إعـــــــلان

Collapse

.

,
See more
See less

دخول ماء للفليشيا من اسفل التابلوه بعد المطر

Collapse
X
 
  • Filter
  • الوقت
  • Show
Clear All
new posts

  • دخول ماء للفليشيا من اسفل التابلوه بعد المطر

    السلام عليكم

    يا جماعة ارجو الافادة ضروري ، انا معايا فليشيا ٩٨ من سنة و عدا عليها الشتاء اللي فات تمام بدون اي مشاكل ، و الكام يوم الشتاء اللي فاتوا برض كانت تمام بس النهاردة بعد الشتاء لقيت في ميه في الدواسة اللي جمب السواق و مش داخلة من الباب ، مديت ايدي تحت التابلوه لقيت السفنجة اللي مبطنة العربية اللي في التابلوه من تحت غرقانة ميه كلها بطول التابلوه حتى في جمب السواق ، روحت لسمكري علشان يسلكلي مزاريب المطر فتح الكابوت و مد ايده عمل حاجة و بعدين قالي دي المزاريب سالكة مش منها دي الفواصل اللي تحت البطارية و مروحة التكييف عايزة تتسد بسليكون و لازم افك كل ده و عملي فيلم، سيبته و رحت لسمكري تاني قالي اصلا الفليشيا مفيهاش مزاريب، روح لكهربائي يبصلك الميه منين طبعا انا مقتنعتش ، بس روحت لكهربائي برضه راح قايلي ده سروجي اللي يشوفهالك :-d روحت سايبه و رايح لسمكري تالت قالي تعلالي بكره ابصلك عليها من تحت ، طب ايه علاقت تحت اذا كان الميه جاية من فوق ، انا دلوقتي محتاج مساعدة اعمل ايه و ايه السبب ؟ الشتاء لسا في اوله، و هل فعلا الفليشيا مفيهاش مزاريب ؟ ولو فيها هل هي مسدودة وهي السبب ولا ايه السبب لو مش هي؟ و لو هي السبب ففين مكانها و اسلكها ازاي ؟

    ارجو الرد السريع الشتاء حيبهدلني و انا كمان في اسكندرية و الميه حتدخلي من فوق ومن تحت :-d

  • #2
    شوف جوان البرابريز الامامى ممكن يكون مفارق عن سقف العربية من داخله فى المنطقة عند السقف...و الحل انك بتملى الفاصل بين الجوان و الصاج سيليكون...و لو عايز تروح لحد يبقى السروجى طبعا
    و ممكن ترمى مياه على السقف كاختبار قبل و بعد
    م / أحمد عبد الخالق

    Comment


    • #3
      الميه مش جاية من نحيت السقف خالص، الدنيا مطرت دلوقتي تاني نزلت بصيت لقيتها دخلت مايه تاني و الماية ماشية جمب علبة الفيوزات ، فودتها جراج علشان لو سبتها لبكرة حتغرق. ... يا ريت اللي عنده فكرة عن اللي بيحصل يقول.

      Comment


      • #4
        ممكن تكون بتدخل من علبة التكييف شوفها لو فيها طين سدادها بتتملى ميه وتدخل الصالون من فتحات الهواء
        [U][SIZE=5][COLOR=Lime]مع تحياتى وليد [/COLOR][/SIZE][/U]
        [SIGPIC]http://www.nilemotors.net/Nile/signaturepics/sigpic130473_3.gif[/SIGPIC]

        Comment


        • #5
          ممكن فعلا يكون من علبة التكييف، طيب انت عندك فكرة ازاي افكها انظفها ولا الموضوع صعب ، و لو مش حعرف اعملها مين الصنايعي اللي يعملي شغلانة زي ديه.

          Comment


          • #6
            السلام عليكم
            بداية هل لديك فكرة عن الفك والتركيب والشغل بايدك .....الفيليشيا لها مزاريب تحت الفبرة السوداء اللى متركب عليها المساحات....ستقوم بفك المساحات وبجوار كل مساحة ستجد كلبس اسود مثبت الفبرة السوداء ..قم بنزع الكلبسين بمفك عادة ...افتح الكابوت ستجد ان الفبرة مثبتة ب3صامولة بلاستيك مقاس10 واحدة على كل طرف والثالثة فى المنتصف وعلشان تقدر تفك الثالثة انزع غطاء علبة التكييف الكبيرة السوداء اللى فى منتصف الحوض ستجد الغطاء مثبت بكلبسات معدنية صغيرة......والان فك الصامولة الثالثة واخرج الفبرة السوداء برفق علشان خراطيم المساحات واركنها بحرص ستجد تحتها المزراب وبالتاكيد سيكون مسدود بالطين كما حدث معى ....ضع ورقة جرايد تحت المزراب وبمفك عادة احفر ونزل التراب وامسح بقطعة قماش كمان ......والف مبروك بعد ما تخلص التركيب عكس الفك ......ولا تقوم بتركيب الصامولة الثالثة اللى فى المنتصف علشان السنة الجاية تكون العملية اسهل ......ثم انظر خلف البطارية ستجد كام خرم فى الصاج سدهم باى حاجة ...شتاء سعيد وكل عام وجميع الزملاء بخير .......وشكرا مع ابلاغنا بالنتيجة
            elsayed hamdy

            Comment


            • #7
              تسلم ايدك على الشرح الوافي المفصل، تم التنفيذ و فعلا كاة في كمية طينة كبيرة، و في انتظار الشتواية الجاية للتأكد ون النتيجة.
              بس سؤال هل كدة انا محتاج انظف علبة التكييف كمان وممكن الميه تدخل منها؟

              Comment


              • #8
                انا حصل معايا نفس اللى حصلك بالظبط وعربيتى نفس موديل عربيتك بس مش عارف اروح لمين يعملهالى

                Comment


                • #9
                  انت لسه متأكدتش هل ده كان السبب الوحيو ولا لأ ، حيبان لما تشتي تاني ، بس عامة الشغلانة ديه لو مش حتعملها لنفسك يبقى اي سمكري يعملهالك، وهي بسيطة ان شاء الله

                  Comment


                  • #10
                    لا هوة دة السبب اللى عندك بالظبط بس المشكلة انى معنديش وقت اركب وافك حروح لواحد كهربائى جمبى كدة وحشوف حيعمل ايه انت عملت الموضوع بنفسك

                    Comment


                    • #11
                      انهاردة كانت اول شتواية من ساعة ما نظفت المزاريب ، و للاسف الماية دخلت برضه مش بنفس كمية المرة اللي فاتت لان الشتاء كان مش كتير هو يا وب اقل من نصف ساعة و السفنجة اللي تحت التابلوه اتبلت برضه بس مشربتش كتير فمسقطتش في الدواسات ، بس معنى كدة ان لما تشتي جامد حتشرب اكتر و حتسقط تاني في الواسات و نفس اللي حصل المرة اللي فاتت، يا ريت يا جماعة لو حد عنده اي نصيحة يقولها.

                      Comment


                      • #12
                        انا عربيتى فيفوريت ومن اسكندرية لما كانت بتشتى الفترة الفاتت كنت بنزل بلاقى بركة مايه على الدواسات والاسفنج غرقان ماية وتحت الدواسات برده .... فى الاول واحد سمكرى قالى لازم الزجاج الامامى يتشال وفعلا شيله وكان فيه شوية برومة واتظبطت وعلى فكرة تحت الكاوتش بتاع الازاز فيه مزاريب مايه اتسلكت وتمام وقلت خلاص المشكلة اتحلت بس بعد الشتوايه التانة العربيه غرقت تانى فرحت لسمكرى تانى قالى لازم تشيل التابلوه كله وفعلارحت لكهربائى وشلت التبلوه باكامل وشلت اللباد كله وخلتها على الحديدة :) وانا قعد جوة العربيه وهو من بره بخرطوم مايه وغرقناها وعرفنا المايه بتيجى منين وعملناها بالسلكون عضم وركب ولسه مافيش شته لغايه دلوقتى :( على شان اجرب

                        Comment

                        Working...
                        X