زيت على البوجية ؟؟؟؟

[hannon_2010]

السلام عليكم

انا لسه شاري موتور استيراد كامل من شهرين
قولت انضف البوجيهات واعمل حملة نظافه للعربية لاقيت اخر بوجية من نحية الاسبراتير عرقان زيت
والباقى لا وجسم الموتور من ناحية الاسبراتير عرقان زيت
ياريت تعرفونى ده من ايه وفى خطوره ولا لا
رغم ان العربيه سحبها كويس ومفهاش مشكلة ولا تنتيش ولا تتليت
شكرا

[waell2007]

نضف مكانه يعني تفكه وتدور العربيه ثانيتين وانت مدور تدوس شويه بنزيين وبعد كده تبطل وتركب البوجيه اما الموتور اغسله في المغسله بس خلي بالك من الشريحه وراقب الزيت

[Abo_Mazen]

ممكن يكون أويل سيل إسبراتير ..فعلا ..نضف مكانه الأول ..وبعدين راقب ..

[Mecha]

او جوان تكيهات معرق ربط عليه ,اغسل البوجيه ببنزيم وركب وشوف

[hannon_2010]

نضف مكانه يعني تفكه وتدور العربيه ثانيتين وانت مدور تدوس شويه بنزيين وبعد كده تبطل وتركب البوجيه اما الموتور اغسله في المغسله بس خلي بالك من الشريحه وراقب الزيت

انا هجرب اللى حضرتك قولت علية
بس اما اعمل كده مفيش خطورة على الموتور ؟؟؟

[Abo_Mazen]

انا هجرب اللى حضرتك قولت علية
بس اما اعمل كده مفيش خطورة على الموتور ؟؟؟

بما إن المكنه إستيراد فتوقع إن جواناتها بأولسيلاتها تبقى ناشفه وممكن أي حاجه منهم تضرب وتجيب زيت ..فده إما أويل سيل اسبراتير أو جوان غطا تاكيهات ..عشان كده بنقول لحضرتك نضف وراقب عشان تقدر تعرف الزيت جاي منين ..هو غطا التاكيهات متغرق زيت ولا لأ ؟؟؟

[hannon_2010]

بما إن المكنه إستيراد فتوقع إن جواناتها بأولسيلاتها تبقى ناشفه وممكن أي حاجه منهم تضرب وتجيب زيت ..فده إما أويل سيل اسبراتير أو جوان غطا تاكيهات ..عشان كده بنقول لحضرتك نضف وراقب عشان تقدر تعرف الزيت جاي منين ..هو غطا التاكيهات متغرق زيت ولا لأ ؟؟؟

اه معرق من نحية الاسبرتير ومن الاطراف بسيط

[Abo_Mazen]

طيب جميل ..يبقى إدي غسله وراقب وشوف

[AhMeD MeTwAlY]

بظبط كدا اغسلها وراقب الزيت بيجي منين :d ولو تقدر تاخد ليها صوره وهي نضيفه وبعدين ابتدي تابع مع الصور وهتعرف كل فتره التغيير فين
ولو تزودنا بصور في الموضوع يبق تمام اوي

[hannon_2010]

حاضر هغسلها وهشوف بالصور البداية منين
بس الموضوع ده اقلق منه ولا حاجه بسيطه عشان انا الصراحة قلقان

[hannon_2010]

ياجماعة انا لاقيت الزيت جى من تحت الاسبرتير معرق جامد
ده كده اويل سيل الاسبرتير ولا ممكن تكون حاجه تانية

[adhmmaamon]

ياجماعة انا لاقيت الزيت جى من تحت الاسبرتير معرق جامد
ده كده اويل سيل الاسبرتير ولا ممكن تكون حاجه تانية

كده ممكن يكون حاجه اتنين :
اما يكون اولسيه بكره الكرنك ..
او ان زور الاسبراتير مش مربوط كويس والجوان اللى تحته عايز يتغير (على فكره ده احتمال ضعيف)
ممكن كمان يكون التسريب جاى من جوان غطا التاكيهات وبيرمى على جنب الاسبراتير وانت مش شايفه . وده الاحتمال الاكبر
غير جوان غطا تاكيهات الاول وريط عليه كويس من غير ماتقرط جامد لحسن الغطا يطق فى ايدك وبعدين شوف .

[أحمد جودة]

مبدئيا وعلى قدر معلوماتي لو الزيت على القلاووظ بتاع البوجية عادي انما لو الزيت على السن نفسه (( منبع الشرار ) يبقي ندور على سبب


وكمان فيه اقتراح وهو تركيب كرسي وتركيب البوجية على الكرسي لمنع وصول الزيت للبوجية


والله اعلم الموضوع دة فى العربيات الفليشيا بيكون عادي

[hannon_2010]

انا من ساعت ملاقيت البوجية اللى فية زيت ده غيرتة بواحد تانى
وبصيت علىة النهارده
ملقتش علية زيت وكان تمام زى الباقى !!!