حرارة الفليشيا

[Eng.AN]

سلام عليكم انا جديد في عالم الفليشيا من ٦ شهور بس .... عندي استفسار بخصوص الحرارة.

انا لما جبت العربية ( فليشيا ٩٨ - كاربراتير) و كشفت عليها كان الراديتير بعافية شوية و قولت ياخد وقته و اغيره و كنت بحتاج ازود الميه كل كام يوم لغاية ما جاب اخره و بقت الميه بتقل جامد و الحرارة بتعدي ال ٩٠ ... فا غيرته بالصيني الالومنيوم و بحط ميه مقطرة ...و من ساعتها كل شهر و ساعات اكتر الميه تقل حاجة بسيطة قوي .....و الحرارة بقت مش بتعدي ال ٧٠ .....سؤالي بقى هل طبيعي ان الحرارة تبقى ٧٠ كدة ولا ممكن يكون في مشكلة في سنسور الحرارة ... وكمان هل الحرارة ال ٧٠ ديه ممكن تأثر على السحب او استهلاك الينزين ؟؟؟؟

شكرا مقدما لردكم.

[adhmmaamon]

وعليكم السلام ورحمة الله وبركاته
اولا اهلا وسهلا بيك .. ومبروك عليك الفليشيا .
ثانيا : اكيد الترموستات بتاعه الردياتير بتفتح بدرى (غالبا 68-86 او 72-89 ) ودى حاجه كانت بتقلل من ان العربيه تسخن ولكن لو دوره التبريد عندك كويسه ( خراطيم وردياتير وقربه ميه وغطا قربه نضيف بسكس بلف ) وانت بتقول ان الميه مش بتنقص يبقى تغير الترموستات بواحده اكبر 80-90 وتحط ميه زرقا من بتاعه موبيل ..هيه غاليه شويه بس هاتنساها .

ثالثا: بالنسبه لسؤالك هل بتأثر على السحب واستهلاك البنزين ؟؟؟ طبعا وخصوصا فى الطرق المفتوحه هاتلاقى الاستهلاك قل جدا وسحب وكفائه العربيه اعلى .

[Abo_Mazen]

وعليكم السلام ورحمة الله وبركاته
اولا اهلا وسهلا بيك .. ومبروك عليك الفليشيا .
ثانيا : اكيد الترموستات بتاعه الردياتير بتفتح بدرى (غالبا 68-86 او 72-89 ) ودى حاجه كانت بتقلل من ان العربيه تسخن ولكن لو دوره التبريد عندك كويسه ( خراطيم وردياتير وقربه ميه وغطا قربه نضيف بسكس بلف ) وانت بتقول ان الميه مش بتنقص يبقى تغير الترموستات بواحده اكبر 80-90 وتحط ميه زرقا من بتاعه موبيل ..هيه غاليه شويه بس هاتنساها .

ثالثا: بالنسبه لسؤالك هل بتأثر على السحب واستهلاك البنزين ؟؟؟ طبعا وخصوصا فى الطرق المفتوحه هاتلاقى الاستهلاك قل جدا وسحب وكفائه العربيه اعلى .

بس المشكلة لو غير الثرموستات بدرجة أكبر شويه ممكن يدخل في حوارات سخونيه ..وبدل ما العربيه كانت بارده وكويسه ..تسخن ومتبقاش كويسه ..أنا رأيي يسيبها كده أحسن ..أنا ممتلكتش فليشيا قبل كده ..بس أعرف إن موضوع الحراره ده فيها من الحاجات المستفزه ..ما دام الحرارة مستقره ومفيش شكوى ..يبقى خليها

[Eng.AN]

شكرا ليكم على المتابعة و الردود .... و ارجو لو حد عنده اراء ثانية يفيدنا بيها في الموضوع ده ..... و ايه هي الحرارة المثلى للعربية .... و هل ممكن يكون السنسور بايظ علشان كده مش بيديني قراية حرارة مظبوطة ولا هو فعلا درجة الحرارة كده ٧٠ مظبوطة طالما الميه مش بتقل ؟!

[أحمد جودة]

كدة مروحة التبريد بتشتغل بدري اوي ودة بيؤدي الى زيادة استهلاك البنزين وتؤثر على سحب العربية لان الحرارة المثلي لحريق مثالي 90 درجة ........ يفضل حضرتك تغير ثرموستات وبالتوفيق

[Eng.AN]

شكرا استاذ احمد جودة ... بس عندي سؤال .. مش الوضع اللي انا فيه ده افضل في الصيف لما درجة الحرارة حتبقى عالية اصلا ؟؟ و هل درجة الحرارة ال٧٠ ديه ليها تأثير تاني غير السحب و استهلاك البنزين ؟ .... بمعنى اني اسيبها زي ما هي بدل ما اغير فيها و اواجه مشاكل سخونة زيادة لا قدرالله ؟؟؟

[mtharwat82]

شكرا استاذ احمد جودة ... بس عندي سؤال .. مش الوضع اللي انا فيه ده افضل في الصيف لما درجة الحرارة حتبقى عالية اصلا ؟؟ و هل درجة الحرارة ال٧٠ ديه ليها تأثير تاني غير السحب و استهلاك البنزين ؟ .... بمعنى اني اسيبها زي ما هي بدل ما اغير فيها و اواجه مشاكل سخونة زيادة لا قدرالله ؟؟؟

انا عندى نفس الوضع ده ومحتاج اعرف من ذوى الخبرة هل نسيب الثرموستات على حاله ولا نغيره بثرموستات يشتغل على 90

[أحمد جودة]

شكرا استاذ احمد جودة ... بس عندي سؤال .. مش الوضع اللي انا فيه ده افضل في الصيف لما درجة الحرارة حتبقى عالية اصلا ؟؟ و هل درجة الحرارة ال٧٠ ديه ليها تأثير تاني غير السحب و استهلاك البنزين ؟ .... بمعنى اني اسيبها زي ما هي بدل ما اغير فيها و اواجه مشاكل سخونة زيادة لا قدرالله ؟؟؟

لاء طبعا مش افضل وهقولك لية

وعاوز اقول لحضرتك ان 90 درجة مش كتير ولا حاجة والمفروض 90 درجة صيف او شتا متفرقش دايرة التبريد بالثرموستات ظيفتهم الاساسية المحافظة على درجة الحرارة المثلي للتشغيل والا كانو نزلو فبريكة العربية بثرموستات واطي


اما لية مش افضل لان العربية فى الحالة دي مش واصلة لدرجة حرارة التشغيل الطبيعية فدة بيعجل فى تأكل اجزاء الموتور لان العربية بتكون باردة وحديد بياكل فى حديد ((( دة اجتهاد شخصي ))) بس لا يصح الا الصحيح لو عندك مشكلة فى العربية نحلها مع بعض


أ،ا الحمد لله عربيتي حرارتها مظبوطة فى الصيف زي الشتا والحمد لله اوقات سافرت بيها فى شهر 8 عز الصيف وفى اوقات الظهيرة ولمسافات بعيدة وداخل البلد والحمد لله العربية مظبوطة لاني بهتم بصيانتها جدا جدا


تقبل تحياتي

[أحمد جودة]

انا عندى نفس الوضع ده ومحتاج اعرف من ذوى الخبرة هل نسيب الثرموستات على حاله ولا نغيره بثرموستات يشتغل على 90

استاذي العزيز تابع المشاركة السابقة هتلاقي اجابة سؤالك وبالتوفيق

[hannon_2010]

انا برضوا عندي نفس المشكلة مبتعديش ال٧٠
بس لحظت في كام يوم جم الفترة اللي فاتت كانو حر اوى العربية الحرارة بتاعتها كان ٨٠ او ٨٥ وحسيت ان سحبها احسن فاستغربت جدا
فده معناه ايه ???

[waell2007]

اما انا فعندي عكس الموضوع ده يعني لما بحط ثريموستات 82/68 الحرارة اللي ظاهرة قدامي علي العداد بعد 90 مابين 90 و 110 ولما بحط 90/80 المروحة تشتغل عند 110 بس لما بجرب الثرموستات بره يعني في حلة سخنة بيشتغل تمام اعتقد ان اللي عندي واللي عندكم له علاقة بحساس الحرارة بيدي قرائة خاطئة واعتقد ايضا ان افضل حاجة 90/80 وهتلاحظ حريق الزيت تمام يعني يسود مش يفضل فاتح زي ماهوه

[hannon_2010]

اما انا فعندي عكس الموضوع ده يعني لما بحط ثريموستات 82/68 الحرارة اللي ظاهرة قدامي علي العداد بعد 90 مابين 90 و 110 ولما بحط 90/80 المروحة تشتغل عند 110 بس لما بجرب الثرموستات بره يعني في حلة سخنة بيشتغل تمام اعتقد ان اللي عندي واللي عندكم له علاقة بحساس الحرارة بيدي قرائة خاطئة واعتقد ايضا ان افضل حاجة 90/80 وهتلاحظ حريق الزيت تمام يعني يسود مش يفضل فاتح زي ماهوه

انا كان عندي الموضوع ده مع الموتور القديم عشان الكوعة الحديد هي اللي معلية الحراره بتاع ٢٠ درجة وده الل حصل معايا اما جبت الموتور الاستيراد جه معاه الكوعة البلاستك ودرجة الحرارة مبتعديش ٧٠

[أحمد جودة]

انا برضوا عندي نفس المشكلة مبتعديش ال٧٠
بس لحظت في كام يوم جم الفترة اللي فاتت كانو حر اوى العربية الحرارة بتاعتها كان ٨٠ او ٨٥ وحسيت ان سحبها احسن فاستغربت جدا
فده معناه ايه ???

دة معناة بيوكد كلامي ان العربية وصلت لدرجة حرق مثالية فبالتالي السحب اتحسن ويتحسن اكتر لما العربية نفسها توصل لدرجة تشغيل وتكون درجة حرارة الجو طبيعية

[mtharwat82]

استاذي العزيز تابع المشاركة السابقة هتلاقي اجابة سؤالك وبالتوفيق

اشكرك يا استاذ احمد على ردك

هو الثرموستات اللى بيشغل المروحة على 90 اسمه ايه ؟؟ وهل فى نوع معين مفضل للفليشيا ؟
وهل بعد تغييره مش هيبقى فى اى مشكلة مع درجة الحرارة المرتفعة فى الصيف ؟

[waell2007]

انا كان عندي الموضوع ده مع الموتور القديم عشان الكوعة الحديد هي اللي معلية الحراره بتاع ٢٠ درجة وده الل حصل معايا اما جبت الموتور الاستيراد جه معاه الكوعة البلاستك ودرجة الحرارة مبتعديش ٧٠

انا الموتور استيراد بس حصل حاجه غريبه امبارح كنت عند الميكانيكي غسل الموتور بالبنزين وده هو متعود عليه لما يجي يضبط كهرياء العربيه ويضبط الكربراتير يغسل المتور امبير الحراره ضبط واشتغل تمام لو خد عارف ايه اللي حصل يوضح