرجه بعد ال١٠٠

[Eslam.el.faham]

ارجو الافاده لاني لسه شاري العربيه انا جديد في السواقه كنت ماشي علي الصحراوي و بعد ال ١٠٠ بحس برجه في العربيه بس الدركسيون في ايدي مش بيرج جامد لكن العربيه كلها بترج محسيتش بكده خالص جوه البلد

[karim_adel37]

ممكن اولا ترصص و تضبط الزوايا و لو لسه الرجرجة اكشف على الكاوتش

[yasser_0339]

تمام زي ما كريم قالك كدا

[ehab mobarak]

رصص واضبط زوايا غالبا العجل الخلفي هو اللي بيعمل كده بسيطه ان شاء الله

[Eslam.el.faham]

شكرا يا شباب علي الردود
انا رحت رصصت عند واحد في لوران علي الترام هو انا مقتنعتش بيه بس طلع في جنط شمال قدام معوج و هو رجعه ورا و رصص الاربع فرد

[أحمد جودة]

لو النتيجة مرضية تمام اما غير ذلك شوف حد بيستتعدل جنوط ورصص تاني بس الجنوط عندك حديد ولا سبور ...... وكمان راجع علي حالة الكاوتش ....



متابع

[Eslam.el.faham]

شكرا يا استاذ احمد
هو الجنط حديد و العربيه بقت احسن شويه بس لسه مش مظبوطه

[aw2100]

الأفضل فى الجنوط تشترى واحد استعمال وتحطه قبل ماتركب الكاوتش عليه على جهاز الترصيص علشان تتاكد انه مش معووج

[svneleven]

ممكن تكون كبالن داخلية لو الرجة بتبان مع دوسة البنزين.

[Abo_Mazen]

ممكن تكون كبالن داخلية لو الرجة بتبان مع دوسة البنزين.

هي لو كبالن تظهر قبل سرعة ال 100 ...عموما هو يبص برضه على الكاوتش ..كان عندي غربله في الطاره بعد سرعة ال 100..وبعد ما غيرت كاوتش الحمدلله إختفت تماما

[hannon_2010]

انا بعانى من الموضوع ده الفتره ديه ونفس المشكله بظبط اكنها مشكلتى بكل تفصيلها
وبكره انشالله رايح اجيب جنط مستعمل عشان اريح دماغى