هشترى بيتلز من القاهرة وعايزة ميكانيكى يفحصها

[mosaic]

السلام عليكم
ان شاء الله هشترى عربيه فولكس بيتلز 66 من القاهرة وعايزة حد من الاخوة ملاك البيتلز يدلونى على ميكانيكى يفحصهالنا هى بالقرب من السيدة زينب وسنعاينها بعد العيد مباشرة، ليس لدى اى خبرة بالسيارات لانى هتعلم عليها وزوجى عندة موديل تانى وليس لدية اى خبرة بالفولكس ، انا مقنعة جدا بالبيتلز كسيارة ولكنى ارغب بحد يفحصها بصورة جيدة ارجو الرد

[ahit]

السلام عليكم ورحمة الله وبركاته

أختى الكريمة كل سنه و إنتى طيبه
و بفضل الله البيتل سياره ممتازه و معمره و قويه بس المهم الحاله الكويسه.

أنا برشحلك عاطف عبده فرج الميكانيكى اللى فى الزهراء عند جراج أثر النبى موبايل : 0101467431

و لو إحتجتينى فى أى وقت كلمينى , أنا من القلعه و قريب من السيدة زينب - و أنا فى الخدمه لوجه الله تعالى
أحمد حسن : 0100058284

و ربنا يقدملك اللى فيه الخير و يوفقك فى عربيه بيتل محترمه تستمتعى بيها و تبعدك عن مشاكل العربيات القديمه - مجرد صيانه دوريه

[mosaic]

شكرا جزيلا على الرد وان شاء ساتصل بية مسبقا عشان يرتب ظروفة وكل سنة وحضرتك طيب وبخير ان شاء اللة احنا ناوين نروح انا على الاتنين او التلات هى موديل 66 1300ccوصاحبها بيقول انها اترفعت اخر 6 سنوات وعموما دا مش هيفرق فى عمرها السديد وبيقول ان الموتور كويس ومن الداخل فبريكا هى المانى انا عاجبنى فيها انها مش متعدلة ولا متسقطلها موتور ولا حاجات من دى الحاجة الوحيدة انة غير عجلة الدريكسيون انا حتى سالتة على القديمة قالى انها محتفظش بيها لانة ميعرفش ان حد ممكن يحتاجها وان شاء اللة احنا رجلنا كتير على بورسعيد اللى ينقصها نجبهولها من هناك بس هو فعلا ممكن يكون تعلم القيادة عليها صعب لسيدة؟
دا من اسباب ان مش عيازها بجنوط ايطالى انى عرفت انها بتقل الدريكسيون فيترى رايكم اية وشكرا للرد

[mosaic]

شكرا جزيلا على الرد وان شاء ساتصل بية مسبقا عشان يرتب ظروفة وكل سنة وحضرتك طيب وبخير ان شاء اللة احنا ناوين نروح انا على الاتنين او التلات هى موديل 66 1300ccوصاحبها بيقول انها اترفعت اخر 6 سنوات وعموما دا مش هيفرق فى عمرها السديد وبيقول ان الموتور كويس ومن الداخل فبريكا هى المانى انا عاجبنى فيها انها مش متعدلة ولا متسقطلها موتور ولا حاجات من دى الحاجة الوحيدة انة غير عجلة الدريكسيون انا حتى سالتة على القديمة قالى انها محتفظش بيها لانة ميعرفش ان حد ممكن يحتاجها وان شاء اللة احنا رجلنا كتير على بورسعيد اللى ينقصها نجبهولها من هناك بس هو فعلا ممكن يكون تعلم القيادة عليها صعب لسيدة؟
دا من اسباب ان مش عيازها بجنوط ايطالى انى عرفت انها بتقل الدريكسيون فيترى رايكم اية وشكرا للرد

وان شاء اللة سنتصل بحضرتك قبلها ولو قدرت تجرب تسوقها يبقى كتر خيرك انا زوجى عندة اوبل واتومتك اكيد فى فرق كبير بين التعامل مع العربيتين وشكرا لذوق حضرتك

[gomangy]

ربنا يوفقك في الشراء ان شاء الله ويباركلك فيها
طبعا انا مقدرش اقول حاجه تاني بعد الاستاذ احمد لان لو قلت من هنا لبكره مش هكفي عن البيتلز حبيبه قلبي _ الزغلولة _
وكل سنه وانتم طيبين

[ابوهاشم]

السلام عليكم
اولا اهنيكى على اختيارك للبيتل
وان شاء الله هتعجبك جدا ومش هتندمى
على اختيارها
بالنسبه للميكانيكى زى ماقال احمد حسن
عاطف عبده فرج افضل وكمان قريب من السيده زينب
وعلى فكره مافيش قلق بالنسبه للبيتل من قيادة سيده
لانها ناعمه مش خشنه وافضل من سيارت كتير
وبالنسبه للحاله الفنيه اللى هيحكم عليها الميكانيكى
وربنا يوفقك فى الشراء
وكل عام وانتم بخير

[mosaic]

شكرا جيزيلا ياجماعة على ردكم وانا بقالى فترة متابعة كل موضوعات البيتلز فى المنتدى وكمان قريت عن موديلاتها من اول مانزلت والفروق بين الموديلات ونزلت شوية صور للعربيات الفبريكا من الداخل سواء للموتور او للتابلوة بجد تحفة ان شاء اللة ارفعها على الموقع بصراحة فى المواقع الاجنبى المخصصة للبيع عجبنى عندهم حاجة مشتفهاش عندنا بيرفعوا صور كتير للعربية حتى صور الموتور والشنطة من الداخل حتى الحتت اللى فيها برومة او خبطة عشان المشترى يكون على نور وكل عام وانتم بخير وسنواليكم باخبار زيارتنا للقاهرة وربنا يقدم الخير وتكون العربية حلوة بجد وشكرا

[ابوهاشم]

العفو يافندم لا شكر على واجب
احنا كلنا اخوات لايهمنا الا الصالح العام
وكلنا بنستفيد من بعض لوجه الله تعالى
وفيما بعد ان شاء الله هنستفاد من تجاربك
اللى هتحكيلنا عليها مع البيتلز الجباره
وبالتوفيق ان شاء الله

[mosaic]

ارق تحياتى وشكرى للاستاذ احمد حسن وعلى الميكانيكى اللى رشحة استاذ عاطف راجل ذوق جدا وعاملنا بجد ضيوف وكرمنا بذوقة لما عرف اننا اصحاب استاذ احمد حسن وهو فعلا راجل خبير وحتى وصلنا بعربيتة للحسين بعد المعاينة فشكرا جزيلا يا بشمهندس احمد وزوجى طلب حضرتك فى نفس اليوم نشكرك ونطمن على والدك لكن للاسف حضرتك مردتش ربنا يطمنا علية ان شاء اللة العربية طلعت معقولة عايزة عمرة موتور اونص عمرة وطبعا سمكرة ودوكو ورسيت على 8 بس لسة مخلصناش فيها هى موديل 60 المانى 1300 بطارية جديدة كاوتش كويس رقبة سليمة صالون معقول بس اية رايكم

[asaeed]

ارق تحياتى وشكرى للاستاذ احمد حسن وعلى الميكانيكى اللى رشحة استاذ عاطف راجل ذوق جدا وعاملنا بجد ضيوف وكرمنا بذوقة لما عرف اننا اصحاب استاذ احمد حسن وهو فعلا راجل خبير وحتى وصلنا بعربيتة للحسين بعد المعاينة فشكرا جزيلا يا بشمهندس احمد وزوجى طلب حضرتك فى نفس اليوم نشكرك ونطمن على والدك لكن للاسف حضرتك مردتش ربنا يطمنا علية ان شاء اللة العربية طلعت معقولة عايزة عمرة موتور اونص عمرة وطبعا سمكرة ودوكو ورسيت على 8 بس لسة مخلصناش فيها هى موديل 60 المانى 1300 بطارية جديدة كاوتش كويس رقبة سليمة صالون معقول بس اية رايكم

العربية البيتل في حد ذاتها جميييييييييييلة جداً واستحالة تلاقي أي عربية موديل تاني غير البيتلز الألماني صناعة سنة 1960 ولسة عايشة وبتمشي حتى الآن وبتجيب بيها 140 على الطريق، وبرغم أني أمتلك عربية بولونيز موديل 87 إلا أني من أشد المعجبين بالعربية البيتل، وذكرت من قبل في بعض مواضيع المنتدى أن العربية دي لو 4 باب متهيألي أنا مكنتش ترددت لحظة في امتلاكها.
بس أنا أعتقد على الشغل إللي انتي بتقولي عليه في العربية دي السعر غالي شوية وماتنسيش أن عمرة العربية دي غالية وهتبقى محتاجه تظبيط وكل ده سيضاف على ثمنها الأساسي، بس والله أنا مش بأكسر مأديفك، واعتقادي ده ممكن يكون خطأ لأني أنا ماشفتهاش.

عموماً أتمنى لك التوفيق وبإذن الله هتبقى سعيدة انك امتلكتي هذه السيارة الحائزة على إعجاب كثير من الناس

[smsmxxxxxx]

السلام عليكم

بالنسبة لسعر 8000 لعربية محتاجة شغل كتير زى ده منصحكيش بيها طبعا

لان العمرة ممكن تتكلف من 2000 الى 3000 حسب ما قرأت فى مواضيع هنا
والسمكرة والدوكو العادى حسب حالة العربية بس من اول 1000 فيما فوق
ولو هتغيري لون وتجبيها على الصاج بحرق الدهان القديم يبقي من اول 2000

واكيد طبعا الصالون تعبان يبقي كمان 1000
ولو محتاجة ضفيرة كهرباء ضيفي 750 جنيه

وطبعا علشان محتاجة عمرة مقدرتوش تجربوها فى المشي السريع
يبقي احتمال الفتيس يكون فيه مشاكل

وبرضه طلمبة البنزين والكاربراتير والدينامو كل دول لازم الموتور يكون كويس علشان لو فيهم عيوب تظهر

اما بالنسبة ان العربية فيها بطارية جديدة وكاوتش جديد فدا كلام مبيتكلفش كتير
البطارية اقل من 500 جنيه الكاوتشات انا جبت اربعة تيوبلس عريض مستعملين كأنهم جداد
بخمسمائة جنيه

علشان كدة انا انصح بعدم شرائها او شرائها ب 5000 جنيه لا اكثر
ويفضل عدم الشراء لان خبرتك محدودة فى التعامل مع الميكانيكية بتوع البيتلز لان هيكون اول تعامل عمرة ودى مش سهلة


---------------
محمد سالم

[gomangy]

الله ينور عليك يا محمد باشا سالم

[asaeed]

انا كنت حقول كده بس خفت الأخوة بالمنتدى تقول أني بأكسر مأديفها

[ahit]

ارق تحياتى وشكرى للاستاذ احمد حسن وعلى الميكانيكى اللى رشحة استاذ عاطف راجل ذوق جدا وعاملنا بجد ضيوف وكرمنا بذوقة لما عرف اننا اصحاب استاذ احمد حسن وهو فعلا راجل خبير وحتى وصلنا بعربيتة للحسين بعد المعاينة فشكرا جزيلا يا بشمهندس احمد وزوجى طلب حضرتك فى نفس اليوم نشكرك ونطمن على والدك لكن للاسف حضرتك مردتش ربنا يطمنا علية ان شاء اللة العربية طلعت معقولة عايزة عمرة موتور اونص عمرة وطبعا سمكرة ودوكو ورسيت على 8 بس لسة مخلصناش فيها هى موديل 60 المانى 1300 بطارية جديدة كاوتش كويس رقبة سليمة صالون معقول بس اية رايكم

السلام عليكم ورحمة الله وبركاته

العفو يا فندم إحنا إخوات
و سعدت جداً بمكالمه زوج حضرتك و كنت أتمنى مقابلتكم لكن و الله ظروفى من أول يوم العيد مش كويسه بسبب تعب والدى لأنه كان دخل العنايه المركزه ( ربنا يشفيه و يشفى كل مريض ) و كنت أتمنى أقابلكم و أرحب بيكم و أقدملكم واجب الضيافة المطلوب لكن عذراً المره دى و إن شاء الله نتقابل قريب على خير.

و الأسطى عاطف عبده فرج راجل محترم و أمين و سريع و نظيف فى شغله و ذوق جداً و خاصة مع أى حد يكون من طرفى.

و أنا رأى الخاص تشوفى عربيه نظيفة تريحك و الفرق مش هايكون كبير و أنا طلبت من الأسطى عاطف يدور على عربيه كويسه و نظيفه و يكون هو اللى مسئول عنها و إن شاء الله لما هايلاقى هايكلمنى ده لو حضرتك مالقتيش عربيه كويسه أو ما أختيش قرار فى العربيه بتاعه السيده زينب أو بتاعه الزيتون.

و لو فيه أى إستفسار عن أى حاجه فى البيتل كلمونى فى أى وقت و ربنا يقدرنى و أقدر أساعدكم

[ahit]

العربية البيتل في حد ذاتها جميييييييييييلة جداً واستحالة تلاقي أي عربية موديل تاني غير البيتلز الألماني صناعة سنة 1960 ولسة عايشة وبتمشي حتى الآن وبتجيب بيها 140 على الطريق، وبرغم أني أمتلك عربية بولونيز موديل 87 إلا أني من أشد المعجبين بالعربية البيتل، وذكرت من قبل في بعض مواضيع المنتدى أن العربية دي لو 4 باب متهيألي أنا مكنتش ترددت لحظة في امتلاكها.
بس أنا أعتقد على الشغل إللي انتي بتقولي عليه في العربية دي السعر غالي شوية وماتنسيش أن عمرة العربية دي غالية وهتبقى محتاجه تظبيط وكل ده سيضاف على ثمنها الأساسي، بس والله أنا مش بأكسر مأديفك، واعتقادي ده ممكن يكون خطأ لأني أنا ماشفتهاش.

عموماً أتمنى لك التوفيق وبإذن الله هتبقى سعيدة انك امتلكتي هذه السيارة الحائزة على إعجاب كثير من الناس

عمرو باشا السقا
كل سنه و انت طيب
و أنا سعيد جداً بمشاركاتك معانا بالرغم من عدم إمتلاكك للبيتل و ربنا يباركلك فى البولونيز. و كلامك سليم و أنا مؤيده بالكامل.
و يشرفنى إننا نتقابل كلنا و نتعرف و يسعدنى إنك تسوق عربيتى و تجرب قياده البيتل و بالمره أنا كمان أجرب البولونيز بتاعتك ده بعد إذنك طبعاً.
و يارب نتقابل على خير دايماً