عضو جديد طالب تقييم وسعر بولو 97

[amnpop]

انا ياجماعه عضو جديد معاكو ومتابع بقالي فتره وبحاول اتعلم منك وفعلا استفدت كتير محتاج حد يسعر بولو 97 1000 الملني ولكم جزيل الشكر

[amnpop]

وكنت عايز اعرف سعر اعاده البيع كويس ولا لأ وايه عيوبها

[elshrpeny]

السلام عليكم ورحمة الله وبركاته

هو بالنسبه لتسعير العربيه البولو ال 97 ال 1000 سىسى الالمانى دا شىء مينفعش نسعرهولك كدا فى المطلق لازم بيكون بناءاُ على حاجات كتير زى :

حالة الماتور
حالة الشاسيه
حالة الدهان
حالة الصالون ككل
حالة الفرش ككجزء
حالة الطابلوه ككجزء أيضاً
العداد عامل كام
فيها تكييف وباور ولا فاضيه ولا فيها حاجه من الاتنين ولو فيها حاجه من الاتنين اصليين ولا تركيب محلى

وهكذا كل دى حاجات مهمه بيتبص عليها وفى غير كدا كمان بس انا بقولك معظمهم وبعد ما بيتعرف كل الكلام دا نبدا نسعر العربيه بقى تمام ؟

اما بالنسبه لسعر إعادة البيع فهو كويس جدا وماتخفش من الموضوع دا خالص بالذات بقى لو الى انت جايبها حالتها شاذه يعنى فابريقه بره وجوه دى اساسا الناس هيه الى ممكن تجرى وراك عشان تشتريها منك

بالنسبه للعيوب ميعيبهاش غير انها ضيقه شويه بس ممكن متحسش بانها ضيقه لان انا بكلم على اساس انها اضيق من الموديل الاحدث وهو 2000 و 2001 وكمان اسعار قطع غيارها غاليه نسبياً شويه بس متوسطه بالنسبة للعربيات عامتاً .

وربنا يوفقك فى عربيه بولو نظيفه إن شاء الله

[M.Mostafa80]

السلام عليكم ورحمة الله وبركاته

هو بالنسبه لتسعير العربيه البولو ال 97 ال 1000 سىسى الالمانى دا شىء مينفعش نسعرهولك كدا فى المطلق لازم بيكون بناءاُ على حاجات كتير زى :

حالة الماتور
حالة الشاسيه
حالة الدهان
حالة الصالون ككل
حالة الفرش ككجزء
حالة الطابلوه ككجزء أيضاً
العداد عامل كام
فيها تكييف وباور ولا فاضيه ولا فيها حاجه من الاتنين ولو فيها حاجه من الاتنين اصليين ولا تركيب محلى

وهكذا كل دى حاجات مهمه بيتبص عليها وفى غير كدا كمان بس انا بقولك معظمهم وبعد ما بيتعرف كل الكلام دا نبدا نسعر العربيه بقى تمام ؟

اما بالنسبه لسعر إعادة البيع فهو كويس جدا وماتخفش من الموضوع دا خالص بالذات بقى لو الى انت جايبها حالتها شاذه يعنى فابريقه بره وجوه دى اساسا الناس هيه الى ممكن تجرى وراك عشان تشتريها منك

بالنسبه للعيوب ميعيبهاش غير انها ضيقه شويه بس ممكن متحسش بانها ضيقه لان انا بكلم على اساس انها اضيق من الموديل الاحدث وهو 2000 و 2001 وكمان اسعار قطع غيارها غاليه نسبياً شويه بس متوسطه بالنسبة للعربيات عامتاً .

وربنا يوفقك فى عربيه بولو نظيفه إن شاء الله

كلامك كلو مظبوط وتمام بس هى حاجه واحد اللى هختلف معاك فيها ال 97 زى ال 2001 لأن الشاسيه واحد وهو هو نفس الحجم البيبان بتاعت دى تركب على دى باب الشنطه يركب التابلو يركب حتى الصدر ممكن يتعدل ويبقى بولو 2001أذن الوسع واحد مفيش أختلاف

[original]

هوا فيه 97 1000سى سى
كل اللى شفته كان على الأقل 1300!!
يمكن تكون 98؟؟
عمتا لو 97 كربيراتير عاده من غير تكييف ممكن من 28 وحسب الحالة لحد 30 - 32
هيا لو إنتاج 97 بتبأا عندنا موديل 98 وبالتالى ممكن تكون 1000
بس مش ممكن يكون موتور متركب؟؟

[elshrpeny]

كلامك كلو مظبوط وتمام بس هى حاجه واحد اللى هختلف معاك فيها ال 97 زى ال 2001 لأن الشاسيه واحد وهو هو نفس الحجم البيبان بتاعت دى تركب على دى باب الشنطه يركب التابلو يركب حتى الصدر ممكن يتعدل ويبقى بولو 2001أذن الوسع واحد مفيش أختلاف

ممكن يكون كلامك صح بس انا بقول كدا بناءاً على تجربتى انا مش كلام فنى وعلمى يعنى لانى كنت ركبت مره ورا فى البولو الشكل الى قبل ال 2001 دى مش عارف بقى سواء 99 او 98 او حتى 97 الله أعلم لاقيت ركبى كانت هتنفجر فعلشان كدا بقول الملوحظه دى فجايز بقى لو كلامك فعلا طلع صح يبقى الكرسيين الى قدام كانوا راجعيين ورا جامد والله اعلم .

[M.Mostafa80]

هما فعلا شكلهم كانو راجعين ورى جامد

[elshrpeny]

نسيت كنت أسألك الزجاج الكهرباء امامى وخلفى الاصلى الحاله النظيفه الاستيراد كلفوك كام يا محمد مصطفى وهل فعلا بيبقوا كويسين كدا زى بتوع الابيزا ولا بيعملوا مشاكل ؟

[M.Mostafa80]

والله هما لحد دلوقتى يجعل كلامنا خفيف عليهم الحمد لله كويسيسن وشغالين كويس اما بخصوص التكلفه فهما كلفونى مع فرش أربع بيبان بضفيره بزراير بكونسوله المفاتيح1250 تقريبا الوضع يختلف فى بولو 2000 2001

[elshrpeny]

طيب يا حج محمد مش تقولينا هتفرق إيه وهتتكلفلها تقريبا كام ؟

وكنت عايز أسألك برده سؤال تانى

عارف انت الدركسيون الى هو يشبه كدا تقريبا شويه الى بيجى مع الجولف 2000 الى هو بيبقى نازل مع البولو ال2000 وال 2001 الاوروبى دا يعمله كام عندكوا لانه هنا فى دمياط بيقولولى 500 جنيه فهل السعر كدا تقريبا عندكوا ولا أرخص ؟

ولو حبيت أجيب الى زى الى بيجى مع العربيه الى هو بتاع العربيات النقل دا برده فى حالتة النظيفه عندكوا بيعمله كام ؟

[M.Mostafa80]

طيب يا حج محمد مش تقولينا هتفرق إيه وهتتكلفلها تقريبا كام ؟

المفروض أنها متفرقش كتير قوى زى ما انت متخيل وبترجع لزمه وضمير التاجر ومدى رضاه بهامش ربح معقول العربيه كلها على التاجر ممكن تكلفه من 7000 الى 8000 جنيه
شوف بيبيع الموتور وباقى الحاجه بكام فهنا بتتدخل قناعه التاجر بهامش ربحه


وكنت عايز أسألك برده سؤال تانى

عارف انت الدركسيون الى هو يشبه كدا تقريبا شويه الى بيجى مع الجولف 2000 الى هو بيبقى نازل مع البولو ال2000 وال 2001 الاوروبى دا يعمله كام عندكوا لانه هنا فى دمياط بيقولولى 500 جنيه فهل السعر كدا تقريبا عندكوا ولا أرخص ؟

اللى هى الطاره الأيرباج اللى بيبقى فها الكلاكس زرارين على جنب دى انا جبتها من الحرفيين هنا
ب 250 جنيه من الألمانيه لقطع الغيار

ولو حبيت أجيب الى زى الى بيجى مع العربيه الى هو بتاع العربيات النقل دا :c_laugh[1]: برده فى حالتة النظيفه عندكوا بيعمله كام ؟

دى ممكن تعمل فى حدود 150 جنيه ومش بتاعت نقل ولا حاجه يارجل هى جميله بردو بس يعيبها سؤ وردأه خامتها اللى بيؤدى لتأكلها بسرعه دا كل ما فى الموضوع

[elshrpeny]

اللى هى الطاره الأيرباج اللى بيبقى فها الكلاكس زرارين على جنب دى انا جبتها من الحرفيين هنا
ب 250 جنيه من الألمانيه لقطع الغيار

انا تقريبا مبشوفش الزراير الى على الجنب دى يا محمد والله أعلم بس هو تقريبا مفيش غير الشكليين دول الى انا قولتلك عليهم عشان يبقى فى شكل تالت غير الى انا قاصده صح ؟ يعنى تقريبا الى انت بتقول عليها فيها زرارين على الجنب دى المفروض انها الى انا اقصدها .

بس فى حاجه يعنى معقول تفرق كل دا يعنى حتى لو قولنا مثلا يا عم ب 450 زى تقريبا أخر سعر سمعته فى اخر مره سالت عليها يبقى الفرق معقول 200 جنيه ودا طبعا لو الى انا وانت بنكلم عليها واحده ودا الاكيد يا لهوىىىىى

لااااااااااااا دا انت تقولى بقى يا باشا عنوان الحرفيين دول بالظبط عشان لما أحب أجيبها اروح أجيبها من هناك إن شاء الله بس هل ينفع اجربها عندهم ولا إن شاء الله بتبقى حالتها نظيفه وكمان ناس مضمونه فمخفش ؟

دى ممكن تعمل فى حدود 150 جنيه ومش بتاعت نقل ولا حاجه يارجل هى جميله بردو بس يعيبها سؤ وردأه خامتها اللى بيؤدى لتأكلها بسرعه دا كل ما فى الموضوع

لاء دى ماشى تمام مفهاش مشاكل تقريبا السعر واحد عندنا هنا برده بتعملها 170 تقريبا بس فعلا خامتها مش ولابد بس أرجع وأقولك هيه برده أذواق يعنى انا فى نظرى الايرباج أحلى و مقولتليش هل الايرباج بيشتغل ولا زى عدمه وهل خامة الطاره دى احسن ولا برده فيها نفس المشكله ؟