استفسار عن باراتي

[allo]

الإخوة الأعزاء أعضاء المنتدى الجميل نايل موتورز

كل سنة وانتو طيبين ,

معروض عليه عربية باراتي 2004 ب 45000 العربية حالتها حلوة ومش راشة حاجة وهي كعربية جميلة جداً بس فيها حاجتين هيتغيرو
مساعد قدام شمال (لإنه شكله تعبان شوية) ومراية قدام شمال (ممكن نخصم تمنهم)

حد من خبراء المنتدى ممكن يفيدني تمنهم كام؟

وبالنسبة للعربية عموماً هل قطع غيارها موجودة؟ ( لو مش متوافرة في أماكن كتير متفرقش قوي
لإني من العاشر من رمضان وأي قطع غيار لأي عربية طبيعي لازم انزل القاهرة أجيبها) بس المهم
هي موجودة ولا لأ

لو حد يتكرم يفيدني في الموضوع ده بأسرع ما يمكن , وألف شكر مقدماً

[M.Mostafa80]

نصيحه بلاش منها البرازيلى من فولكس مقرف خليك فى بولو 2001

[allo]

ياريت تفاصيل لإن خسارة عربية كويسة زي دي تتساب من غير منعرف اي تفاصيل

[vodanet]

المرايه لو زى بتاعت البوينتر يبقى 170

[M.Mostafa80]

بص ياسيدى العربيه كعربيه محترمه جدا ولا اقلل من شانها كا سياره
ولكن المشكله تتلخص فى توافر قطع غيار السياره ليس لها قطع غيار ا
أستيراد وذلك بسبب بلد التصنيع البرازيل لأن التجار يجلبو السيارات من أوروبا أما بالنسبه للجديد فهو غير متوفر بسهوله وقد يكون منعدم ومحير عكس السيارات الوارده من أوروبا عموما

[allo]

الف شكر يا شباب (خسارة كانت عاجباني)

[allo]

انا اتصلت بتوكيل ابو رواش وسألت

مساعد أمامي 550 جنيه (هو مش عنده بس موجود في توكيل العبور)
دراع اشارة 500 جنيه
مراية أمامية شمال 1800 جنيه

أي قطعة لو مش موجودة بتعمل طلب وبتيجي بعد 3 أسابيع

عموماً الأسعار مش غالية أوي بالنسبة لتوكيل بس هي المشكلة ان مفيش قطع استيراد

[M.Mostafa80]

كتير جدا 1800 على مرايا

[vodanet]

سعر اكيد غلط