تركيب زجاج خلفى كهرباء لبولو 98

[M.Mostafa80]

الفكره طقه فى دماغى من زمان وكنت عايز انفزها
وكان اللى مانعنى أنى مرتبط بتاجر معين فى قطع الغيار الأستيراد هو اللى يجبهملى لأنى باخد منو حجتى نضيفه وكامله
المهم أتأخر عليا فى انو يجبهم
نزلت انا لفيت فى الحرفيين على المكنتين وجبتهم من نادر أوتو موتيف ب 350 المكنتين الخلفى بزرايرهم
وخدتهم وأتكلت على الله
وروحت للكهربائى بتاعى مشاء الله عليه فى شغله بتكيف وانا بتفرج عليه وهو بيشتغل من نضافته وحسن تفكيره عملهم الضفيره بتاعتهم وطبعا ركبت معاهم وحده رفع وبدأيشتغل ويمشى السلك فى جسم العربيه طبعا مش زى بعض العكاكين يمشى السلك وخلاص لأ جاب حاجه أسمها مكرونه مشى فيها السلك المكرونه دى بتبقى عامله زى الخرطوم الصغير
المهم بدأنا نركب وجهتنا فى الأول صعوبه فى فك المكنه القديمه العاده
استعانه بالله وفكناها بسلام
وكلو كان ماشى زى الفل
بس وجهتنى مشكله أيه هى أن الفرش القديم مفتوح فيه دايره مكان الأكره طب وأيه الحل
لقيتو بيقولى هو انت مش هتعمل زرار ورى فى البابين قلتلو أه صحيح كانت تايهه عن بالى
قالى هنجيب زرارين موجودين فى السوق شبه بتوع العربيه الفابريكه
ونظبطهم فى مكان فتحه الأكره بتاعت الأزاز قلتلو تفتكر تداريها ويبقى شكلها كويس
قال نتكل على الله ونفذ وان شاء الله هتبقى حلوه
وفعلا من يتكل على الله ويسعى ربنا بيديلو اللى نفسو فيه
ركبو الزرارين مكان فتحات الأوكر وداروهم تماما لا وجود أثر لمكان الفاتحه دى وتشفها تقول هما نازلين كدا فابريكه
خلصناو قفلنا وجربنا الحمد لله النتيجه كويسه وأصبح عندى أربعه زجاج كهرباء بشغل فابريكه مش عك
نيجى بقى للمهم اللى هو الحساب
طبعا الراجل شغلو زى الفل
وقعد يشتغل فى العربيه من الساعه 6 للساعه 1.3 وطلع عينو وظبط الدنيا كويس الحمد لله
كام ياعمنا الحساب قالى انا حطيت بضاعه من عندى سلك وكلبسات كهرباء وجرباتها ب 40 ج
قلتلو ماشى قلتلو طب والمصنعيه قالى 250 بصيتلو قالى 200 بس انت مش غريب عنى وصاحب محل أنا عارف ان ممكن ناس كتير تقول كتير بس اللى يشوف شغل الراجل ده ما يستخسرش فيه 1
ودى كانت رحلتى مع تركيب الزجاج الكهرباء الخلفى بوحدات رفع بتكلفه أجماليه 670 (مكن زجاج 350/وحده رفع وولف 40 ج / مصنعيات وسلوك وكلبسات 250/20 أكراميه )
كل دا رغى أنا بقى أصدى أيدى وجعتنى

[أبو_حمزة]

1000 مبروك يا محمد
بس نترازل عليك و نقول الصور لحد ما نتقابل و نشوفها بعنينا
انا نفسى اركب عندى الازاز الكهربا بس كان مضايقنى قوى موضوع قدام بس

[M.Mostafa80]

من عنيا الجوز ياباشا فى أقرب وقت وفرصه هصورلك الدنيا كلها اللوحه بتاعت الكونسوله والبابين الخلفيين
وبالمره معاهم الستاير الكبس

[أبو_حمزة]

بس خد بالك انت كده ها تتحسد
ربنا يبارك لك

[M.Mostafa80]

أوبا كلو الا كدا يعمنا الله يبارك فى الأعضاء لما يدخلو يبقو يقولو مشاء الله بسم الله وبعدين انا معملتش امله يامحمد دى حاجه عاديه جدا فى أى عربيه هيحسدونى على ايه دا أزاز كهرباء وربنا يدى كل الناس اللى نفسهم فيه

[necromancor]

الله ينور

[أبو_حمزة]

يا باشا ده انا با اضحك معاك
و ان شاء الله نبقى نعمل زيك و ناخد منك المشورة

[أبو_حمزة]

بس صحيح سؤال
اللى انت عملته ده مش ممكن يتعمل فى الزجاج الامامى
يعنى بدل تغيير الضفيرة و فرش الابواب

[M.Mostafa80]

مش عرف أذا كان ممكن ولا
بس خلى بالك يامحمد أنا مبعدتش عن الفابريكه كتير
يعنى عندى التابلوه معمول فابريكه بالنسبالك مجمع المفاتيح هيبقى فى الباب ولا أيه

[أبو_حمزة]

بص عشان تبقى معايا فى الصورة انا عامل حسابى على قرشين ييجوا الشهر الجاى ان شاء الله و اذا ربنا اراد جزء منهم ها يروح للبولو عشان اظبط الكماليات (و على راسها الزجاج)

عشان كده اخر مره فى الحرفيين سألت عند البيومى على الحاجات و قال لى انها موجودة (ضفيرة و مكن و فرش ابواب ) بس السعر مش مغرى نهائى و كمان امامى بس
انما لو ينفع يبقى امامى و خلفى كده يبقى يشجع اكتر
بالنسبة لمجمع المفاتيح اعتقد انه بيبقى فى الباب بس ده على اعتبار ان الزجاج الكهربا امامى بس (2 زرار مش 4)

[medo20000]

مبروك يا ميمو باشا الف مبروك وربنا يديلك خيرهم يارب بس هنموت ونشوف الصور شد حيللك

[M.Mostafa80]

بص عشان تبقى معايا فى الصورة انا عامل حسابى على قرشين ييجوا الشهر الجاى ان شاء الله و اذا ربنا اراد جزء منهم ها يروح للبولو عشان اظبط الكماليات (و على راسها الزجاج)

عشان كده اخر مره فى الحرفيين سألت عند البيومى على الحاجات و قال لى انها موجودة (ضفيرة و مكن و فرش ابواب ) بس السعر مش مغرى نهائى و كمان امامى بس
انما لو ينفع يبقى امامى و خلفى كده يبقى يشجع اكتر
بالنسبة لمجمع المفاتيح اعتقد انه بيبقى فى الباب بس ده على اعتبار ان الزجاج الكهربا امامى بس (2 زرار مش 4)

على فكره فابريكه البولو 2 زجاج كهرباء ونادر جدا لما يبقى فى أربعه
على فكره المكنتين اللى انا ركبتهم دول يبقو بتوع بولو كلاسيك 2000 اللى هى السيدان
وعلى فكره يامحمد أنا لما جبت المكن بفرش لأربع بيبان المره اللى فاتت كان ب 800ج

[M.Mostafa80]

مبروك يا ميمو باشا الف مبروك وربنا يديلك خيرهم يارب بس هنموت ونشوف الصور شد حيللك

أدعيلى أوصل بالاسلامه وانا هصورهمهلكحاليا انا على طريق الساحل رايح مطروح واول ما أوصل وأستقر هصورهملك وأحططهم أحسن شئ ان يبقى معاك حد يريحك فى الطريق الطويل ربنا يخليلى أخويا

[original]

ماشاء الله يا محمد وألف مبروك..

[أبو_حمزة]

وعلى فكره يامحمد أنا لما جبت المكن بفرش لأربع بيبان المره اللى فاتت كان ب 800ج

السعر ده من غير ضفيرة العربية ؟؟
يعنى اشتغلت بالضفيرة القديمة؟