باب الكرباتير للفليشيا

[ahmed karm]

السلام عليكم ورحمة الله
ياريت حد يفيدنا في مشكاة عطل باب الثاني للكرباتير الخاص بالفلشيا 98 اللي مابيفتحش حسب راي الميكانيكي لو حد مر بنفس المشكلة ياريت يقوللي حلها ازاي و فين. وده لان معلوماتي في الميكانيكا تعبانه و خايف يكون الميكانيكي بيشتغاني.

[Hossam_Hassan]

روح للراجل المشهور بتاع الكاربراتير اللى فى شبرا الخيمة و هو هيقولك على الصح.

[pippo3k]

على ما اعتقد ان الفليشيا من اول موديل 98(وش اوكتافيا) انجيكشن مش كاربارتير. يا ربت تتأكد الأول...و الله أعلم

[hazem_khidr]

على ما اعتقد ان الفليشيا من اول موديل 98(وش اوكتافيا) انجيكشن مش كاربارتير. يا ربت تتأكد الأول...و الله أعلم

لا يا باشا الانجكشن كان من اول 2000 و كانت بتتعرف انها اعلي شويه من الفليشيا العاديه

[Chicco]

لا يا باشا الانجكشن كان من اول 2000 و كانت بتتعرف انها اعلي شويه من الفليشيا العاديه

+1
و متهيائلى موديل 2000 ظهر في أواخر99

[pippo3k]

حازم باشا... الف شكر على المعلومة دى...
ياريت لو تعرف اى معلومات عن الفرق ما بين موديل 97 و ما هو اعلى منه...

[hazem_khidr]

حازم باشا... الف شكر على المعلومة دى...
ياريت لو تعرف اى معلومات عن الفرق ما بين موديل 97 و ما هو اعلى منه...

لعفو يا باشا علي ايه.
الفرق بين 97 و ماا قبل من حيث الشكل الخارجي كان فيه تعديلات طفيفه جدا زي تغيير الشبكه و الاكصدامات و من الداخل تغيير طاره الدركسيون فقط.
اما ميكانيكيا فمكنش فيه اي تغيير ما عدا سنه 2000 تم تغيير نظام تلقيم الوقود من الكربيراتير الي الانجكشن علي نفس الموتور.

[أبو ياسين]

ريج دماغك وبعها وأشترى زيرو الكاربيراتير مشكله مبتخلص

[fady]

0125407002
ممدوح في شبرا الخيمه احسن واحد بتاع كربراتير اتعاملت معاه و امين جدا جدا و مش بيفتي.

[pippo3k]

ها يا أحمد المشكلة إتحلت ولا لسه

الفرق بين 97 و ماا قبل من حيث الشكل الخارجي كان فيه تعديلات طفيفه جدا زي تغيير الشبكه و الاكصدامات و من الداخل تغيير طاره الدركسيون فقط.
اما ميكانيكيا فمكنش فيه اي تغيير ما عدا سنه 2000 تم تغيير نظام تلقيم الوقود من الكربيراتير الي الانجكشن علي نفس الموتور.

الف شكر يا باشا على المعلومات دى

[ahmed karm]

0125407002
ممدوح في شبرا الخيمه احسن واحد بتاع كربراتير اتعاملت معاه و امين جدا جدا و مش بيفتي.

اتا اسف جداً نسيت اقولكم اني في الإسكندرية و متشكر جداً على أهتمامكم. انا فعلاً روحت لواحد تاني وطلع ان الأول كان بيكدب عليه(حسبي الله ونعم الوكيل) وكان محتاج تنضيف .