علبة الدركسيون

[mazenossama]

السلام عليكم ورحمة الله وبركاتة
الحمد لله انا عندي فليشيا بس للأسف علبة الدركسيون مجنناني طبعا للأسف العلبة الاصلية متغيرة بواحدة صيني بس كتر الف خيرها بألها حوالي 3 سنين والعلبة الاصلية مش موجودة عشان اعملها حشوة واظبطها
فطبعا انا محتار بين 3 حاجات وليا استفسارين
انا محتار بين
1- اشتري علبة جديدة صيني بردة طبعا لان الاصلي غالية اوي (الصيني 220 والاصلي 950)
2- الميكانيكي الي بتعامل معاة قالي اعملك حشوة وهتتكلف 100 جنية بس مش محبز الاقتراح ده الصراحة
3- اصبر علي الي معايا لغاية مجيب استيراد بس مستبعد بس هل غلط امش بيها كده؟

الاستفساري
ن انا سئلت عند عابد الي فيصل
لقيت عند ه صيني 220وتركي ب350 واصلي 950 بس سئلت عن واحد تاني (ابو الحسن) قالي مفيش عنده غير صيني واصلي ب 1200 جنية ) ازاي في فرق كبير كدة في تمن الاصلي مع العلم اني التاني ارخص في حجات كتير

الاستفسار التاني انا مرة ركبت حشوة لعلبة دركسون سيارة اخويا الفليشيا ايضا بس محستش انه رجع زي الزير و حسيت انه مبوش برضة بس طبعا مش زي عندي دلوقتي بس الدركسيون الي في عربية اخويا اخف بكتيير بغض النظر عن البوش الي فيه وساعتها برده الميكانيكي كان نص لبة فهل ده عيب في تركيب الحشوة والمفروض يختفي البوش نهائيا ولا درجات

الاستفسار التالت

انا لو فكرت اشتريها استيراد تكلفني كام وهل هتحتاج حشوة ولا لا وهل الحشوة دي بتتركب جوة العلبة ولا فين بالظبط عشان انا خايف بعد مجيب العلبة جديدة انها تحتاج اضافات او تظبيط

تعليقي علي العلبة الصيني vika

تمنها كان 220 جنية علي لسان صاحب السيارة الي قبليا قعدت معاه حوالي سنتين الا شهور لما اخدت العربية منه كان الدركسيون تقيل اه بس كان البوش بسيط جدا وغير محسوس وكان الدركسيون بيخف بشكل ملحوظ مع ظبط العجل
طبعا في اعتقادي ان علبة الدركسيون الصيني دي ممتازة لانها قعدت 3 سنوات بدون حشوة ولا يحزنون ده غير الي جاب اجلها هي اني بركن في رمل فطبعا ده عجل من نهايتها بس غير كده ممتازة وخصوصا مع الاستخدام المتوسط والشوارع المسفلتة فعشان كده حاطتها او اختيار


طبعا انا عارف كعادتي معاكم بطول و بخنق بس انا عارف ان اعضاء المنتدي الكرام مبيتاخروش دايما

والسلام عليكم

[panda]

شكرا على التطويل فمنكم نستفيد بس بتاع العفشه قال لى ان ممكن اعمل حشو فى شارع شمبليون ناس متخصصه هناك ؟

فارجوا افادتنا بعد ما نجرب فى حضرتك جزاك الله خير

[zyadahmed]

هل فى علبة استيراد مستعمل انا بادور لانى العلبة اللى عندى تعبانة جدا ومشتري العربية من سنة وماشة بيها كده وخايف يكون ده خطر ياريت حد يطمنى

[DONYO]

هل فى علبة استيراد مستعمل انا بادور لانى العلبة اللى عندى تعبانة جدا ومشتري العربية من سنة وماشة بيها كده وخايف يكون ده خطر ياريت حد يطمنى

بص يا باشا انا رأيي انك بما ان العلبة بتاعتك صيني فدي ما تعملهاش حشو احسن تشتري واحدة صيني جديدة طكالما بتقعد 3 سنين ، اما انك تشتري مستعمل فدي هتعوز برضو حشو وعادة الحشو لو نضيف بيقعد من سنة لسنتين على احسن الظروف وبالتالي لو مافيش امكانية انك تجيب الاصلي هات صيني وتوكل على الله
اما مسألة الخطورة فيفضل انك تغيرها في اقرب فرصة لان البوش بتاعة هيزيد وممكن لا قدر الله تفوت تماما وتلاقي الدركسيون ما بيشتغلش ودي حصلت معايا في عربيتي المازدا زمان وكنت والله في كل ملف انزل احود العجل بأيدي لحد ما وصلت لبتاع العفشة فبلاش تستنى على الموضوع دة