إعـــــــلان

Collapse

.

,
See more
See less

منين اجيب ترموستات مروحة الرداتير

Collapse
X
 
  • Filter
  • الوقت
  • Show
Clear All
new posts

  • منين اجيب ترموستات مروحة الرداتير

    يا جماعة انا غيرت ترموستات المروحة مرتين بترموستات بتاعة 128 و بتعلق مرة تشتغل و مرة متشتغلش و سعات تشتغل علي 90 و ساعات تشتغل علي 110 و ساعات العربية تسخن و تجيب 110 و انزل الاقي المروحة مش شغالة بردو ,قمت جبت ترموستات اصلي ب 65 جنية من عند سيد صلاح اللي في التوفيفية و بردو عملت نفس المشكلة باظبط و علي فكرة المروحة شغالة لاني عملها زرارمن جوة يشغلها يدوي و لما العربية بتسخن بشغلها بية بس هوة انا هفضل مشغلها بية كدة علي طول
    يا ريت حد يقولي اجيب انهي ترموستات بتاعة 128 و لا الاصلي و اجيبها منين بس تكون شغالة
    ولا ممكن يكون في سبب تاني بيخلي الترموستات مبيشتغلش
    [SIGPIC][/SIGPIC]

  • #2
    مش عارف يا طارق انا شايف كده ان الموضوع مش ثرموثتات .. الموضوع انها مش بتحس بنفس درجه الحراراه اللى انت شايفها على عداد الحراراه عندك فى التابلوه أقولك ليه
    1- الثرموثتات اللى بتقرا حرارة الموتور و تطلعهالك على عداد التابلوه راكبه فوق الموتور بالظبط فوق ثرموثتات الكوع هاتلاقيها كده بين قربه الميه و عمة الكاربراتير و طبعا درجة الحراره هنا مختلفه تماما عن درجة الحراراه اللى بتقراها الثرموثتات اللى راكبه فى الرادياتير من تحت فى وش الموتور على طول تحت الاسبراتير كده و دى هى اللى مهمتها تشغل المروحه
    2- بما ان الثرموثتات اللى فوق دى بتحس بدرجه حراراه عاليه قوى و ثرموثتات الرادياتير مش حاسه بيها و بالتالى مش بتشغل المروحه يبقى فيه خلل فى دورة المياه عندك
    يعنى اقصد ان الميه السخنه قوى بتكون محجوزه فى جزء معين فى الدورة فى حين ان الجزء التانى الميه فيه اقل سخونه بكتير
    ده معناه انك محتاج
    1- تنظيف دورة المياه و التأكد من ان كل الخراطيم سليمه
    2- التأكد من ان ثرومثتات الكوع شغاله كويس و البوابه بتاعتها بتعدى اندفاع الميه بكفاءه
    3- جرب كده تتدور العربيه و سيبها تسخن و هى واقفه و شوف الثرموثتات هاتشتغل و لا لا و هاتفصل بعد قد ايه و جرب ده كذا مره و اعتقد 90% هاتلاقيها شغاله زى الساعه و بتفصل و تشتغل فى ميعادها لكن و العربيه واقفه
    اذا ده حصل يبقى انت اتأكدت ان الثرموثتات كده بتلقط و شغاله مظبوط
    اما و هى ماشيه و نتيجة ارتفاع درجه حراره الميه بشده عن منطقه ثرموثتات العداد بالتالى بتقرا رقم عالى لكن عند ثرموثتات المروحه الميه مش سخنه للدرجه اللى تشغل الثرموثتات

    Comment


    • #3
      انا لسة منظف الرداتير في البنزينة و دورة المية ماشية تمام بس الميكانيكي بتاعي مش راضي يخليني اركب ثرموثتات الكوع
      حتي انا اشتريتها بالفعل و قالي لا روح رجعها انا عارف بأقولك اية
      [SIGPIC][/SIGPIC]

      Comment


      • #4
        غير الميكانيكي
        صدقني
        مبحبش الميكانيكي اللي بيغير في فابريكه العربيه
        مش بيبقى فاهم
        [CENTER][SIGPIC][/SIGPIC][/CENTER]

        [CENTER][SIZE=5]اكبر تعديل لسكودا فيفوريت :vctry:[/SIZE][/CENTER]
        [CENTER][URL]http://www.nilemotors.net/Nile/101990-a.html[/URL][/CENTER]

        Comment


        • #5
          المشاركة الأصلية كتبت بواسطة crazylambada مشاهدة المشاركة
          غير الميكانيكي
          صدقني
          مبحبش الميكانيكي اللي بيغير في فابريكه العربيه
          مش بيبقى فاهم
          حقيقي الموضوع ده انا سالت اكتر من ميكانيكي كلهم يقولولك شلها احسن علي اساس لو باظت فجأة بتخرب الدنيا لو كانت ركبة قبل اي مشكلة يبقي ركبها طبعا وغير كدة يبقي هجص بس اتأكد انها اصلية عشان ان شوفت المضروبة

          Comment


          • #6
            شوف يا باشا لازم الميكانيكى يقولك كده لسبب بسيط قوى
            انه م شفاهم ايه دى!!!
            حبيبى العربيه دى ليها مصنع و وراه مهندسين بيعملو عربيه علشان تتوزع على مستوى العالم و يكسبوا من وارها فلوس مش ميكانيكى .. عموما الثرموثتات دى ليها وظيفه و انت تقدر تحكم هل وظيفتها غير مهمه و لا مهمه .. و كمان اذا حصل و باظت فهى مش بتأثر على حاجه بالشكل المدمر لأنك هاتحس على طول انها وقفت لما تلاقى السخونه ابتدت ترجع تانى .. و دى مجرد ثرموثتات بتشتغل بدرجه حراره الميه اللى بتمر منها يعنى لا هاتضرب كهربا و لا تبوظ حاجه
            انا شايف ان اللى صنع السيارة فاهمها اكتر مننا و لما العربيه ترجع كل حاجه فيها شغاله زى ماصاحبها عملها وبعدين يبان عيب ساعتها نقدر نقول ده يشتغل و ده لأ لكن بوجود جزء مش شغال اصلا ازاى نقدر نحدد العيب صح

            Comment

            Working...
            X