طقه مع الفرامل

[vodanet]

فيه كده طقه مع الفرامل كل ما ادوس فرامل اسمع صوت طق واضح جدا
و لما ادوس بنزين نفس الطقه بسمعها

موضوع الطقه مع الفرامل ده حصلى بس من فتره بس غيرت بيض مقص مع بطاحات وبلى والصوت اختفى بس بعد شهر الصوت رجع وبقى يطلع كمان لما ادوس بنزين تفتكروا منين بقى عشان انا زهقت

[M.Mostafa80]

فيه كده طقه مع الفرامل كل ما ادوس فرامل اسمع صوت طق واضح جدا
و لما ادوس بنزين نفس الطقه بسمعها

موضوع الطقه مع الفرامل ده حصلى بس من فتره بس غيرت بيض مقص مع بطاحات وبلى والصوت اختفى بس بعد شهر الصوت رجع وبقى يطلع كمان لما ادوس بنزين تفتكروا منين بقى عشان انا زهقت

أنت قلت التشخصين اللى كنت داخل أقولهملك بس كدا غريبه طيب ربط عفشه وأكشف على البيض والجلب كمان وشوف ايه الأخبار وخلى العفشجى يربطلكم المساعد كويس من فوق وهل هى طقه ولا تزييقه

[vodanet]

هو فى واحد قالى ممكن تكون كبالن سابت
انا خايف لتكون قواعد متور :s

[mesho_kimi]

بص 95 % من المقص تلاقيه كان مخبوط قبل كده و اتصلح واخدت انت كام مطب فا تعب خالص

[M.Mostafa80]

هو فى واحد قالى ممكن تكون كبالن سابت
انا خايف لتكون قواعد متور :s

معتقدش الكبالن لكن ممكن تكون القواعد بتاعت الموتور وارد جدا وممكن تكون محتاجه تربيط بس
خير أن شاء الله

[vodanet]

انا روحت للمكانيكى ربطلى مسمار كده تحت خالص كده تحت بيض المقص بعد كده الصوت راح خالص
المهم بليل كلت مطب وانا رجع من اكتوبر جامد شويه والصوت رجع تانى :s

[original]

يمكن مسمار مفوت!!

[M.Mostafa80]

كدا البضه نفسها اللى مبوشه وهو لما ربط وقرط عليها حصلها زى كبس مع اكله المطب هويت تانى فرجع الصوت غير بيض مقصات على طول
ربنا يستر طريقك

[vodanet]

الحمد لله انا عملتها تمام
طلع لامك صح يا استاذ مصطفى هو ان المسمارين بتوع البيضه كانوا منحولين عالاخر مكنوش ينفعوا للحياه غيرتهم خالص مسمارين مقاس 17

[M.Mostafa80]

الحمد لله انها أتحلت بس على فكره اوريجنال اللى قال ان المسمار مفوت انا قلت ان البيض نفسه بوش (لازم كل واحد ياخد حقه )