إعـــــــلان

Collapse

.

,
See more
See less

عمرة ام ماتور استيراد

Collapse
X
 
  • Filter
  • الوقت
  • Show
Clear All
new posts

  • عمرة ام ماتور استيراد

    بعد التحية
    وكل عام وأنتم بخير
    عايز اعرف ايه الأفضل في حالت أني عاوز اعمل طقم شنبر او نصف عمرة او اشتري ماتور استيراد
    مع العلم ان الميكانيكية أفادتني انه لما نفك المتنور هيبان لان ممكن مايكنش شنبر بس وممكن ندخل في تغير شمايز وبساتم والموضوع يخش في ٢٠٠٠جم

    وبعدين عايز اعرف أمته ممكن اققول انه الأفضل هو العمره بدل من تغير الماتور؟
    وايه هي تكلفه تغيير الماتور ؟
    وايه تمن الماتور القديم؟

  • #2
    لو الموضوع بعد لما تفك وليقتة شنبر اعملة وتوكل على الله

    لكن لو لقيت شمايز او بساتم يبقى الاحسن موتور استيراد

    Comment


    • #3
      لو الموتور الستوك بتاعها يبقى خلّي الإستيراد أخر الاختيارات.
      [SIGPIC]http://www.nilemotors.net/Nile/signaturepics/sigpic136214_1.gif[/SIGPIC]
      [SIZE="5"].Regret Nothing[/SIZE]

      Comment


      • #4
        مش تقول لنا نوع العربية اية
        الدنيا بالمال والاخرة بالاعمال
        [EMAIL="ladanilemotors@yahoo.com"][/EMAIL]

        Comment


        • #5
          موضوع موتور جديد ده مليان مشاكل وعقبات كثيرة غير مضمونة مثال :
          1- ورق الموتور والجمارك واثبات الموتور الجديد على الرخصة (ده وقت وفلوس ومشاوير وترخيص جديد وفحص)
          2- حالة الموتور الجديد قد يكون به مشكلة ولا تظهر الا بعد عدة اشهر وقد يدبسك فيه الميكانيكى عشان ميقعدش يلف معاك
          3- الموتور لما تعملة على ايدك وتصرف عليه شوية افضل واضمن وتبقى عارف ايه اللى اتعمل فيه وتقدر تعمل الموضوع فى يوم واحد فقط والعربية لا تعطل فترة
          ------ اشهد ان لا اله الا الله - وان سيدنا محمد رسول الله --------
          [SIGPIC][/SIGPIC]

          Comment


          • #6
            في محركات ما ينفعش معاها العمره ..ودي بتبقى المحركات ذات البلوك الألومنيوم ...

            سواء المحرك بيقبل العمره أو ما بيقبلش العمره ففي قدامك خيارين ..إما تسقط مكنه أو شورت بلوك ..ده إختيار وفي إختيار تاني إنك تعمر

            لكل إختيار مساوئه ..يعني مثلا من مساوئ تسقيط المكنه إنك المكنه اللي حضرتك جايبها تطلع فيها مشاكل ..وده لما تكون حضرتك مثلا متعامل مع تاجر مش أمين ..لإن لو التاجر أمين مش هيبقى عندك مشكلة في إنك ترجع المكنه وتاخد واحده تانيه لو لقيت فيها مشكلة ..على سبيل المثال من مساوئ تعمير المكنه إن قطع الغيار اللي حضرتك جبتها ما تكونش أصلي ...أو يكون الميكانيكي على قده أو مش دقيق قوي في شغله ..برضه هتحصل معاك مشكلة ..عشان كده حضرتك هتلاقي الآراء ما بين هذا وما بين ذاك
            [SIGPIC][/SIGPIC]--------

            m_m_sh_a سابقا

            Comment


            • #7
              المشاركة الأصلية كتبت بواسطة abo_mazen مشاهدة المشاركة
              في محركات ما ينفعش معاها العمره ..ودي بتبقى المحركات ذات البلوك الألومنيوم ...

              سواء المحرك بيقبل العمره أو ما بيقبلش العمره ففي قدامك خيارين ..إما تسقط مكنه أو شورت بلوك ..ده إختيار وفي إختيار تاني إنك تعمر

              لكل إختيار مساوئه ..يعني مثلا من مساوئ تسقيط المكنه إنك المكنه اللي حضرتك جايبها تطلع فيها مشاكل ..وده لما تكون حضرتك مثلا متعامل مع تاجر مش أمين ..لإن لو التاجر أمين مش هيبقى عندك مشكلة في إنك ترجع المكنه وتاخد واحده تانيه لو لقيت فيها مشكلة ..على سبيل المثال من مساوئ تعمير المكنه إن قطع الغيار اللي حضرتك جبتها ما تكونش أصلي ...أو يكون الميكانيكي على قده أو مش دقيق قوي في شغله ..برضه هتحصل معاك مشكلة ..عشان كده حضرتك هتلاقي الآراء ما بين هذا وما بين ذاك
              الفليشيا بيتعملها عمرة عادى بس اهم حاجه الصنيعى ويكون الموتور شغال بالميه الحمراء مش بيتحطله ميه حنفيه علشان لو فى الموتور املاح اصلا الميكانيكى مابيعرفش يفكه وبيقطم كام مسمار من مسامير وش السلندر !!!
              [U][SIZE=5][COLOR=Lime]مع تحياتى وليد [/COLOR][/SIZE][/U]
              [SIGPIC]http://www.nilemotors.net/Nile/signaturepics/sigpic130473_3.gif[/SIGPIC]

              Comment


              • #8
                الفليشيا بيتعمل ليها العمرة عادى جدا هى فقط مشكلتها فى وش السلندر بيكون سبيكة من الومنيوم ومعادن اخرى فطبعا بيكون صعب انه يتعملة ملئ من اجل القشط
                ده فى حالة ان وش السلندر كان مقشوط من قبل ذلك
                فممكن تشترى وش سلندر جديد
                بينما الموتور بسيط وبدائى جدا ويعتبر قريب جدا من موتور ال 128 ومش معقد
                موتور كامه واحدة 8 صباب و4 سلندر عادى ويسيط بدون اى حساسات او اى تكنولوجيا

                المهم فى الموضوع كله ان الميكانيكى يكون محترف وميكونش بيتعلم فيك.
                ثانيا انه يكون عنده صبر فى فك مسامير وش السلندر لانها بتكون قافشة ولو اتكسرت مش مشكلة هتروح للمخرطة يظبطوها
                ثالثا والاهم ان يكون قريب منه فى نفس الشارع المخرطة وفى نفس المنطقة محل لقطع الغيار
                وتسال الاول عن الاساسايات اللى هتشتريها وتسال المحل الاول هل هى موجودة وهتتكلف كام
                عشان متقعدش تلف وتدوخ مابين مشاوير قطع الغيار اللى غالبا اول ما الميكانيكى بيشتغل بيفضل يوقلك روح اشترى كذا
                وبعد ما تشتريها وترجعله يقولك روح اشترى كذا ويفضل يمشورك ثلث اربع مشاوير
                وتعمل حسابك فى الف جنية احتياطى زيادة عن اجرة الميكانيكى والاشياء اللى هتشتريها لانه هيطلعلك اشياء لم تكن فى الحسبان
                مثلا يقولك اشترى طلمبه زيت جديدة عشان الموتور اتفك
                وفرصة تغيير سير الكتينه طالما الموتور مفكوك
                وطبعا زيت وفلتر جديد وهكذا
                ------ اشهد ان لا اله الا الله - وان سيدنا محمد رسول الله --------
                [SIGPIC][/SIGPIC]

                Comment


                • #9
                  شكرا جدا جدا جدا للجميع
                  فعلاً كلامكم بيفرق جامد فى القرار

                  Comment


                  • #10
                    السلام عليكم
                    انا قريت موضوع بتاع حضرتك عن عمره ولا ماتور استيراد للفيلشيا.
                    انا عندى نفس المشكله تقريبا فى فيفوريت 94
                    فلو حضرتك تساعدنى بخبرتك فى الموضوع يبقى شكرا جزيلا.
                    بمعنى لو فيه ميكانيكى كويس - موتور استيراد من حد امين - و طبعا اجابه نفس السؤال عمره ولا موتور

                    Comment

                    Working...
                    X