سيرفو الفرامل سكودا

[mero78]

الساده الأعضاء الكرام
اواجه مشكله فى الفرامل حيث انى اسمع صوت تنفيس هواء عند الضغط عليها ذهبت الى الميكانيكى قال لى ان المشكله فى السيرفو بتاع الفرامل وان السيرفو الجديد ب 320 جنيه هل يوجد حل لمشكلة التنفيس غير التغير وهل هناك اى اضرار اذا تركتها كما هى وشكرا

[lawyer2006]

غيرو وريح نفسك اعتقد ان فرامل العربية جزء جوهري ومهم ويستاهل تضحي بفلوس لانك علي الاقل هتكون مطمن ومرتاح

[romeeoo]

انا بسمع الصوت ده بقالى سنتين وقالوا ان السيرفو باظ لو دست فرامل ولقيتها ناشفه
غيره ولو كانت الفرمله ناعمه سيبه

[mero78]

انا بسمع الصوت ده بقالى سنتين وقالوا ان السيرفو باظ لو دست فرامل ولقيتها ناشفه
غيره ولو كانت الفرمله ناعمه سيبه

الفرامل معايا ناعمه بس هى مبتردش بسرعه بعد الضغط عليها ودايما صوت التنفيس طالع مع كل دوسه على الفرامل

[mero78]

غيرو وريح نفسك اعتقد ان فرامل العربية جزء جوهري ومهم ويستاهل تضحي بفلوس لانك علي الاقل هتكون مطمن ومرتاح

انا متفق مع حضرتك جدا فى الكلام ده لكن انا كل خوفى ان يكون صوت التنفيس ده حاجه تانيه غير السيرفو

[zyadahmed]

عندى صوت تصفير فى العجل الامامية فى فيليشيا 96 وكشفت قالى الطنابير فيها مشكلة من شهر ين وماشى بيها عادى وحالتها كويسة وكشفت على التيل ممتاز هل مشكلة الطنابير دى عاجلة ولا تتستنى شوية ونمشى بيها وخايف يكون ماستر الفرامل المشكلة بس هى ماشية كويس صحيح خفيفة شوية بس الريجلاش ظبطها جدا وجزاكم الله خيرا

[Lord of the flies]

لمعرفة اذا كان هذا الصوت ناتج من السيرفو حلول ان تسمع صوت الموتور اثناء الضغط على الفرامل لو صوت الموتورعلى او لو العربية يرجلت و طفيت يبقى اكيد سيرفو دة بعد التاكد ان المساتر الفرعية لا تسرب الزيت

يوجد ورشة متخصصة فى السيرفو فى احمد سعيد امام النترال و قد قمت بتغيير الطاقية الداخلية للسيرفو بحوالى 80 جنية وضمان لمدة عام.
وارجو الا تستهين باعطال الفرامل

[kalmah]

انا كان عندي صوت التنفيس دة بردة و عالجتة باني روحت للميكانيكي و قام مقفل السيرفرو كويس و حط علية زي مادة لاصقة كدة و ركبة و كان في مسمار او صمولة في دواسة الفرامل رابطها و الصوت تقريبا راح 90%

هوا انتا لما تدوس فرامل ع الاخر الصوت بيروح؟

[mero78]

لمعرفة اذا كان هذا الصوت ناتج من السيرفو حلول ان تسمع صوت الموتور اثناء الضغط على الفرامل لو صوت الموتورعلى او لو العربية يرجلت و طفيت يبقى اكيد سيرفو دة بعد التاكد ان المساتر الفرعية لا تسرب الزيت

يوجد ورشة متخصصة فى السيرفو فى احمد سعيد امام النترال و قد قمت بتغيير الطاقية الداخلية للسيرفو بحوالى 80 جنية وضمان لمدة عام.
وارجو الا تستهين باعطال الفرامل

الف شكر لرد حضرتك هو فعلا الميكانيكى بتاعى قال ان فى ورشه بتصلحه فى احمد سعيد بس ياريت لو حضرتك تقوللى اسم الورشه او المسؤل عنها
وهل ال80 جنيه ثمن الطاقيه الداخليه ام ثمن الطاقيه بالمصنعيه والف شكر

[mero78]

انا كان عندي صوت التنفيس دة بردة و عالجتة باني روحت للميكانيكي و قام مقفل السيرفرو كويس و حط علية زي مادة لاصقة كدة و ركبة و كان في مسمار او صمولة في دواسة الفرامل رابطها و الصوت تقريبا راح 90%

هوا انتا لما تدوس فرامل ع الاخر الصوت بيروح؟

والله انا مبسوط جدا من المشاركه الأيجابيه لحضراتكم وخصوصا انى طلع عينى من الصنايعيه ومن الإفتاء بتاعهم وبقت اسهل حاجه عندهم كلمة ( غير ) انا بإذن الله هانزل الورشه بتاعة احمد سعيد بعد ما اخذ عنوانها من الأستاذ lord of the file دعواتكم بالتوفيق وشكرا مره اخرى للمشاركه

[Lord of the flies]

اسف يا باشا على التاخير

هى الورشة امام باب سنترال العباسية وهى مشهورة جدا هناك بس للاسف انا مش فاكر اسم صاحبها .

بالنسبة لل80 جنية فهم شاملين كل حاجة الطاقية +التنظيف+الفك والتركيب و لازم تفاصل معاهم.

وابقى طمنا عملت اية .

[mero78]

اسف يا باشا على التاخير

هى الورشة امام باب سنترال العباسية وهى مشهورة جدا هناك بس للاسف انا مش فاكر اسم صاحبها .

بالنسبة لل80 جنية فهم شاملين كل حاجة الطاقية +التنظيف+الفك والتركيب و لازم تفاصل معاهم.

وابقى طمنا عملت اية .

يا باشا ربنا ما يحرمنى منك ان شاء الله فى أقرب وقت هاكون هناك وهابلغك بالنتيجه