إعـــــــلان

Collapse

.

,
See more
See less

استفسار هام عن اصلاح فيليشا

Collapse
X
 
  • Filter
  • الوقت
  • Show
Clear All
new posts

  • استفسار هام عن اصلاح فيليشا

    السلام عليكم
    واحد صاحبي اشترى سكودا فيليشيا موديل 98
    مفيش 3 شهور وفتحت بقها تماما مع اناه دواخل فابريقة كلها
    المهم
    الراجل راح عمل سمكرة ودوكو وغير علبة الفيوزات كلها وركب بطارية جديدة
    وبعد كل ده حرارة العربية بتوصل لآخرها ومش عارف السبب مع انه بيحط ميه كل شوية دي واحدة.
    الحاجة التانية العربية بتقف منه كتيييير يعني يدوس على البنزين الدواسة تنزل ومتطلعشي تاني وتدي هوا يعني لابنزين ولا اي حاجة
    هو من الإسكندرية
    مين ميكانيكي كويس ويكون امين يروحله؟
    وازاي يعرف ان العربية مفيهاش بلاوي تانية مستخبية؟
    وهل ممكن يروح يكشف عليها في التوكيل ويصلحها برة؟
    ومصاريف الكشف كام؟ ويطلب منهم ايه بالظبط؟
    شكرا

  • #2
    مفيش علاقة بين الدواخل وبين الحالة الميكانيكيا
    الدواخل يعنى الرفرف والحوض

    كمان نعروف عن الفيليشيا انها بتسخن بسهولة
    ولو مخدتش بالك من حراراتها ممكن تجيب وش سلندر بسهولة لا قدر الله

    لو هيكشف فى التوكيل
    بيكشف ميكانيكا وكهربا
    وممكن يكشف سمكرة وده بيكون على الدهان والشاشسيه
    كمان
    كل شوية بيحط مية
    ده معناه ان المياة بتتسرب او فيه سخومنة شديدة

    اعمل بحث بالفيليشيا فى المنتدى علشان تتعرف على علاج مشكلة السخونة فيها
    A.Saad

    Comment


    • #3
      المروحه بتشتغل ولا لأ
      علشان موضوع الحراره
      موضوع الدواسه بس علشان اتاكد لما العربيه بتقف منه
      يعني هوا ماشي ودايس بنزين و فجأه البنزين بيقطع و لا ايه بالظبط
      فهمني اكتر
      بالنسبه للتوكيل انا بودي عربيتي غمره و عادي
      [CENTER][SIGPIC][/SIGPIC][/CENTER]

      [CENTER][SIZE=5]اكبر تعديل لسكودا فيفوريت :vctry:[/SIZE][/CENTER]
      [CENTER][URL]http://www.nilemotors.net/Nile/101990-a.html[/URL][/CENTER]

      Comment


      • #4
        A.Saad

        Comment


        • #5
          الفيليشيا جابت معايا وش سلندر مرتين فى سنة مع انها بتكون طبيعية فى الحرارة معظم الوقت لكن ساعات وبدون سابق انذار تسخن جدا ولو مش واخد بالك يبقى وش سلندر

          ربنا يكفيك شرها فى الصيف لكن فى الشتا بتكون عادية جدا وممتازة
          [B][SIZE="3"]مصر تستحق الخير
          [/SIZE][/B]

          Comment


          • #6
            ولله الفليشيا ماشية معايا صيف وشتا زي الفل المشكلة ان اخونا الغالي اشتري العربية من دون فحص ودي المصيبة اي عربية بتكون مشنة بتأكل الاخضر واليابس ولو مرسيدس

            Comment


            • #7
              سخنت معايا الفليشيا مره بسب فيوز المروحه و بعد كده بسبب انسداد سربنتنة الردياتير و بمجرد تغيرها انتهت مشكلة الحرارة تماما

              Comment


              • #8
                والله اشكركم جزيلا لردكم المفيد
                هو بالفعل يا zyadahmed العربية جابت وش السلندر والراجل كره العربية وبيفكر يبعها
                هو كده غير حاجات كتير
                علبة الفيوزات كاملة
                المارش
                قربة المية
                سمكرة
                دوكو
                بطارية جديدة
                مش عارف ناقص ايه تاني مستخبيله
                انا نصحته يبيعها ولا ايه رايكم؟
                ولو لا تنصحوه بايه بعد كدة؟
                شكرا

                Comment


                • #9
                  عبدو المكانيكى ده نمره واحد ومشى حرامى ديه نمرته 0129002438

                  Comment


                  • #10
                    السلام عليكم ورحمة الله وبركاته
                    ياجماعة انا معايا الفليشيا من 11سنة
                    وعمري ما حسيت بموضوع الحرارة ده
                    المهم تتأكد من
                    1- سلامة المروحة والفيوز بتاعها
                    2- ان الردياتير سليم ولو فيه لحامات تأكد من سلامتها
                    3- سلامة الساعة الي متركبة في الردياتير
                    4- سلامة وصلات الخراطيم
                    5- استعمل مية حمره وده الاوريجينال بتاعها
                    6- كل بداية فصل سواء شتا أو صيف اعمل دورة غسيل للردياتير
                    وان شاء الله مش هتلاقي مشاكل سخونة
                    والله العربية زي الفل
                    وشكراااااااااا

                    Comment


                    • #11
                      انا معايا فيليشيا 98 روحت كشفت فى التوكيل فى اسكندرية لما اتصلت قالى كشف الميكانيكا 30 جنية لكن لما روح وخلصت كشف قالى 83 جنية

                      Comment


                      • #12
                        فيوز المروحة , قوة المروحة , قميص للمروحة , الريداتير سليم وغير مسدود ,قطعة الحرارة سليمة ومابتقراش غلط سواء للدرجة العالية او الواطية , عدم تحميل العربية بالمكيف , كل دى من اسباب سخونة الفليشيا

                        Comment


                        • #13
                          أنا معايا فليشيا 97 بقالها خمس سنين ماشاء الله عاليها مفيش مصريف بصرفها غير بنزين وزيت فقط بس لسه عملاها معايا امباريح على الطريق الدائرى وانا ماشى حسيت بتسقيف فى الموتو وسخونه مره واحده طلعت من فتحات التكيف ولمبه الزيت نورت فوقفت على جنب بسرعه وبصيت على مؤشر الحراره لقيته عادى مش عالى المهم طفيط الموتور وفتحت الكبوت لقيت دخان وريحه شياط خارجه منه ومافيهاش نقطه ميه سبتها خالص لما بردت حوالى ساعه ودورت العربيه وبدئت أزود ميه كتيره قوى قوى وأبص الاقى الميه كلها بتنزل من تحت الموتور مبقتش عارف فى ايه
                          المهم اتصلت بونش رفعها ووديتها للميكانيكى قالى مبدئيا طرنبه الميه عايزه تتغير قولت الحد لله انها جت على قد كده قالى متفرحش قوى كده.... معنى الى حصلك ده تبقى عايز تعمل وش السلندر وفتحت فى مصاريف بس الحمد لله كلفت فى حدود 1000 جنيه بس كل حاجه جبتها ألمانى والحمد لله.

                          Comment


                          • #14
                            محتاج ميكانيكي

                            احسن ميكانيكي للفليشبا الاسطي ابراهيم ومكانه السيوف خلف محل سيتي لايت عند دوران السيوف

                            Comment


                            • #15
                              المشاركة الأصلية كتبت بواسطة corel مشاهدة المشاركة
                              والله اشكركم جزيلا لردكم المفيد
                              هو بالفعل يا zyadahmed العربية جابت وش السلندر والراجل كره العربية وبيفكر يبعها
                              هو كده غير حاجات كتير
                              علبة الفيوزات كاملة
                              المارش
                              قربة المية
                              سمكرة
                              دوكو
                              بطارية جديدة
                              مش عارف ناقص ايه تاني مستخبيله
                              انا نصحته يبيعها ولا ايه رايكم؟
                              ولو لا تنصحوه بايه بعد كدة؟
                              شكرا




                              طالما عمل فيها الشغل دة يبقي من رأاي يصبر شوية على البيع ونتابع معاك خطوة بخطوة لحين انهاء كل المشاكل وبعد كدة هيستمتع بالعربية وكمان لو باع دلوقتي بعد المصاريف دي هيخسر كتييييير
                              [COLOR=Blue][SIZE=5][COLOR=Navy]مع تحياتي / أحمد أبو ميزو
                              [img2]http://www5.0zz0.com/2014/05/05/06/544429690.jpg[/img2]

                              [/COLOR][/SIZE][/COLOR]

                              Comment

                              Working...
                              X