الفليشيا الاوكتين بتاعها كام

[atamim]

السلام عليكم ورحمه الله و بركاته

انا عارف ان ماتور الفليشيا قديم بس الالمانى عموما اوكتينه عالى

فيا ترى الفليشيا اوكتينها كام و افضل بنزين ليها اى؟

و الاستهلاك جوة البلد قد اى و على السريع اى؟

و اخر سؤال كل نقلة على سرعة كام؟

علشان الفرنا الى عندى بنقل 20 \40\60\80 و الخامس مفتوح لبعد كدة

[crazylambada]

بص يا مان انا عندي الفيفوريت نفس الماكنة بتاعتك
و كنت بحط ليها بنزين 92 لحد ما ميكانيكي شغال في التوكيل قلي
غلط عليها و الكويس 80 و جربته و فعلا الماكنة تمام و مفيش تاثير خالص عليها
فبنصحك ببنزين 80
ثاني حاجة بقى بالنسبة للنقل فانتا حسب احساسك للماكنة
يعني لو ماشي عادي
يبقى التاني لحد40 و التالت لحد 70 و الرابع لحد 90 و الخامس مفتوح
اما لو بتشد متتخضش
التاني لحد 60-70
و التالت لحد 110-120
و الربع لحد 140
الخامس عندي لسه مقفول فاخره معايا 130 يعني اقل من الرابع
خلي بالك النقلات ديه و الماكنة لسه متفتحتش كويس
و انا تحت امرك في اي استفسار

[ooso28]

اوكتين الفليشيا 91
واستهلاك البنزين ضئيل بس مقدرش اقول ارقام
بالنسبة للنقلة فهيا في الحدود دي
هيا مشكلتها في ان موتورها ضعيف شوية ال1300

[crazylambada]

انتا ماكد من موضوع 91 ده
؟؟؟؟؟؟؟؟؟؟؟؟؟؟؟؟؟؟؟؟؟
ارجو الرد

[ooso28]

احنا عندنا فيلشيا موديل 96 وانا شوفت الكتالوج ولقيتو 91 وعلي العموم انا هشوف تاني برضو واتاكد اكتر بس انا متأكد يعني

[Gabrforever]

ايوه اوكتين الفليشيا 91

[mazenossama]

والله يا جماعة انا لي رأي في الموضوع ده
بنزين 80 وحش ومش كويس علي المكنة خصوصا انها مش قديمة قوي وبيعلي صوتها
من وجهة نظري انت لو عايز تقتصد حط 90 بس سحبة اقل سنة ولكن معدل احتراقة ابطء
او 92 وهو الاحسن وطبعا مفيش فرق كبير في التمن بس سحبة احسن واحتراقة اسرع

بمعني جرب حط في عربيتك 10 لتر 90 وامشي عادي جدا وشوف هيعملو كام كيلو مشي وبعد كده حط 92 وبرده حط 10 لتر وجرب هتلاقي 90 في بركة اكتر وزيادة حوال 15-20% في المسافة
طبعا الموضوع ده بيختلف من نوع عربية لاأخر وكمان من بنزينة للتانية

وثانيا موضوع 92 غلط علي العربية و 80 هو الي صح بصراحة موضوع محير بس طبعا مع كل احترامي ليك اخي crazylambada
انا بصراحة اعرف ان البنزين كل ما يعلي اكتانة كفأءتة بتزيد فلو العربية كفاءت متورها مثلا 100 % وهي معتمدة علي بنزين 92 فمش هيفرق في ادائها لو حطيت 95 ولكن مش هيضر المتور لاني ببساطة حسنت كفاءت الوقود بس كده

اما عن موضوع النقلات ومعادها هي الاول / التاني / التالت / الرابع
20/40/60/80

انا عارف اني النقلات دي صغيرة ولكن ده اصح حاجه للحفاظ علي كفاءت المتور اطول مدة ممكنة وده عشان النقلات بتاخدها علي عدد لفات قليل و معتدل

ثانيا احب افكر زملائي الافاضل بأن متور الاسكودا 1300 سي سي اي سعته صغيرة وخرج حصانة في ابهي حلاته 68 حصان وانا بصراحة شخصيا معرفش عربيتي الفليشيا كام حصان ولو حد يعرف ياريت يقولنا المهم ان متوره صغير وقوتة مش جبارة خصوصا مع كتلة الفليشيا التقيلة فبلاش نتعب العربية وهي مش بتاعت شد وحتي لو شدنا فبلاش نرهق المتور ويبقي موضوع الشد ده متكرر

[crazylambada]

ايه الحيرة ديه بقى يا جماعة
؟؟؟؟؟؟؟؟؟؟؟؟؟؟؟؟؟
انا كده تهت خالص

[ooso28]

السعة القدرة العزم

1300 40كوات53.6حصان(500لفة) 94نيوتن(3250)

1300i ء50ك وات67حصان(5500) 10 نيوتن(3750)

1600 55ك وات 73.5حصان(4500) 15 نيوتن(3500)

[ooso28]

السعة......................القدرة................. .................العزم

1300.......40كوات53.6حصان(5000لفة)........94نيوتن( 3250)

1300i......ء50كوات67حصان(5500).........100نيوتن 3750

1600.......55كوات73.5حصان(4500)........135نيوتن 3500

[mazenossama]

السعة......................القدرة................. .................العزم

1300.......40كوات53.6حصان(5000لفة)........94نيوتن( 3250)

1300i......ء50كوات67حصان(5500).........100نيوتن 3750

1600.......55كوات73.5حصان(4500)........135نيوتن 3500

جميل اوي الكلام ده
الي عندنا في مصر 54 ولا 67 ؟

[ooso28]

جميل اوي الكلام ده
الي عندنا في مصر 54 ولا 67 ؟

اكيد 54 لان التانية اعتقد والله اعلم انها انجكشن

[crazylambada]

هيالماكنة دي فعلا فيه منها نسخة انجكشن
بس هل اختلاف الانجكشن عن الكبراتير يفرق ال13 حصان
و برجح حكاية انها 54 لان العربية بتاعتياخرها 140 و لما تتفتح اخرها 150 او 160
و فيه فيديوهات بره لناس بيقفلوا العدادات 180 لمواتير 1300
و شوفت ليها قبلكده موتور 1500 في فيديو على اليوتيوب

[ooso28]

طبعا يفرق وعدد الصمامات بيفرق وبعدين شوف تيوتا عملت اية بمحرك الياريس ال1300 87 حصاان وعزم 121

[mazenossama]

هيالماكنة دي فعلا فيه منها نسخة انجكشن
بس هل اختلاف الانجكشن عن الكبراتير يفرق ال13 حصان
و برجح حكاية انها 54 لان العربية بتاعتياخرها 140 و لما تتفتح اخرها 150 او 160
و فيه فيديوهات بره لناس بيقفلوا العدادات 180 لمواتير 1300
و شوفت ليها قبلكده موتور 1500 في فيديو على اليوتيوب

فعلن الموضوع غامض 54 ولا 67 ؟
ومحتاج اجابة اكيدة لتعم الافادة علينا كلنا
بس 54 و 67 حصان ساعتها مش حاجه قليلة خالص خصوصا ان المتور ده التكنولوجيا بتاعتة بقالها 15 سنة واكتر اما تويوتا يارس فهي حاجه بنت النهاردة والمعروف ان محركات اليومين دول الحصان بتاها عالي حتي مع السعة القليلة وخير مثال اليارس