عمالقة الجولف

[tornado732000]

يا جماعة كنت عايز أخد رأيكم فى حاجة أنا معروض عليا عربية جولف 2موديل 89 فيها مكنة 2000 agg وجميع الكماليات مانيوال بفتيس سرعات وجنوط اسبور وفتحة سقف كهرباء وفابريقة برة وجوة وتعديل فى الفرامل اللى ورا علشان تكون أحسن ياترى العربية دى أتكلم مع صاحبها فى سعر كام ......

[M.Mostafa80]

لو المكنه ال بى بى كنت قلتلك خدها
وقتى

[ahmed_gman]

السلام عليكم ورحمة الله وبركاته
الصراحة انا معرفش الموتور ده خالص ولكن ممكن تسأل عليه اى ميكانيكى متخصص فى الجولف او رشاد فى الحرفيين هو الى حيفيدك
فى موضوع الصيانة وقطع الغيار ولكن السعر اعتقد فى حدود من 30 الف الى 34 ,35 الف والله اعلم

[tornado732000]

انت بتقول لو المكنة ال بى بى كنت قولتلى خدها طب ممكن توضح أكتر ليه هى المكنة دى مش حلوة وال بى بى أحسن منها فى ايه لان انا معلوماتى عن المكن ده قليلة..... دى المكنة ال agg دى المفروض انها جولف 3 والعربية مطلوب فيها 45 ألف جنيه............. وصحيح فيها تنك بنزين احتياطى 10 لتر الكلام ده مضبوط......

[TOOLA]

التنك ده موجود عندى فى البورا, و لو رحت اى بنزينة بالعربية هيقولك التنك ده موجود ولا لاء, هوا بيبقى زرار كده على حافة التنك لو داس عليه و هو بيمون بيفتح التنك الاحتياطى

[ahmed_gman]

يا باشا ال بى بى اصلآ ديه مكنة 1800 سى سى وهى بتاعت الجولف 2 على التحديد والمعدل بتاعها الى نزل فى الجولف 3 ال 2e وهى 2000 سى سى ودول من انجح المواتير الى نزلو فى الجولف مع توافر قطع الغيار فى مصر بالذات
وكمان السعر ده غالى جدآ ده سعر ال 3
نصيحة بلاش احسن خليك فى ال 3

[tornado732000]

انا متشكر جدا ي أحمد على اهتمامك وردك عليا أنا لحقت نفسى لانى فعلا كنت هاشتريها بس يمكن ربنا اراد اخد رأيك الاول وياريت بعد اذنك لو مفيش ازعاج ليك ابقى اخد رأيك بعد كده انت أو اى حد من الاخوة اللى بيفهموا فى الجولف ولو بقى فى حاجة حلوة قدامك تبقى تقولى علشان نفسى اجرب العربية دى من كتر كلام الناس عليها ...........

[ahmed_gman]

يا باشا لا شكر على واجب
احنا هنا كلنا اخواه بنحب الخير لبعض
وانا عنيى يا باشا ان شاء الله